مساعده : أكستيرا 2012 سياحي ــ رايك محل إهتمامي ـــ الله يجزاكم خير

[بروق ساق]

السلام عليكم

يأخوان ناوي على سيارة ورحت للسوق وحصلت أكستيرا 2012 فئة السياحي بـ 95.000 ريال
وصراحه أعجبني وبقووووه وأدي أشتريه .... لكن ما رئيكم به
كذلك أنا رجال دايم مسافر للدواااااام كل أربعاء 500 كيلو .... يصلح بالسفر وإلا مايصلح
..
كذلك كيف عزله للهواء
وش رايكم بالخليجي جديد أصفاااااااااااااااار ؟؟؟ واللي خابر لي جديد أصفار يعلمني خصوصا فئة الـSE على شان مثبت السرعه وكم سعره
http://www.m5zn.com/uploads/2011/1/13/photo/011311100102lor6lybje9ap.jpg

[الهمرH2]

أخوي صاحب الموضوع
أنا معاي إكستيرا موديل 2008
نصف فل قير تماتيك

والله إنه مريح
من ناحية السفر

و قوي في البر

و رفيع علشان أطمر
الرصيف في الزحام

وصناعه أمريكيه
بموصفات خليجيه

لكن عندي باب الشنطه
الخلفي يدخل شوي غبار
رحت للغرابي و شريت
الزيق الأسود إلي يلصق من
جهه و الجهه الأخرى قطن
إلي يزعجونك فيه اليمنيه

أخذت لفه كامله و حطيته على
الشنطه دار ما دار كلها

ولله الحمد لا غبار ولا صوت

[الهمرH2]

بعض مميزات جيب نيسان الأكستيرا موديل 2008

** بعد سحب المفتاح من السويك ينتظر دقيقه و نصف لفتح و غلق النوافذ الأربعه ..

** دبل كهبائي من نوع فرار ..

** أربع حساسات على كل كفر ما عدى الإستبنه و وظيفة الحساس إذا نقص الهواء عن 35 رطل تولع
لمبه برتقالية داخل الطبلون علامتها كفر مبنشر ..

** إذا نقصت موية المساحات ولعت لمبه زرقاء داخل الطبلون علامتها مساحات و زجاجه ..

** المكيف من نوع فرار ..

** القير من نوع تماتيك وفيه تحت حرف الدي D رقم 3 و 2 و 1 ..

** إذا سحبت المفتاح ونسيت تقفل السيارة تنتظر 3 دقائق و تقفل نفسها وهذي ميزه عن الحراميه ..

** إذا كان أي نور من الأنوار الداخلية أو الخارجية نسيته مولع و أنت نازل و معك المفتاح ينتظر 3
دقائق و يطفي نفسه و هذي ميزه أقتصادية في البطارية ..

** يوجد 4 مداخل لولاعة الزقاير
الأول و الثاني تحت المسجل عند القير
الثالث داخل التكاية في النص بين المرتبتين
الرابع في الخلف بالشنطه
واحد من الي تحت المسجل و الي بالشنطه يشتغلن بدون مفتاح السياره و يصلحن لشحن الجوال أو
تشغيل ثلاجة الرماية ..

** سعة المكينه 6 سرندل ..

** مكتوب عند باب السائق (( صنعة في أمركاء الشمالية )) ..

** في داخل الشنطه مساحه مجوفه للأسفل ولها غطاء متواسي مثل قدر الطبخ ..

** ما راح تقدر تنزل الإستبنه إلى إذا فتحت باب الشنطه لفوق لأن فتحت إدخال عصى الإستبنه مغطى
بــباب الشنطه و هذي ميزه عدم السرقة ..

** يوجد قفل أمان في الأبواب الخلفية للأطفال ..

** يوجد كبوس قويه تحت الصدام ..

** سهولة فك و تركيب المراتب الخلفية لأنها من نوع الكبس وليست مسامير وهذي ميزه للغسيل و
التنظيف المستعجل ..

** مانع إنزلاق جي بي أس ..

** التحكم في الأنوار الأمامية في التنزيل و الترفيع للأعلى 3 درجات ..

** مؤشر داخل الطبلون لــ الزيت و البطاريه و الدبل غير البانزين و الحراره ..

** يوجد مزيل للضباب حراري في الزجاج الخلفي حق الشنطه مع مساحه للزجاج ..

[الهمرH2]

هذي موصفات 2008

فما بالك بموصفات 2012

أكيد بتكون أفضل من كذا

[أبو مسفر]

بعض مميزات جيب نيسان الأكستيرا موديل 2008



** بعد سحب المفتاح من السويك ينتظر دقيقه و نصف لفتح و غلق النوافذ الأربعه ..



** أربع حساسات على كل كفر ما عدى الإستبنه و وظيفة الحساس إذا نقص الهواء عن 35 رطل تولع
لمبه برتقالية داخل الطبلون علامتها كفر مبنشر ..


