وزارة التجارة ترد على شركة الحمراني

[HAS5SAN]

بسم الله الرحمن الرحيم
السلام عليكم ورحمة الله وبركاته :
"التجارة" ترد على الحمراني:

نظام وكالات السيارات لا يقتضي حصريتها


http://sabq.org/files/news-image/64679.jpg
واس- الرياض:
نفت وزارة التجارة والصناعة صحة ما تضمنه الإعلان المنشور في عدد من الصحف المحلية
يوم أمس الأحد، من شركة الحمراني المتحدة وكيل سيارات نيسان وإنفنتي وقطع غيارهما بالمملكة
وأوضحت الوزارة في بيان لها اليوم أنه تم إقحام حماية المستهلك في هذا الإعلان
متضمناً تهديداً مبطناً لمن يتعامل مع غير الوكيل، مشيرة إلى أن نظام الوكالات في
المملكة لا يقتضي حصرية الوكالة أو الحصول على موافقة الوكيل المعين لتسويق سيارات نيسان وإنفنتي
وأن جميع أنواع السيارات المعروضة في أسواق المملكة مصرح بها ويتم فسحها
بموجب إجراءات محددة من الوزارة، ومنها مطابقتها للمواصفات والمقاييس
وبينت وزارة التجارة والصناعة أنه لا يجوز لشركة الحمراني المتحدة التصريح بمخالفة
النظام لأي ممارس لأن هذا خارج مسؤولياتها، مؤكدةً أن الوكيل المعين من الشركة
الصانعة ملزم بتوفير الصيانة وقطع الغيار لأي سيارة منتجة من قبل موكله

المصدر =
http://sabq.org/Tsdfde

:)

[HAS5SAN]

يالت احد المشرفين يعدل العنوان
من وزراة إلى وزارة

[SAS2]

مشكووور يالغالي والله يكون بعون الي يشتري من هالوكاله

[ابن عكاش]

شي غريب تصدق الظاهر مابقى جريده إلا واعلن فيها ويتوعد طيب قل منهم لكن بان على حقيقته
تسلم يالغالي على النقل

[التعـ King ـديل]

يالت احد المشرفين يعدل العنوان
من وزراة إلى وزارة


كذا حلو :D تم التعديل

[اسبيدر مان]

ممتاز بدايه موفقه من الوزاره
مشكور على الخبر الحلو

[ابوسليمان12]

قريت تعليق علا الخبر بسبق ان سبب هالاعلان هو ان معرض نجدبالنسيم جاب كمية من سيارات نيسان من الخليج

[قرم العيال]

هذا تهديد الحرامي الحمراني

http://s.alriyadh.com/2012/02/26/img/116492618340.jpg

[أبو أسامة]

ههههههههههههههههههههه

راحت على الحمراني يعني بالغصب يضمن هذه السيارات

[sgl2002]

على كيفه الحمراني

يعني لا رحمنا ولا يبي الرحمة تجينا

عليه من الله مايستحق هذا اللص

[العنابي 616]

شين و قواة عين
يكذب بالجريدة
بس الحمدلله حبل الكذب قصير :)

[عبدالعزيز بن احمد]

ياااااارب


يااااارررب


يغيرونه وفكونا منه


كرهنا نيسان بسبته
لا صيانه زي العالم
لا تعامل
لا مواصفات


الله يكون في عون المستهلك بس

[شرق المغيب]

شين وقوي عين يالحمراني ماشبعت من هالسنين وانت تدبل الاسعار على كيف كيفك

مافيه بعد اليوم لعب على المواطن الضعيف وسوف تفتح الوكااالات وكلمة حصري انساها

وادع ربك بالرحمة ولاتجعل الدنيا راس مااال

[خيال الغلبا]

من اسوأ الوكلاء الجشعين

[hguvfd]

على كيفه الحمراني

يعني لا رحمنا ولا يبي الرحمة تجينا

عليه من الله مايستحق هذا اللص
اخي العزيز رحمة الله اذا نزلت لا احد يحجبها احببت ان اوضح لك ما يقع به الكثير وغفر الله لى ولك للمسلمين اجمعين الاحياء و الاموات

[صقر نجد99]

الله يجزاك خير

[ابونبيل]

هذا تهديد الحرامي الحمراني

http://s.alriyadh.com/2012/02/26/img/116492618340.jpg

ياخي الحمراني شين وقوي عين :mad:

المفروض يقفلون وكالته المتسيبه
معمله سيءه وقطع محتكره وغير متوفره الا بعد اسبوع وقاطع الددسن الغماره وخذ يالهلي الغماره سوق وصل بمعارض الدمام في معرض الحمراني <طبعا عادي يبيع تويوتا يعني ابو جميل مو حصري.!!

