ابي شوركم في الاكسبلورر وش الفرق بين الامريكي والسعودي وجميع مافيه من مشاكل ؟؟

[راع الكهف]

سلاام عليكم

مساء الخيررر ياخوان

ابي مشورتكم في امر انا جاهل فيه وهو سيارة الاكسبلورر

انا معجبني شكله وخصوصا الؤلؤي منه

لكني ماعرف لفورد ابدااا

انا سمعت انه كثير خربااات ويشغلك يخرب معاك ولا تعرف ايش سبب الخراب

وقطع غيراه نارررر

وكل هالكلااام انا مو مقتنع فيه اقتناع تااام

لان واحد قريب لي معاه اكسبلور وكالة 2004 ويمدح فيييه

قالي بساطة ( كروات فكتوريا لكن لها صندوق ) !

انا ماعرف اقيامهن ولا افضل الموديلااات

انا معجبني الشكل الجديد الي بعد شكل 2004


انا ابي مشورتكم ونصيحتكم

ايش الفرق بين الامريكي والسعودي ؟؟

( فرق طبلون ومحركات وديكور داخلي ومراتب والا بايش فيه الفرق )؟!

كيف الاستخدام بالديرة؟

والاستخدام بالسفر والراحة الي فيه ورساوته بالخط ؟

كيف خرباته وقطع الغيار وغلااها ( الاصلي) .. وكيف تصليحه لازم محترف ؟

لو شريت امريكي ايش اغير فيه ؟

والسعودي ايش مميزاته ؟

انا ما اعرف اقيامهن 2008 والا 2007 او 2009
( لان مبلغي بحدود 60 او 70 الف)

انا ماني راعي تطعيس قوي بالنفود وكرف مواتر بالتراب

استخدام عادي جداا فالبر

ولاني راعي سفريات كثيرررة


ابغاه لي ولعائلتي يكفيني لانه صغير وانيق شكله


اتمنى تفيدوني بكل ماسالت عنه لاني ماقدر على قيم التاهو والا الجيب


واشوف الاكسبلورر مناسب جدا لي

[راع الكهف]

يالربع ياليــــت تفيدوني بالي تعرفونة على الاقل

[ابوفراس1]

الامريكي فيه ثمان اسلندر هذا قطعه ماتلقاها نادره والسعودي سته سلندر وفيه امريكي سته اسلندر 2006 يمدحونه وترى الشكل كله زي بعض فرق بسيط باديكور ولا يلاحظ المقاعد فيه 3 وفيه 2 والتكييف فيه نوع تكييف كامل وفيه نوع بس بين المقاعد واستخير وتوكل

[al7eran]

اللي قالك كراون فكتوريا لها صندوق

ماصدق

فرق ياحبيبي

هذا جيب وقاسي واثثقل من الكراون فكتوريا

الفكتوريا 8 سلندر ولاتسمع صوت للمكينة وراحة وليونه عالمطبات

لازم تجربه قبل تشتري لاتسمع كلام العالم

[mad_4u]

شوف يالحبيب
انا كان عندي اكورد 2006 واستخدمتها 3 سنوات ماطبيت ورشة الا يوم قلت ابي اربطها واخدت لها كراسي مكينة وجلد مقصات ومسامير توازن وانتهيت والحمد لله قدر الله وصنفت اغيرها وليتني ماسويت

اخدت بعدها اكسبلورر امريكي 2006 ومن يوم 1 تعلمت طريق الورش :)
ماخليت مكان وبنشري لجل اسالة تغيير زيت الجربوكس لين وصلت لواحد
اتعبني بتهريب الموية مرة رديتر غيرت الرديتر طلع لي طبة الي تركب فيها حساس الحرارة فوق المكينة امس مغيرها سعرها 80 ريال مع الجلد
قطع غيارة ماهي غالية مرة متوسطة وممكن ارخص من الهوندا
والورش كثير من الورش تخاف منها لاكن لو تعرف ميكانيكي ممتاز وفاهم راح يخدمك

المكيف تبعه بارد ماشاء الله لاكن عيبة مايجي فيه فلتر لثلاجة المكيف يعني بعد فترة تلقى دفع الهوى يقل وتحتاج تفك الثلاجة وتنظفها وان انفكت الثلاجة عند واحد مو فنان وعباها فريون مو اصلي تبداء معاك معاناة المكيف

