المساعد الشخصي الرقمي

مشاهدة النسخة كاملة : شورتكم يا اهل البالون تكفون


htc
16/04/2006, 12:16 PM
شباب انا توي شاري بليزر وراعيه الأول مركب عليه كفرات بالون ، بس انها مررررره مزعجه من ناحيه المطبات وكذلك والأهم من ناحيه الرساوة يعني الموتر لو ما تمسكه زين يراوغ يمين ويسار والأخطر لو كان فيه مطر لأني الأسبوع الماضي يوم جانا مطر بغيت اروح فيها لأني ماني متعود على البالون .:eek: :mad:
لكن بصراحه البالون في البر : خل الهوا على 10 وخذ رجال ( ماشاء الله تبارك الله ) يعني صحيح انها كفرات رمال فقط ( وحط تحت كلمة فقط عشرين خط ) وهي مكتوب عليها في الجنب ( sand tire ) .
السؤال هو :-
وسط الديره ما يضرها لو خليت الهوا على 20 علشان تخف المطبات شوي والا وش رايكم ؟؟؟؟ :confused:
وهل يمكن تركيبها بلستك والا تيوبلس ، وش الأفضل ؟؟؟
وآسفين على الإطالة .:o
السارحي
16/04/2006, 01:59 PM
يعطيك خيره ويكفيك شره انشاء الله

لا يطري على بالك تنزل هواه على الاسفلت اقل من :no2:30

البوالين ماهي سبب رئيسي في روغان السياره شيك على الهيئه الاماميه

لاني مركب بوالين وما عندي هالمشكله انصحك تفحص الهيئه وبعدين انا

مركبها تيوبلس وما عندي لا مطامر ولا شي

بس في مشكله وحده .... لا تطلع في المطر :D

تحياتي
راعي ال 8100
17/04/2006, 03:06 AM
ان خليت الهوى على 20 بيهج عليك الموتر في موية ولا اذا اسرعت انا مركبها في الديرة ماخليها الا على 40 وعساي اسلم بعد
غيّام
17/04/2006, 06:21 AM
إذا انت مركب بوالين سيام او ماكسس او نيكسن وكان غاطها 8 فهي تصلح للرمل وتصلح للضلع وبجداره وانا مجربها واثبتت متانتها ومن ناحية الهواء فالربع جزاهم الله خير ماقصروا وصح لسانهم
htc
17/04/2006, 08:55 AM
اشكركم ياشباب على مروركم واهتمامكم ، يعني شورتكم اني اخلي الهوا على 30 إلى 35 ، يكون احسن ؟؟ بس انها تكون مزعجة جدا في المطبات لكن الظاهر ان المشكلة عندي في المساعدات وانا دخلت السيارة للورشة ابي اغير المساعدات إلى مساعدات جبريل لأن المساعدات اللي جايه مع السيارة شكلها محجره مرررره وقديمة ، وبعد ما اطلعها من الورشة ان شاء الله اشوف الفرق .



[line][line]
الذيب لا منه عوا جاوبه ذيب ### ياذيب ..بشرني عساك متعافي

أهلا هلا ،، والفين مليون ترحيب ### وان زدتها مليار ماهوب كافي
غيّام
17/04/2006, 11:51 AM
والله وانا اخوك ماانصحك تركب مساعدات جبريل لنها مهيب عمليه ركب مساعدات منرو ممتازه جدا ومجربه

والهواء لاينزل عن 35 ابدا ان كانت 8 غاط وان كانت 6 غاط فخلها 40 افضل لها واطول في عمرها والله يوفقك
htc
17/04/2006, 01:29 PM
شكرا على مرورك اخوي غيام بس كيف اعرف هي 8 غاط والا 6 غاط ؟؟؟ اللي أعرفه انها من نوع دنلوب وبس .
htc
18/04/2006, 08:20 AM
معليش ابلشتكم يالربع : إذا دخلت للبر مناسب اخلي هوا كفرات البالون على 10 والا اكثر وش رايكم ؟؟ ؟
غيّام
18/04/2006, 11:37 AM
حياك الله وانا اخوك لا ابد لااشغلتنا ولا شئ وش عندنا مغير نفغص في ذا الكيبورد هذا اكلف ماعلينا والواحد مافيه خير اذا مانفع خويه000

