المشوره يااخوان فتك او لاند

[ابو ف]

سلام عليكم اخواني ودي استشيركم ولاخاب من استشار
على العموم ودي بموتر من ناحيه للعائله ومن الناحيه للطلعات البريه وماشبه ذلك
والراي عند اللي جرب واستخدم
الصراحه استخدمت الربع التايوتا وكذلك الشاص عز الخوي الصراحه ولكن للظروف
احكام ،،،
على العموم النيه يافتك من 2002 وطالع او جكسارمن 2000 وطالع وافكسار على حسب
النظافه والقيمه ،،
والله يكتب الخيره ،، :l

[حلتيت]

ايه استخر احسن لك راح يوجعك راسك

[sgl2002]

فتك بس يكون قير عايدي

او فكسار ار

كلها طيبة ومتى ماحصلت انظفها اشتره

[عناز الحره]

جكسارمن 2000 وطالع
احسن من الفتك
الفتك بعد سنه استخدام خويك جمبك ماتسمعه من الصررررررررصره هههههه:D:D

جونى اهل الفتك
:j

سلام

[التعـ King ـديل]

بتكلم لك عن تجربه مع الفتك موتر ماعليه غبار وهو موتري الخاص الان

تويوتا اذا ماتاخذ فكسار لا تاخذ غيره

فتك او فكسار وغيره لا

الجكس والجكسار ماانصحك فيها ابد

[تميم2222]

والله اذا كانك راعي طرد وجلد .. فانا اشوف الفتك ... وما فيه مقارنه ..ياخيي ..قوه مكينه وانشط من vxrوكله دفرنسات .. ,ولاتويوتا عندك 97 . وووووبس والباقي كبه وسال اهل الصيد

[كم كيلو باقي]

الله يكتب لك اللي فيه الخير

[ابو ف]

الله يجزاكم خير على كل حال ولازال البحث جاري والله يعين

فعلا الاختيار صعب والنظيف يفرض نفسه

[وليد46]

اخوي الغالي بقولك نصيحه اتمنى انك ماتهمشها

لاتاخذ فتك مستعمل ابد من مديل الفين الى الفين وسته لان النضيف قليل مررره بالسوق والله ان تبلش بالخرابات

اذا انت ملزم على الفتك خذ من سبعه وثمانيه وتسعه ويصير اخو الجديد وليتك تسلم من خرباته

انا اكلمك من واقع تجربه ولا تحسب اني عدو لنيسان لا والله موتري فتك بس فاكه وكاله والحمدالله ماشكيت منه لان

استعمال حشمه واذا انت تبي تاخذ مديل قديم الله يعينك

اما بالنسبه لتيوتا تكفى لاتاخذ جي اكس ار لو تمشي على رجليك. خذ في اكس ار ولا هدد نظيف مرررره

والف شكر لك واتمنى ان الله يكتب لك الي فيه خير خير يالغالي

[مجنون عسل]

يا الغالي انصحك انك اذا تبي الموتر اللي يصلح لك النظيف والاستخدام الحسن من حيث البدي والمحركات عني الفتك حلو واستخدمه في الدوام ويتحمل الكرف والاند موتري الشخصي وكلهم زينه بس يبي محافظه ولا تشيل هم توكل على الله اهم شي ابحث عن النظيف وموفق خير

[ابوسند9]

اخوي
انا اشير عليك بالفكسار ثمان سرندل قير عادي اذا انت بمدينه مافيها زحمة واوتو اذا بمدينه زحمه
الفتك كويس لكن مشكلته ضيق من الداخل
الجكسار والهدد خوات وكلها ثقال طينه ولا تقربك
على العموم استخر واهم شي احرص على النظيف لان اللي ماشي واجد راح يشغلك بالاعطال سواء تويوتا او نيسان

[عاشق السيل]

كلها عينين براس !!!

لن تندم بإذن الله لو أخذت هذا أو ذاك ..

لكني أرشح الفتك لسببين : الأول خفيف نفس ونشيط والثاني موديل أفضل من التويوتا إذا كان نفس السعر !!!

يعني ممكن تاخذ فتك 2009 بقيمة لاند 2003 <<< مجرد مثل !!!!!

قل آمين .. الله يوفقك للي فيه الخير والصلاح ويطعمك من خيره ويكفيك شره .......

[جبل77]

السلام للجميع اشوف اهل البر يفضلون الفتك ، والفكسار شيخ ما عليه كلام بس دور النظيف ، الله يوفق الجميع

[علي ابن]

الجكس اس ار .. جدا ممل في القيادة بسبب ضع عزمه
والفتك قيادة ممتعة وعزم جيد لكن القرقشة كثيرة

[ابو ف]

الله يجزاكم خير ماقصرتوا

والله يوفقنا واياكم لما فيه خير

[تمنيتك لي]

خذ لك فتكك 4800

وريح راسك

[ابونبيل]

خذلك لند اريح للعائله وبالبر يعجبك

الفتك قاسي ووكيله سيء جدا جدا حدا مايوفر قطع الغيار +اغلى من قطع التويوتا

[مكشاتي 2011]

اقول تبي نصيحتي لاتاخذ هج منهن عندك الاند من 97 وتحت انشهد انه موتر بر موتر كل شئ كايقول لا مشاء الله ترى

مجرب