الافضل الشاص او الهيلكس دفرنسين دبل

[عبدالرحمن....]

السلام عليكم ورحمة الله وبركاته س1 . يا اخوان ابيكم تنصحوني اي الافضل الهـــــــيلـــــكـــــس دفرنسين دبل او الــــــــشـــــــاص في كل النواحي مثل .التطعيس بشكل عام و دواعي السفر و المطبات و صرفيت البنزين . س2 الشاص الافضل الجديد او القديم و افضل شي تذكرون لي الموديل المرغوب ؟ ....... وشكراء و ارجو الرد لاني مستعجل على شريت الموتر و ابي نصيحتكم ..............وشكــــــــــــــــــــــــــــراء :good2::)

[مكشاتي 2011]

الشاص الجديد من 2010 دعسته كهرب ومحد يمدحه وتراه يبرد بثنين

والهايلكس تراه زين انكان تمشا بالنفود اما اذاكانك راعي تفجير و..

مايصلح عزمه ضعيف

[عبدالرحمن....]

لا محناء حقين تفجير من ناحيت التطعيس

[بياع]

المطبات كلها في الهواء سواء

اما نصيحتي الشاص موتر يمسك قيمته ومنظره اطيب

[قدها ونص]

يخوي بدلك على موتر ابرك منهن ميه مره ورخص خذلك نفارا دبل توفي بلغرض وزياده وسعرها بحدود 80 وقوه وعزم ولاتكسر الضهر انا حصلتها بلامارات بنزين وسعوديه لقيت ديزل بس مدري فيه بنزين ولا لاء بس والله موتر موتر معنا الكلمه
وبعد منضر العايدي نفس الدبل من ناحيت اارتفاع الخ ودبل فرار بس خفيف على الموتر ونشيط

[سامي2011]

السلام عليكم ورحمة الله وبركاته
اما بالنسبه للدعسه الكهربائيه فاغلب السيارات دعسه كهربائيه الهالكس من 2006وفوق+الشاص +الربع من2010 وفوق+الاف جي +GXR+VXRمن مديل 2008 وفوق كلها دعسه كهربائيه
ولاكن على حسب السواق
انصحك بالشاص احسن بالاستخدام +يمسك القيمه

[كريزي نت]

عليك بالشاص عطي الله قوة ومنظر وهيبه
وأفضل موديل 2009 وتحت
واذا جيت تبيع زبونه جاهز أي وقت

[التعـ King ـديل]

من الاختيارات اشوف الشاص موديل 2006 ارغب وبتلاقيه غالي ويمسك سعره

خالي عنده واحد مشتريه قبل 10 شهور ب 95 الف وايام البراد والمطر اللي راحت مسيوم منه ب 100 الف من شريطي

[صياد الجبل]

شاص راكب الي كن زوله زول ذيب الله الله

الشاص ومثل ماقال اخوي كنق التعديل ان كان تقدر على 2006 غالي

لكن انت دور لك 2009 افضل من 2010

وحاول تاخذ لك ابو رفرف ان كان انت ماتحب المناقز لان الرفرف مطبه اخف من السلق ومايناقز كثير

[bad boy]

اخوي عبدالرحمن
أولاً مساك الله بالخير انت والاخوان الي ردوا عليك
ثانيا : اذا انت ناوي على شاص الافضل من 2009 وتحت لان المكائن تجي راس واحد مو راسين مثل الجديد
من 2010 وفوق . أما اذا انك ترغب الشكل القديم 2006 وتحت ترى مافيه فرق بينه وبين الموديلات الي قبله
2005 و2004 نفس الشي بس الفرق بالخط .
تعقيب على كلام اخوي الي يقول خذ ابو رفرف لان مطبه اخف , انا اقول لك لاتاخذ ابو رفرف لانه يشوه شكل
الموتر والمشكله كله ترى باليايات دور على شاص يكون الياي الامامي مفتوح مثل الي على الربع
والسست الخلفية تجي تقريبا 8 ريش , ابعد عن الي يجيك 11 ريشه وعمود توازن بالخلف ترى هذا الي يكسر
الظهر . ارجوا اني افدتك وان شاء الله الاخوان مايقصرون .