المهم الغماره 78الف ريال عند هذا الحمراني :mad:

حسبي الله عليه

[بحر44]

حسبي الله عليك من وكيل
ماله هم الا كيف يحصل على اكبر مكسب ولا حسيب ولا رقيب

[قناص 28 عفيف]

ياخي الحمراني شين وقوي عين :mad:

المفروض يقفلون وكالته المتسيبه
معمله سيءه وقطع محتكره وغير متوفره الا بعد اسبوع وقاطع الددسن الغماره وخذ يالهلي الغماره سوق وصل بمعارض الدمام في معرض الحمراني <طبعا عادي يبيع تويوتا يعني ابو جميل مو حصري.!!

المهم الغماره 78الف ريال عند هذا الحمراني :mad:

حسبي الله عليه
وش غماره ددسن ولا هايلكس ؟؟
الددسن غمارتين جي ال ب 72 الف الهايلكس غمارتين جي ال اكس ب 100 الف منو الجشع ؟؟
حتى عند ابو جميل هايلكس غماره ب 78
وكل واحد اسواء من الثاني لاتقعد تمدح في ابو جميل هو كبيرهم

[قناص 28 عفيف]

بالنسبه للموضوع اتمنى انهم يفكون الاحتكار ويسمحون بااكثر من وكيل زي الاتصالات بعد مافكو الاحتكار نزلت اسعارهم وكل شركه تنافس الاخرى لاارضاء العميل

[أبوعبدالرحمن الأسعدي]

يمال للطيطي يالحمراني ..

اقول جاب الله هالوزير الجديد ولا لو هي على الوزير السبهه القديم عبدالله زينل كان علوووم !!

[تميم2222]

والله ان السياره حلووووه لكن الوكيل زفت. عقبال مانشوف. وكلاء غيره. يانه يصير كفو للوكاله ولا يضف عفشه ويمسكها من هو اكفى منه تسلم اخوي على هالموضوع

[ابوعبداللة09]

انا رحت للحمراني فرع خريص وسئلت عن قزوز انفنتي يمين ويسار قالو لي الواحد بخمسة الاف وخمسميه يعني الاثنين بحدعشر الف ريال وصادف اني طالع لدبي قلت خل امر الوكاله واسأل عنها ولقيتها عندهم الآثنين بأربعة الاف ريال شريتها وطبقتها عند الحمراني نفس القطع والكرتون والتغليف ولمن وريت الهندي الفاتورة اللي شريتها فيه ابتسم ابتسامه كبيرة وبدون تعليق هز ايديه يعني الفرق بس 7000الاف ريال

[التعـ King ـديل]

الله يكون بالعون والله يفكنا من الوكلاء بشكل كامل بصراحه كرهت كلمه وكيل بسببهم

معشوقي النيسان ب 270 الف ليش ؟؟؟ سارقين الفلوس حنا

[ابونبيل]

وش غماره ددسن ولا هايلكس ؟؟
الددسن غمارتين جي ال ب 72 الف الهايلكس غمارتين جي ال اكس ب 100 الف منو الجشع ؟؟
حتى عند ابو جميل هايلكس غماره ب 78
وكل واحد اسواء من الثاني لاتقعد تمدح في ابو جميل هو كبيرهم

اخوي ياليت تقرا كلامي مره ثانيه اتوقع انك مافهمتني

الهلي عند ابو جميل بـ67,500 توه مطلعها واحد من العيال
وانا اتكلم عن المعارض الي عندنا بالدمام لقيت معرض اسمه شركة الحمراني يبيع نيسان ويبيع لندكروزر وهلي غماره 2012 بـ 78يعني اغلى من ابو جميل بـ 10 الاف
والددسن عند الحمراني الغمارتين 73,500 والكامري 73الف

بعدين اذا تكلمت ياليت تشوف بعينك اصلا الدبل عند ابو جميل الفل الكامل الهلي بـ 94الف

اذا بتتكلم عن المعارض يعني الشريطيه فحن متفقين على انهم حراميه

وانا ما ادافع لاعن الشريطيه ولا عن ابو جميل بس قصدي الحمراني اذا هو زعلان عشان الناس مايشرون من عنده ياخذون من الخليج وبحجة انه هو وكيل حصري فترى حتى ابو جميل وكيل هنا بالسعوديه
ليش يبيع تويوتا وهو نيسان.!؟؟؟

فهمت قصدي ياحبيبي
ولاتعصب على مره ثانيه ;)

[ابونبيل]

وترا الددسن الغماره مقطوعه من 2010 مافي الا ام حوض طويل ودركسونها قريب من شكل ددسن 84

[ملك الرمل]

طيـب مـاهـو الإجـراء القـانونـي بعـد هذا الرد .. هل قامت الوزراة بتنفيذ عقوبة على الحمراني ؟

كلام كثير من الوزارة لا ينفع بدون غجراء قانوني ملزم .. شبعنـا حكي .

[بو خليفه]

اشتر الاقل سعر و لا يهمك لا نيسان ولا تويوتا جميعهم هدفهم استنزاف المال