المساعد الشخصي الرقمي

مشاهدة النسخة كاملة : رايكم في جلوبر 98 ربع


ابو سديم 15
26/02/2012, 07:17 PM
الله يحييكم ، وردودكم على موضوعي ارفع له كل التقدير والاحترام ،،
شريت جلوبر ربع 98 للبر والتمشي لكن كل ماوجهت واحد يضحك علي ويقول اخطيت الموتر مشاكله واجد (( وكان مخزن 5 سنوات )) طبعا القديم يبي له شغل شوي ،، فيه تفتفه بسيطه والمكينه ماتنقص الحمدلله والحراره مع المكيف ماتعدى النصف تقريبا الثلث ، والموتر فيه رجه بسيطه يقولون بسبب ان الكفرات مارصصت وقديمه شوي والجنوط جي تي 15 ستة مسامير ،، وهل قطع غياره متوفره يعني ماأتوهق ،،
تحياتي __
SAS2
26/02/2012, 07:49 PM
يالغالي الجالوبر ممتاز وعندنا بالديره كم حبه تخدم للحين لا يهمك احد

الخطاء يمكن الي سويته انك خذته مخزن والمخزن العن شي ويبيله نفض فرامل ( اهم شي )

وتشوف وش يبيله من تشحيم وغيره المهم يالغالي انتبه ثاني مره تشتري مخزن والله يحفظك ×
سيف وقلم
26/02/2012, 08:55 PM
ما دامك شريت لاتشاور إن شاء الله زين والله يطعمك خيره ويكفيك شره

الجالوبر حسب ما قرأت أن المكينة والدفرنس والدبل من شركة مستوبيشي
ابو سديم 15
27/02/2012, 02:16 PM
ساس الله يعطيك العافيه وماقصرت هو صحيح مخزن بس راعيه نفضه قبل ماأشتريه وأعطاني الفواتير بالتاريخ وكل شي صلحه تقريبا قبل اربع شهوور ،،
سيف وقلم يعطيك العافيه كلامك سيف وصحيح الاشياء اللي ذكرتها كلها من شركة مستوبيشي ،،

شاكر ومقدر لكـــم .......
ابا الأفلح
27/02/2012, 02:45 PM
ابو سديم تراه ممتاز بس ماهو حق طعوس واسأل مجرب ون كانك قررت تبيع انا اشتريه منك 0505261676 عبدالعزيز
ابو سديم 15
27/02/2012, 08:04 PM
ابو الأفلح ،، الموتر حليو و يبي شغل خفيف ،، اتوقع انه مايكلف 1500 ريال ،، وإن بديت اصلحه ماأتوقع إني اببيع ،، فإذا ضبطت اموري علمتك ، ، واسعاره تتوقع كم بحكم خبرتك ،، علماً بأن الموتر ممشاه 180000
وكتالوجاته معه .
العنابي 616
28/02/2012, 11:21 AM
و الله ما استخدمته
بس اعرف واحد عنده جالوبر و يسافر و يكشت عليه و ما عليه خلاف
و ميزته خفيف يعني بالنفود زين
ابو سديم 15
28/02/2012, 10:10 PM
يعطيك العافيه ياالعنابي ،،، بدا الموتر يوم جربته يكبر في عيني ،،،،، تحياتي
Abo gssar
28/02/2012, 10:57 PM
وش هو الجالوبر
ابو سديم 15
29/02/2012, 09:46 AM
ابو جسار _ لو هالموقع سهل وضع الصوره فيه وبسرعه كان حطيت لك الصوره بس الوضع معقد ومشوار ،،
الجلوبر جيب هيونداي يشبه الباجيرو 90% ،،، ومكينته وقيره ودفرنسه باجيرو ،، وهو اللي تشوفه الحين جيب هيونداي المطور اسمه توسان ،، تحياتي ....
النباع
29/02/2012, 09:54 AM
الله يبارك فيه
كاشت وحداني
29/02/2012, 01:18 PM
http://img.tapatalk.com/d4768f21-fafe-3455.jpg

بعد اذنك
هذا الجالوبر يابو جسار
اسهل منتدى عرفته في رفع الصور هو مكشات
اطلع فوق وتجد مركز رفع الصور خاص بمكشات
وهذي المشاركه كتبتها ورفعت الصوره عن طريق الايفون عبر برنامج tapatalk

ولكم تحياتي
ابو سديم 15
03/03/2012, 09:59 AM
كاشت ،، حاولت كم مره احط صور ،، يقول اذهب ثم اذهب ثم ضع وكلام واجد ،،،، فمسحت الصوووره ،،
شاكر لردك ،،،
كاشت وحداني
03/03/2012, 10:45 AM
هلا ابو سديم
ان شاء الله بشوف لك الشرح حق رفع الصور
واحط لك رابطه
هو موجود بالمنتدى
ومما يميز مكشات ان مركز الرفع منه وفيه
معظم المنتديات الاخرى تروح ترفع الصوره من مراكز رفع ثم تنسخ الرابط وترجع للمنتدى ووجع راس
موفق خير
ابو سديم 15
04/03/2012, 08:59 AM
مكشور كاشت ،، وبعض المواقع بيي لك تكشت فيها عشان ترفع الصوووووور ،،
تحياتي ..