المساعد الشخصي الرقمي

مشاهدة النسخة كاملة : ددسن غمارة 2006 يا شباب وش رأيكم فيه ((طالب نصيحتكم))


السياسي
15/04/2006, 11:05 PM
ددسن غمارة 2006 يا شباب وش رأيكم فيه ((طالب نصيحتكم))

بسم الله الرحمن الرحيم


السلام عليكم ورحمة الله وبركاته


كنت جازم على الهلي ,,
وبعدين ترددت شوي ...
وفكرت بالددسن ..

خصوصا بعد ما سمعنا عن الهلي :

-- شكل قبيح ..
-- تجميع تايلندي ..
-- عيب تصنيعي ..
-- غالي جدا بشكل غير معقول ...
وغيرها ... من السلبيات ...


اخوكم في الله ناوي يطق ددسن 2006 غمارة ... دفرنس واحد ..

ودي استشيركم فيه قبل اشتريه ...

وش رايكم فيه من جميع النواحي ..

-- العزم والقوة ..
-- السرعة ..
-- صرفية البنزين ..
-- الرساوة بالخطوط ..
-- المطاعس بالنفود ..
-- الصبر والتحمل ..
-- الصيانة وقطع الغيار ..


وأتمنى إجابات كافية و وافية وشافية ...,, عن خبرة وتجربة ...
ما نبي (( سمعنا )) ولا (( يقولون )) و ..... و .... و ...
وياليت اللي معهم دداسن 2006 يشاركون ويفيدوننا ,,

واشكر الجميع مقدما ..

وجزاكم الله خيرا

.
.
.
أخوكم السياسي
http://mohd242.ektob.com

mohd242@hotmail.com
راعي العالياء
16/04/2006, 12:04 AM
السلام عليكم اخوي السياسي صراحه الددسن حلوه في كل شي اقتصاد بنزين اهون من الهلي والراحه ممتازه كل الي ذكرته فيها بس عيبها الوحيد الهربده يبيلك كل سته شهور تربيط ولك خالص تحياتي اخوك راعي العالياء
أيمن
16/04/2006, 12:09 AM
وعليكم السلام ورحمة الله وبركاته

إذا أردت النصيحة فاختر :
ددسن غمارة 2006 دفرنسين ديزل تيربو
ولا تنس تدعي لي ..

تحيتي
السياسي
16/04/2006, 01:31 PM
جزاكما الله خيرا ,,,

(( الديزل )) والله مدريعنه بس ما خش مزاجي ابد ,, البنزين ازين

ننتظر مشاركات باقي الشباب ,
محب النياق
16/04/2006, 05:03 PM
انا رايي انك تاخذ دبل ومتر هالطعوش تمتير .....................لاقلل هوا .....عب هوا.......دق الدبل وامش
عاشق البسمه
16/04/2006, 09:47 PM
توكل على الله وخذها ولاتنسى انها شــــــــــــيك

واذا تبي الشور خذ ديزل((تيربو)) يقولون يسفط البنزين واللي احسن غمارة دفرنسين ديزل

لاتنسى تستخير
السياسي
18/04/2006, 02:26 AM
حياكم الله جميعا ... ومشكورين كلن باسمه ..

ودنا نسمع ونشوف مشاركات اهل الدداسن ...
Waleed1
18/04/2006, 09:57 AM
السلام عليكم

نصيحتى لك ياأخى أن تجرب السيارة بنفسك، بمعنى جرب ددسن غمارتين 2006 دبل أو تايوتا غمارتين دبل 2006 وأحكم بنفسك، أنا ماعمرى سقت ددسن ألا حقت خوى قبل أسبوعين دفرنشين ودبل حقيقة ماأرتحت لها لاأدرى يمكن متعود على الامريكى فى النهاية جرب السيارة ولو تستأجرها.

والسلام
الكاايد
18/04/2006, 03:20 PM
انا معي ددسن 2006 غمارتين Gl بخاخات
بالنسبة للعزم والقوة تخف بشكل شبه ملحوظ في الطلعات
اما السرعة فيه فاصل على 175
وصرفية البنزين تعبي بـ 60 ريال تمشيك 500 كيلو
الرساوه في الخطوط مهوب شين يعني راسي
المطاعس بالنفود مااااااااش مع العلم اني احنه ولا ركبت كفرات عراض
الصبر والتحمل صبوووووووووووووووووووووووووووووووووور مثل الحمار
الصيان وقطع الغيار لا تخااااااااااااااااااااااااااااااااااااف ابدا

واذا تبي موتر للبر والبحر خذ دفرنسين دبل ورفيع

ولا تنسى ان الددسن قيمته فيه مايطيح سعره
وبالتوفيق انشأالله وارجو اني اكون افدتك
السياسي
20/04/2006, 03:23 PM
وليد ,,
وعليكم السلام
رايك ممتاز وطيب
وجزاك الله خير ...