** إذا نقصت موية المساحات ولعت لمبه زرقاء داخل الطبلون علامتها مساحات و زجاجه ..


** المكيف من نوع فرار ..


** القير من نوع تماتيك وفيه تحت حرف الدي D رقم 3 و 2 و 1 ..


** إذا سحبت المفتاح ونسيت تقفل السيارة تنتظر 3 دقائق و تقفل نفسها وهذي ميزه عن الحراميه ..




أخوي همر انا عندي نفارا 2012 SE قير تماتيك هل يوجد فيها نفس المواصفات اللي في الاكستيرا أعلاه ؟

[مشلخ الذيب]

اكستيرا سيارة البر والطرق ممتازة ما امتلكتها بس قريت عنها اشياء جميلة جدا

بس ماتصلح للعوائل لأن المرتبة الخلفية ضيقه نوعا ما ولا يوجد مرتبه ثالثه

[مجالس الرجال]

عزيزي
اخذت اكستيرا من كم يوم ٢٠٠٨ خليجي
انطباعي مبدئيا بالموتر مقبول ماشي حاله
الميزة اللي اعتبرها فيه رخص القيمة
طبعا وسائل سلامه وامان ورساوة مافيه
مثل مانع الانزلاق والدفع الرباعي المستمر
لانك لو تدعس عليه قام يباوش مكانه او لفيت وعطيته
دعسه متوسطه جاب جنبه
ايضا اللون الداخلي اسود وهذا مهب عملي ابدا
وبالنسبه للمطب قبل اشتريه كنت متخوف من كثر ما اسمع
من ملاكه انه فيه مطب وانا بحكم تجربتي لجميع الجيوب الشعبية
من تويوتا ونيسان اجد الاكستيرا مقبول وقريب من مطب الفورشنر

[ALMoooBD3]

مشاء الله تبارك الله
الموتر ما عليه غبار الله يطعمك من خيرة ويكفيك شرة
انا ماجربته صراحة لكن سالت اثنين عن الموتر مجربينه ويمدحونه باللحيل

ولاتنسى الاستخارة ,,

[بروق ساق]

بارك الله فيكم ..... وفيتم وكفيتم ..... أسأل الله جلا وعلى أن يبارك لكم بسيارتكم ويحرم وجوهكم على النار

[قرم العيال]

اهم ميزة انه مايصرف بنزين وزيت حتى الان .. ما شاء الله

[لاتكب البيالة]

السلام عليكم
انا محدثك كنت ابشري اكستيرا وبحثت عنه وسألت وجدت انه من افضل الجيوب الصغيرة لا بخط ولا بالبر وايضا بالديرة واقتصادي بالبنزين والقطع
المشاكل اشوف انه صبور بالاستخدام الطبيعي اما راعي المقاوم والتطعيس الاقشر ما يصبر عليه شي

[المنيعي1]

بشكل عام الموتر ممتاز
يعيبة الشكل شوي وينقصه بعض التجهيزات
أما الأشياء الرئيسية المطلوبة للمستخدم القوة الرساوة الراحة قليل خراب وهذي أهم شي كلها موجوده .
وهذا من خلال أستخدام أثنين من الزملاء لمدة أربع سنوات

العيوب صوت هواء عند السرعات العالية وأعتقد أنه من الزجاج الأمامي. دينمو الدبل تعطل على واحد من الشباب وأستبدله بحدود 1700 ريال.

