المساعد الشخصي الرقمي

مشاهدة النسخة كاملة : إلى مستخدمي الونيت قطع 25


برنس777
16/04/2006, 10:06 PM
أنا معي شاص وراعي مكاشيت بعيده يم النفود الكبير والحجره وما أشبهه من المناطق الوعره وأنا ناوي أبيعه وأشري جمس قطع 25 كابديل عنه والسؤال هل يتحمل المطاليع الوعره والاستعمال القاسي ومامدى الصرفيه في البانزين ؟
هاوي قصيده
17/04/2006, 12:57 AM
اخوي برنس

تبيع الشاص وتشتري جمس...؟؟

ما ادري وش اقول لك

بس استخير وانا اخوك
راعي ال 8100
17/04/2006, 02:47 AM
اخوي الغالي انا بس عندي سؤال لا جاوبتني عليه بجاوب سؤالك ليش بتبيع الشاص ؟؟
شبح الصحراء
17/04/2006, 02:08 PM
انا عندي تجربة مع الجموس الوانيت (كان معاي وانيت جمس قطع 35 موديل 91) الصرفية اقتصادي بالمقارنة مع الشاص واللاند والباترول ، تحمل المطناج ممتاز جداً ولا يهرقل نهائياً ، القوة ضعيف مقارنتاً بالشاص خصوصاً في الرمل ، أهم مميزاته انه رخيص واهم عيوبه كثير الأعطال والخرابات ولا يعتمد عليه .
الخلاصة خلك على شاصك احسن وان كنت ناوي تبيعه بعه واشتر شاص موديل قديم افضل من الجمس لو كان جديد خصوصاً ان مكاشيتك بعيدة .
Waleed1
18/04/2006, 10:18 AM
حقيقة بعد موديل 2000 شركت ج م س أحدثت نقلة نوعية ورائعة فى السوابر والونيتات، وعندنا فى أرامكو سيارات سوابر وونيتات من موديل 2000 وطالع ماعمرى شفت وحدة وقفت أو خربت الا فى النادر بينما موديل 8 او 99 خذ طرمبت ماى الماكينة معفوسة وهكذا، شركة جنرال غيرت مكاينها لشركة Vertic

مكائن قوية لاشاص ولاخرابيط لرقى النفود، فية ونيت قطع صغير بسعة 5.3 لتر وحاطين علية كفرات حجم 85 على 16 من دنلوب شئ رهيب ورائع، وعندك الوانيت حجم كبير بسعة 6 لتر مكينة جبارة ولايمكن تموت الماكينة فى أى طلعة تبى والصندوق الطويل مفيد جداً شل كل قشك ولاتنسى قيور عادية وغمارة وحدة

واللة كريم
برنس777
18/04/2006, 11:48 AM
اخوي الغالي انا بس عندي سؤال لا جاوبتني عليه بجاوب سؤالك ليش بتبيع الشاص ؟؟ الحقيقه أخي راعي 8100 الشاص أحسن مافي السمعه ولاهو مطب وصرفيه بانزين وصندوق صغير أي بس لتانكي وعزبة القهوه وفرط كارونه وإزعاج الهواء الداخل من البيبان مع السرعه وكذلك حرام تشري سياره بقيمة100000 وكأنك راكب جيب 84 والشكل الداخلي من 85 حتى 2006 واحد وهو الحقيقه { عربجيه }وعد وغلط من السلبيات, ومادري وش تعليقك بعد هذا وتراي أكلمك من واقع خبره ومعانات معهن
راعي الهدد 77
28/01/2009, 03:20 PM
حرام عليك ... الشاص ازين..
بـلـيـهـان 1
28/01/2009, 03:57 PM
ان كنت راعي بر خلك على شاصك ابرك
هاوي جمس
28/01/2009, 06:07 PM
والله الشاص إذا بتاخذه بس حق بر أوكيك بس برة البر مو عملي


أما الجمس يصلح للاثنين وعندك حجم ال2500 الغمارة وصندوق طويل


هذا شيخ أولا وزنه خفيف ثانية مكينته جبارة ومريح وفيه اشياء حق رفاهية اكثر من الشاص


تحياتي, , ,
رسلان الوايلي
17/01/2011, 04:21 PM
الشاص شاصك والحباري حبريك%