شورو علي في اي كفرات

[aahhhh2]

السلام عليكم ورحمة الله وبركاته وبعد
ياجماعة الخير ابي اسائل اي افضل للجيب فيبر قلاص (ربع ) اليوكهاما ولا اشاهين ولا التويو في الرمل والاستعمال العام
واليوكوهما كم غاط وتويو كم اما اشاهين فنه قالي يمني في الغرابي انه 6 غاط
وشوورو علي في اي كفرات غير الي ذكرت و وشمميزات الي شرتوا فيه الله يجزاكم خير

[عبد الـعزيز]

انصحك بالكفرات العريضات

[الأشهـــــب]

اخوي الفاضل :aahhhh2
الحقيقة كثير من الأخوان يفضلون الشاهين،وأنا ابعطيك مجموعة من الكفرات الجيدة حقيقة في البروغيرالبر .
1- الشاهين.
2- بريدجستون.
3- يوكوهاما.
4- تويو.
5- دنلوب.
6- نيتّو.
7- ميشلان.
8-قوديير.
هذي في الحقيقة الي انصحك فيها ،وانت صاحب القرار.

وتقبل خالص تحياتي،،،،،،،،،،،،،،،،،،،،،،،،،،،،،،

[راعي عنيزة]

اشوف اكثر اصحاب جيوب الربع عندنا يركبون كفرات دنلوب لانهن لينات للرمل وعريضات يعطن الموتر رساوه

لكن ما اعتقد تركب على جنوط شد بلد لذلك اشوفهم يركبون جنوط vxr وصراحه تعطيه شكل مسكت خصوصا اذا صار خطوط

ترا الكلام الي فوق اذا كان جيبك من موديل 2001 وطالع اما كانه من الثمانيات فاعتقد قيمة الجنوط اغلى منه ;)

http://www.mekshat.com/pix/gallary/data/images/4500-%ce%d8%e6%d8.jpg

[aahhhh2]

الله يجز اكم الف الف خير
وعلى قولك يا رعي عنيزة الموتر مديله 85 يعني يجي بعد 6 مسامير مهب مثل الي في الصوره
لكن وش رايكم في البالون العريض مع العلم ان جنوطي شنبر ما يخلف الكفرات مع الجنوط

[العيد]

لا تنسى ان الكفر العريض ثقيل على السيارة ومثل ما انه بيعطيك مميزات راح ياخذ منك وراح تلاحظ بالرمل اختلاف بالعزم والشباب ابخص بس هذي تجربتي اكثر من مرة والظاهر ما فيه شي يجمع كل المميزات لازم تشوف وش رغبتك المهمه على رساوه على الخط او بالرمل او ........ طبعا هذي تجربتي انا بس ومقتنع منها :)

[aahhhh2]

الله يجزاك خير وكل عام وانت والاخوان في المنتدى باالف خير وشكراً على المعلومه

[kty]

اشوف الكفرات الكورية مالة ذكر عند الشباب
والله شكل وقوة ومتانة بس الناس تعودو على انواعمعينة واستمرو
1- من ناحية السعر رخيصة
2-من ناحية الشكل خيالية
3-من ناحية الجودة عالية الجودة
(هانكوك + مرشال) والله خيال وعلى فكرة تراي مجرب ولاتخذ الا من وكالته
وبعدين يابلاش بالف ريال مرصص راكب والله بلاش اي مقاس

حبيت اضيف معلومه

تحياتي للجميع ;) ;) ;) ;)

[العيد]

ومثل ما قلت يا اخ kty وجهز قبرك وكفنك :D

[الخبير]

السلام عليكم
شف يا الحبيب
إذا كنت راعي بران ( يعني جبال و حصى ) فما انصحك بالشاهين او البلون لانهم يتشققن على طول .

شف عندك تويو ، دانلوب ، يوكوهاما و برجستون كلهن واحد ما فيه فرق بينهن كلهن 6 غاط . و إذا قلت ليش السعر يفرق القول لك لان بعض الكفرات تجي مع الشد البلد مثل الدانلوب مع ال في اكس آر السعودي و اليوكوهاما مع الفي اك آر الخليجي.

[غـنــــــــــام]

كل عام وانت بخير

ويقول المثل اسال مجرب ولا تسال خبير

وانا صح جيت متاخر ولكن ودي اعلمك انت وغيرك

ما بعد كفرات تويو بالووون حجري لكل المستلزمات

( للرمل _ والحجر _والخط _والديره )

وانا مجربهم مو مره محده من موديل التسعه وتسعين على جيب شاص

واي شي عن الشواصي انا مستعد لكم فيه من معلومات وغيره الخبره لها دورهااااا

ولكم من القلب تحيه خاصه

اخوكم,,, غـنــــــــام

[المستشار الخبير]

السلاااااااام عليكم
اولا اذا كانك تبي كفر للخط وللرمل انصحك بالهانكوك يجي بالون مضلع كذلك الدنلوب فيه مثله
اما انكانك راعي تطعيس فعليك بالشاااهين وابعد عن الحصى والجبال
اما انك راعي كشتاااااات وتقصى في روس الشعبان والوعر انصحك بالبريجستون لانه قاسي صحيح انه له صوت بس خفيف ويتحمل الوعر جدااااااااااااااااااا يعني مايمدية ينشف الا وهو متسحل من الحصى
مهوب مثل بعض الكفرات يتسحل وهو جديد
واذا تبي للوعر وللخط عندك يوكوهاما دنلوب هانكوك تويو
عاد انت طب وتخير
وشكراااااااااااا