[قائد السريه]

قبل تقريبا شهر واحد من موظفي شركة الاتصالات معه اكستيرا الشركه
والشركه مستاجرته جديد من شركة شري
المهم ان الرجال كان في الخراره وانحرق عليه الكلتش ويعشق والموتر واقف مايمشي وقعد لآخر الليل وجيت وسحبته وانقطع الواير وجا راعي شاص وسحبه وطلعه علماً ان الموتر جديد وعليه صيانه دوريه من شركة شري بس ما ادري وش السبب الي حرق كلتشه والله خير الشاهدين

ـــــــــــــــــــــ


ولد خالي معه قير تماتيك ويمدحه بس يقول انه مافيه رساوه خصوصاً في المللفات

[اسبيدر مان]

والله وانا اخوك شاريه انا اول مانزل 2008 فل وياالله لك الحمد استخدمه الى الحين الله يبارك فيه
وهو يصلح للعائله الصغيره من اربع انفار الىخمسه والاكستيرا راسي وبه ثبات رغم صغر حجمه العزل الحقيقه متوسط ايضا الارضيه تحتاج الى عزل لانها مع الخطوط الطويله ودرجةالحراره العاليه تحتر شوي قيادته ممتعه كأنك تقود سياره صغيره ماكنه جيب والبنزين يمشيك حوالى 450 كيلو بنزين 91 على سرعه 140 مع المكيف
اما من حيث الاستخدام انا استخدامي معقول سفريات مع الاهل ومكاشيت وبعض الاحيان فنص وشوي تطعيس
بختصار هو السياره الصعبه الى احرجت كثير من الشركات
وبالختام الله يكتب لك الى فيه الخير

[راعي الاكستير]

السلام عليكم

اخوي بروق ساق انا ناوي على اكستيرا جديد

لاكن لقيته اغلا شوي من السعر الي انت حاطة

انا بالقصيم ياليت تعلمن اي معرض يبيعه بالسعر هذا
لاني ناوي علة خلال هاليومين

انشاء الله

[العسقلاني]

السلام عليكم .. اخوي بروق ساق ياليت تفيدني او واحد فيكم عنده علم الاكستيرا اللي لقيته قير عادي ؟؟؟؟

[أبو محمد2010]

كان معي واحد فل كامل موديل 2008 إستخدمته ثلاث سنوات و الصراحة إنه موتر بر و ديره ...

أنصحك فيه و لا تنسى الإستخارة..

[راعي الاكستير]

اخوي العسقلاني لا مستحيل يلقا قير عادي جديد

هو حصل تماتيك + سياحي

[العسقلاني]

ايه انا اللي خلاني اسأل ان سعره غريب في الرياض ينباع 98500 عند العمر و فيصل .. انا اقول للرجال اتكل على الله ولو انه قير عادي خذيته والموتر قليله في كلمة ممتاز

[قناص 28 عفيف]

قبل تقريبا شهر واحد من موظفي شركة الاتصالات معه اكستيرا الشركه
والشركه مستاجرته جديد من شركة شري
المهم ان الرجال كان في الخراره وانحرق عليه الكلتش ويعشق والموتر واقف مايمشي وقعد لآخر الليل وجيت وسحبته وانقطع الواير وجا راعي شاص وسحبه وطلعه علماً ان الموتر جديد وعليه صيانه دوريه من شركة شري بس ما ادري وش السبب الي حرق كلتشه والله خير الشاهدين

ـــــــــــــــــــــ


ولد خالي معه قير تماتيك ويمدحه بس يقول انه مافيه رساوه خصوصاً في المللفات



ماهوب عيب مصنعي العيب من السواق مغرز ولا عرف كيف يتعامل مع السياره

[بروق ساق]

السلام عليكم

اخوي بروق ساق انا ناوي على اكستيرا جديد

لاكن لقيته اغلا شوي من السعر الي انت حاطة

انا بالقصيم ياليت تعلمن اي معرض يبيعه بالسعر هذا
لاني ناوي علة خلال هاليومين

انشاء الله
هلا وغلا ..... شفهن عند معرض القرياني ببريدة عنده حوالي10 حبات موديل 2011و2012
لكن كلهن سياحي قير تماتيك

[سداح حريملاء]

يالربع وين نحصل قير عادي ...؟ جديد


في الخليج فيه ولا للا ..؟

[التعـ King ـديل]

توكل على الله وخذ الاستاندر مرره قير عادي وامورك طيبه نشاط وقوه وراحه بالخطوط وانا لو ماعندي عائله اكثر من 6 اشخاص كان اخذته بس احتاج مكيف خلفي ومرتبه ثالثه لذلك اخذت شيخ المواتر الفتك

[nasser23]

السلام عليكم
اخوي الاكستيرا موتر ما يختلف عليه اثنينن بس بعيبه شيئين شكله بايخ وقطع غياره غويليه سالت مره عن صدامه 3 الاف وشوي وغير كذا موتر بر وخط وعزم