[مافيه]

ياناس ماذبحنا الا الي يفتي من غير علم

انا معي 2011 واتحدا به اطلق شاص من 2009 ونازل في الخط و النفود و القومه

وانا اخوك شف العالم كلهم يبيعون مواترهم القديمه وياخذون الجديد اريح مطب وازين داخليه واقل صرفيه في البنزيم و الزيت وعزمه اطيب من القديم وهاذي من تجربه

العالم تسبه وماتمدحه لانه متغيره وزنية الكلتش و مدة القير فيه متغير عن القديم وماعرفو له العالم اول ماخذوه متعودين على الاول نمرته حاشره

و الي يقول مايقوم بثنين هاذا موتري مااقومه الا بنثين حتى في الطلعات الي مهوب مصدق حياه الله اطلعه قدامه بثنين

ومن ناحية الخراب كل الثنين اذا كتبه ربك بتعيش معك


من ناحية المقارنه بين الهايلوكس و الشاص مافيه اي وجه مقارنه على حسب حاجتك تبي غمارتين خذ هايلوكس واذا بغيت الهيبه و الي يمسك سعره خذ شاص

[عبدالرحمن....]

يعطيكم العافيه الي ردو على الموضوع و افادوني

[قائد السريه]

المطبات كلها في الهواء سواء

اما نصيحتي الشاص موتر يمسك قيمته ومنظره اطيب

لا في ذي اسمح لي

وين الشاص ووين الهايلوكس الدبل

الشاص اذا ركبته كأنك محندب وقاسي وشسن بالخطوط

الهايلوكس ((الدبل)) الغمارتين والله مركبه احسن واريح بكثير طبعاً الي جربته 11سسته مافيه مقارنه بينه وبين الهايلوكس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ

عالعموم اذا تبي غمارتين خذ الهايلوكس انا معي ما شاء الله تبارك الله مافيه مكان ماوصلته والخيل من خيالها وفي السحب ممتاز
وانا استخدمه يومياً وفي وفالاسبوع حوالي 300 كيلو وفوق

اذا ماتحتاج الغمارتين فالشاص ممتاز اذا كان عندك موتر غيره

وابعد عن 2006 ولا 2009 وخلها للشريطيه الجديد اقوا واحسن وبنفس الاسعار تقريباً

واذا نزل موديل 2016 بيقولون الشاص افضل شي 2011 وهالموال مانخلص منه ابد

مثل يوم نزل من 2007 و2008 و2009 كانو مايبونه وشين وشاصه مايل والدفرنس يدمر الكفرات ومدري كيف ويوم نزل 2010 صار 2009 افضل شي وارتفع سعره وهذي لعبة شريطيه

[ابن عكاش]

المقارنه بين الشاص والهايلكس مع الفارق
إذا انت راغب الشاص اقول لاتقرب الهايلكس الدبل وخذ اللي يجي 11سسته ومسألة المطب والمناقز حلها سهل وانا معي شاص والحمدلله مرتاح ومطبه إذا مهوب مثل الهايلكس فهو اريح منه والشاص اللي يعرف له معد يبي غيره وبصراحه الشاص الجديد مكينته الجديده احس قليله في حقه
إذا انت مقتنع بالهايلكس الدبل توكل على الله وفي نظري عيبه نمرة 2 تمد وعزمه حليو بس في النفود ثقيل خاصة إذا غرز مايتحرك اللا بالثقيل وفي الخط كوده يجيب 160او اكثر شوي

[طيرشلوى 2]

اذا كان ودك بالغمارتين مالك الا الهايلوكس والهايلوكس مهب شين واذا كان ودك بالغماره خذ شاص وان كنت من سكان الرياض انصحك بالهايلوكس اخف والين مطب واخف صرفيه والشاص مهما شريته تراك بتمل منه ما يصبر عليه الا راعي الحلال

[قائد السريه]

المقارنه بين الشاص والهايلكس مع الفارق
إذا انت راغب الشاص اقول لاتقرب الهايلكس الدبل وخذ اللي يجي 11سسته ومسألة المطب والمناقز حلها سهل وانا معي شاص والحمدلله مرتاح ومطبه إذا مهوب مثل الهايلكس فهو اريح منه والشاص اللي يعرف له معد يبي غيره وبصراحه الشاص الجديد مكينته الجديده احس قليله في حقه
إذا انت مقتنع بالهايلكس الدبل توكل على الله وفي نظري عيبه نمرة 2 تمد وعزمه حليو بس في النفود ثقيل خاصة إذا غرز مايتحرك اللا بالثقيل وفي الخط كوده يجيب 160او اكثر شوي
وش الي 160 يمكن قصدك الهايلوكس 2005 وتحت اما الجديد خفيف وقوي

وزن الهايلوكس الدبل يفرق عن الي بدون دبل ب70كيلو فقط

[عبدالرحمن....]

:good:يعطيكم العافيه على المشاركات الجميله