الابل محبتها لها طابعن غير

[ابن هويشل]

قصيدة الشاعر الكبير /عبدالله بن نايف بن عون
سمعته من الشاعر في اليوتيوب
وحصلتها في أحد المنتديات غير منسقها وفيها بعض الاخطاء وناقصه ثلاثة أبيات
فقمت بتعديلها وإكمال النقص وتنسيقاها
أرجو أن تنال إعجابكم
والله يطول بعمر ابو نايف على طاعته





والله مابيعك بالغنم يالمغاتير
واني مابدوي بك من الناس شاوي
حتى تخضين الفياض المخاضير
وتقطفين ارقاب نبت الصداوي
اليا جاء لروس قليقلانه نواوير
مثل الدقوق بريش خطو النداوي
الابل محبتها لها طابعن غير
واليا وقعت فالقلب ماهيب تاوي
ثنتين مافيهن مساوم وتسعير
لا فاتن الرجال طاح متساوي
دامه يراودهن وهو في رجاء خير
ولا غيرهن لمراض قلبه مداوي
وليا تركهن هف مع شفت البير
وصارت اموره بين هاوي وعاوي
محبة الوضحا وحب الغنادير
ترجع بقلب في طلبها رجاوي
اليا عرضت شقرا شعرها دعاثير
بعيونها تخلف مسار الهواوي
واللي يبي يطلب عن القول تبرير
لاينشد الا طيبين الهقاوي
يرفع لمثل محمد الخس تقرير
ويستنظر الحل الصحيح القصاوي
واليا خذا التقرير من شاعر مطير
تراه حلن مايعقبه دعاوي
ويمكن يقول الثالثه نقلت الطير
اللي حصل رفض الجناح الرهاوي
رفض الجناح اللي ليا استتبع السير
حول على راسه بالامر السماوي
خطو أشقر ماهوب من وارد الجير
من طار من عشه امراحه خلاوي

[رائد نملان الحبابي]

لاهنت على النقل

وصح الله الساااان ابن عون

[م.م.مذهب]

صح لسانك ولسان ابونايف