اما عن سؤالك عن الغاط فهو اهم شئ في الكفرات 0
لانه معني غاط يعني عدد طبقات الكفر اذا كان 6 غاط معناه 6 طبقات واذا كان 8 معناه 8طبقات 00
وطبعا الثمانيه غاط اقوى وهو ممتاز للي راعي نفود وضلع وروحاته للضلع اكثر
لكن ال6 غاط لين وممتاز جدا للنفود لكنه مايتحمل مره في الضلع
وتعرف الكفر كم غاط بالكتابه اللي على جنب تلقى مكتوب ply8 او ply6

وانا انصحك البوالين مايصلح انك تنسمها مره لانها من يوم ماتنزل عن العشرين تفرش مره يعني عشرين مناسب جدا واذا كان الهواء نازل وسايفت يمكن ينفسخ الكفر ثم عاد يالله وش يزين البالون ما اهنا بأعسر منه 00

هذا ماعندي وانا اخوك وإذ بغيت شئ امرني
htc
18/04/2006, 12:03 PM
اشكرك اخوي غيام وما يامر عليك ظالم الله يسعدك :good: :good:

بالنسبة للبالون تمام يعني اخلي الهوا في الديره 35 وفي البر ما ينزل عن 20 ، وعساك سالم
طيب والمساعدات وش رايك في النوعية الممتازة لأن موتري البليزر الحين في الورشه ابي اسويله تربيط وتغيير مساعدات وبغيت اركب جبرين لكن بعض الزملا قالو انها قاسية مررررره وكذلك بعظهم قال انه يجي منها تقليد وقال لي اركب Acdelco مساعدات بلدها الغازية . وش راي الشباب تكفون لا تبطون علي لأن الموتر في الورشة .
الله لا يحرمنا من هالمنتدا الغالي ومكاشيته الغالين .:confused: :confused: :confused:
الدبل الثقيل
19/04/2006, 10:45 PM
الغالي غيام .....البالون نيكسن وش صناعته؟ و وين يباع؟ وكم سعره ل 8 غاط ؟
وبالنسبه لسيام تاير 8غاط... انا مركبه لشاص 2002 على جنوط جي اكس ديزل.. ويوم اروح للنفود مايفرش الكفر الا تحت 15 ... وكم مره اعبي الكفرات الى 55 او 60 واخليها ايام وارجع اجرب ومثل ماهي تقريبا ... تكفى وش الحل؟ الله يجزاك الفردوس الاعلى من الجنه..
غيّام
20/04/2006, 07:19 PM
htc : حياك الله وانا اخوك هوا الكفراتفي البوالين انصحك تخليه على اربعين ممتاز وانا مجربه على باترول مركب سيام ثم ركبت عليه ماكسس

اما المساعدات والله وانا اخوك مالي فيها بخص لكن انشد عن المنرو الامريكيه وهي تجي مقاسات كثيره يمكن يجي شئ منها على البليزر والله يطعمك من خيرها ويكفيك شرها


والله وانا اخوك مااذكر وش صناعتها لكن والله العالم وهو اغلب ضني انها يابانيه ووكيلها العمودي اللي في الغرابي لكنها ماتتفوق على السيام او الماكسس

اتوقع سبب ان موترك مايفرش ان الجنوط عريضه يعني ماتبين معك تلقاها فارشه وجرة الموتر كبيره لكنها في نظرك مافرشت بسبب الجنوط والهواذ اتوقع انه واجد مره 55 واحد من الربع معه جي اكس ار ديزل ومركب عليه سيام 8 غاط ومايزين هواها عن 40 ابد عشان مايطلع مطبها قاسي واربعين مناسب جدا
الدبل الثقيل
21/04/2006, 03:25 AM
الله يجزاك خير ... الجنوط نحيفه عرضها 6 انش.... وبعدين انا اعبيه الى 55 عشان يتمدد هذي نصيحة الناس... وبعدين وش رايك في كفر ماكسس 825 /16 نايلون حجري مخطط 14 غاط شفته على صالون فتك بالرياض ... وابغاه للوعر لانه مرتفع...