الكايد ,,
بارك الله فيك على هالمعلومات ,,
شاكر ومقدر

وجزاك الله خير
برنس777
24/04/2006, 05:57 PM
يأخي السياسي يظل أن الددسن تحمل شعار فخر الصناعه اليابانيه
السياسي
28/04/2006, 11:47 PM
يعطيك العافية برنس ...
نكرر
ننتظر المزيد من مشاركات اهل الدداسن ... نبي اجابات مفصلة ,,
<!-- / message -->
صوح الجبل
29/04/2006, 12:03 AM
توكل على الله ..... تراها شيك
حـاتـم
29/04/2006, 05:21 AM
أخوي الغالي حنا مجربين الددسن الدفرنس والدفرنسين

اذا تبي موتر مايصرف خذ الدفرنس

وماشاء الله عزم ونشيط اما عن النفود انت وسواقتك

لان الموتر على سواقه وخاصه اذا كان دفرنس واحد

التحمل والصبر ماشا ءالله الددسن مايحتاج

قطع غيار وغيرها لاتشيل هم

والله يوفقك فالزين


ومشكور

أخوك / حاتم
bin7eyey
29/04/2006, 10:00 AM
هايلوكس 2006 2700 والله مافي عليه!! توني ماخذلي واحد واشهد انه موتر
ابو ليان
29/04/2006, 11:55 AM
خذ ولاتشاور وانصحك بالديزل التربوا يقلون يمشي مع البنزيين 000
السياسي
02/05/2006, 02:17 PM
مشكورين كلن باسمه

والله يعطيكم العافية
العطة
02/05/2006, 03:01 PM
السلام عليكم ورحمة الله وبركاتة

اخوي السياسي

ادخل على موقع نسيان الشرق الاوسط او السعودية واطلاع اداء المحركات التالي
البنزين القوة الحصانية 160 عند5600 دورة
العزم 22.2 عند3600 دورة

الديزل القوة الحصانية 131 عند 400 دورة
العزم 31 عند200 دورة

تلاحظ عزم البنزين ضعيف بعكس الديزل والعزم اهم من القوة في سيارات البيك اب للأن العزم تحتاجة في التحميل و التطعيس والطلعات
ولدالهلالية
11/06/2006, 03:10 PM
السلام عليكم عليكم ........ إذا تسمحون لي ودي أشارككم كشاركة سريعة ....

أنا أنصح أخوي إنه يشتري ددسن 2006 غمارة ، أنا بصراحة ما كنت أهضم الددسن ، لا من ناحية الشكل ، ولا من ناحية العزم ، والقوة ، والنشاط .... لكن في الوقت الحالي تغيرت نظرتي لها ، والسبب في ذلك ما يلي :

يوم من الأيام شاهدت سيارتين موقفات جنب بعض يبن يتقاومن : السيارة الأولى ددسن 2006 غمارة ، والثانية هايلوكس 2006 غمارة . أنا في البداية ضحكت على راعي الددسن ، قلت وشلون يبي يحط راسه براس الهايلوكس ، مع العلم إن الهلي بانسبة للنشاط والعزم والقوة معروفة من زمان . المهم بدأت المقاومة فتعجبت ان الددسن قامت على الهلي في المرة الأولى ، حطوا مقاومة مرة ثانية تفاجأت للمرة الثانية إن الددسن قامت على الهلي . بعدها دخلت ميزاجي ، ولا حظت ان الشباب يمدحونها بكل مكان .
لا وسعرها يقولون ما يتعدى 35 ألف
عمار السفينه
11/06/2006, 11:11 PM
:D لاتفكر ولاتحتار غير الديماكس لاتختار :D
ابوجراح
11/03/2007, 01:03 AM
تبي الشور

خذ لك ددسن غماره دفرنس واحد 2006 بخطوط يجيك بدون مكيف بس ركب المكيف في الوكاله على 2000 او 3000 وركب كفرات يوكاهاما 225 او 215

واذا كان على العزم انا اشهد ماشاء الله عليه عزم

ويكفي انه بخاخات وخفيف بالنفود

واعرف واحد معه مثل الددسن اللي عطيتك مواصفاته يقول ماشاء الله فراري في النفود

والله يوفقك ان شاء الله
عاشق مرات
12/03/2007, 02:43 PM
الددسن الغماره موتر بس عيب الددسن فيه قرقعه في باب الراكب حط شطرطون على المفصل ويروح الصوت وتوكل على الله ولاتشاور والدفرنسين افضل بس مايتعد160حط فرار ويمشي الددسن حمارمكده وليهمك الى يقول يتفكك واحد من الربع معه 2005دفرنس لعن ابوه وراعي سرعه والموتر ماشي 130 ماخرب معه الى انقطع السيرفقط ممشاء بر وزفلت عزك الله والموتر مثل الجديد ماشاالله