السيارة ثقيلة داخل المدينة ماهي بخفة السيدان بحكم انها جيب خصوصا بقومتها
رجلك لازم تكون خفيفة على البنزين لان الجيربوكس تبعها حساس
اذا بتاخد مستخدم خد استخدام امريكي ( ايدي باور ) تجيك فل كامل او ( ليمتد )
هذي اعلى فئه وراح ترتاح معها من ناحية الفخامة ولا تقرب ال 8 سلندر قطعها غالية وغير متوفر

المستخدم السعودي مانصحك فيه لانها سيارة حساسة وربعنا يجيب اجلها ويقرر يبيعها وانت يامسكين لك الله غرتك الشكل وتبتلش بشي كارة نفسه

انتبه تشتري الاستخدام الامريكي الي جاي من دبي بالغالب تكون مصدومة علشان كذا تمر على دبي تتعدل ومن ثم تدخل للسعودية بعكس الي تجي مباشرة من امريكا.

وفي النهاية هي قناعة وتعتمد عليك وحسب استخدامك لو كانت السيارة صينية حافظت عليها تعطيك خيرها كرفتها ماراح ترحمك وتمتص جيبك

نصيحة ان توكلت على الله وقررت تشتري سواء هي او غيرها
لا تفحص السيارة فحص كمبيوتر وخرابيط مايعطيك الى نسبة المكينه حتى لو المكينه مبوشة تعطيك نفس النسب وافضل بعض الاوقات
ان كنت في جدة عند حراج السيارات في ورش خلفها اتراك وديها عندهم يفحصونها لك بودي ومكينة وجيربوكس
اي معرض يرفض تفحص عند الاتراك اعرف انه خايف يطلع عيوب بها ومايقبل الا الي واثق من سيارته
قبل الشراء تاكد ان ماعندك اي مشكلة باي حساس ومافي اي اشارات تنبية في الطبلون بعض الحساسات اسعارها خرافية مثل حساس الجيربوكس

بعد شراء السيارة سوي الاتي
1- غير زيت المكينة والفلتر
2- غير زيت الجيربوكس والفلتر
3- غير فلتر الهواء
4- غير فلتر البنزين
5- ان كان فيها فلتر مكيف نظفة ان مافيها ودفع الهواء ممتاز حاول تولف لها فلتر مكيف تضمن ماتتعب مستقبلاً
6- تاكد من الرديتر والموية تبعها انها موية اصلية او الافضل تغير الموية كاملة بموية جديدة اصلية

كل هذي ممكن تكلفك 1000 ريال وهي صيانة افتراضية

تحياتي

[m3ax]

يا جماعة الخير من اللي يقول ان قطع الثمانية سلندر مو متوفره؟؟؟؟؟

يا اخي هل سبق ورحتوا تدورون بأنفسكم عنها لأنها متوفرة مثلها مثل الستة سلندر بعضها في الوكالة وبعضها برى الوكالة عند التقوى تلاقيها كلها متوفرة ولا تختلف عن الستة سلندر الا في الماكينة بس وباقي القطع مثل بعض !!!

[اكسبلور ب س و]

[QUOTE=m3ax;8019820]يا جماعة الخير من اللي يقول ان قطع الثمانية سلندر مو متوفره؟؟؟؟؟

يا اخي هل سبق ورحتوا تدورون بأنفسكم عنها لأنها متوفرة مثلها مثل الستة سلندر بعضها في الوكالة وبعضها برى الوكالة عند التقوى تلاقيها كلها متوفرة ولا تختلف عن الستة سلندر الا في الماكينة بس وباقي القطع مثل بعض !!![/QUOT
السلام عليكم
اخواني كلام الرجال صحيح مين الي قال قطع 8 سلندر مومتوفر انا معي 2006 ايدي باور 8 سلندر الان له تقريبا معي سنه ونص :D قولو ماشاء الله تبارك الله الحمد لله قطع غيار متوفر ولا عمري اشتكيت من عدم وجود القطع تلاقيها حتى بالبقاله :p ممكن اسعر يفرق عن 6 سلندر شي بسيط لا يذكر في حدود 10 ريال إلى 40 ريال ؟؟؟؟؟
لكم تحياتي

[ابوفراس1]

كلامي عن قطع المكينه وغيرها نعم غير متوفره مثل 6 سلندر وهذا من واقع تجربه مع 8سلندر واخر مره رحت لمحل بالمدينه قالي بالحرف وش وداك 8 سلندر نبغى نشوفلك قطع الاكبدشن ان شاء الله تجي عليه المحل الى رحتله اكبر محل قطع غيار بالمدينه