داوود الشريان ووكلاء السيارات و حوار شيق

[مزدهر]

كلام جميل وحلقة أجمل مع داوود الشريان موضوع شيق عن وكلاء السيارات
اتمنى من الكل الإستماع للفائدة
g5JMWByfmXM


أرجوا تقصير الصوت عند المسيقى

[راعي الpath]

الحمراني لا صيانه زي الناس و قطع غيار غير متوفره وغاليه
كرهنا في سياراتنا الله يزيله من الوكاله

[ابوسند9]

يا خي مشكله داود ان المفروض يجيب ناس فاهمه وملمه بالموضوع
يعني السوري المتحدث عن فورد يقول قطع الغيار من الخليج مفتوح وانا اقول اتحدى حد يجيب قطع غيار من الامارات والله ان ترجع فيها وخاصه اذا كانت كثيره
كذالك اتذكر استيراد فورد غمارتين موديل 2009 من قطر ممنوع تشتريه من الوكله لازم يشتريه لك قطري وبعدين ينقل با اسمك على انه مستعمل وياخذ عليك 1500 ريال وسعره 92 الف بينما عندنا ب 135 الف
والشنيفي صاحب المعرض يقول مواصفاتنا نفس مواصفات الخليج !!وكلامه متناقض

[HAS5SAN]

تسلم يمينك
ولكن :
كم عندنا برامج ولقاءات وحوارات ووووو
ومع هذا لا حياة لمن تنادي
حبيبي اذا لم نتحرك نحن والله محد درى عنا

[محطم عنيد]

سلموني على الشريان سلامن كثير من زمان معجب به

وإذا هو ليبرالي لحد يوصل سلامي

[abo naser 1]

الأرباح للوكلاء في قطع الغيار تتراوح مابين 300% الى 1200% لجميع الوكلاء سواءً سيارات او غيره
وهل الكلام من واقع خبرة وعدة مواقف مريت فيها
وكل وكيل له شريك في الخفاء الي يصدق يصدق والي يقول غير ها الكلام فهو سويكت بن راضي
الحل المقاطعة والشكوى الجماعية لوزارة التجارة وهيئة الفساد والبرقيات وأشغال المسئولين والأعلام شريك التجار لاترجون وراهم
وأفضل السيئيين والجشعين وكلاء هواندي

[- النشمي -]

يرجال كله كلام في الهواء وينتهي مع نهاية الحلقه

[رسيس نجد]

الثقه معدومه في التجار 0لانهم جشعين 0الله يكفينا شرهم 0

[سيف السيف1]

والله ياجماعة الخير الوكالات لاعبين على ها المساكين لعب ... نويت اشتري سوناتا من هونداي جديد ثلاثة شهور أتردد عليهم وشيكي معي .. وزرعونا فجل ... بعدين رحت لعبد اللطيف جميل أبغى هايلكس 2012 قالو لازم تحجز عطنا شيكك ونكلمك حتى الآن لي 5 شهور وأنا انتظر.. المشكلة أن الهايلوكس سعرها في المعارض 98000
ياجماعو الخير وش الحل مع ها الحرامية .

[عبدالرحمن الحربي]

والله ياجماعة الخير الوكالات لاعبين على ها المساكين لعب ... نويت اشتري سوناتا من هونداي جديد ثلاثة شهور أتردد عليهم وشيكي معي .. وزرعونا فجل ... بعدين رحت لعبد اللطيف جميل أبغى هايلكس 2012 قالو لازم تحجز عطنا شيكك ونكلمك حتى الآن لي 5 شهور وأنا انتظر.. المشكلة أن الهايلوكس سعرها في المعارض 98000
ياجماعو الخير وش الحل مع ها الحرامية .

اللهم صل على محمد

يعني بالله وش التكنولوجيا في الهايلوكس اللي تستاهل ادفع فيها هالمبلغ

يا جماعة الخير شركة عبداللطيف جميل هذي ما نقدر نحط لها حد

[راعي هدد 2007]

السلام عليكم بختصار الى صاير لنا حنا السبب فيه لاتاجر ولاغيرة




الواحد سيارته2006 يبى يغيرها قديمه


لو عندنا سياسه شراء كان احتار فينا التاجر
اكبر همنا وش غيرو فى الموديل الجديد

[راعي الوبارة]

الجشع !!!!!شوفوا سعر القمري
الغرر !!!!! شوفوا متى صايدينه
التدليس !!!!! شوفوا بكم نفتح الباب ونقول مسيوم بكذأ
القمري مثال للمكشاتية ... قريب من الواقع وقيس على هذا المثال كلا في مجاله لو كنت أنا والثاني وكلاء سيارات سوينا أكثر ولو قلنا للمكشاتية فيه كثير أنواع تغني عن القمري ... قالوا ما تفهم ولو قلنا لربعنا فيه بديل للهايلوكس والددسن قالوا عيبك ما جربت
عموما كلا يرقد على الجنب اللي يريحه وافهموها
أحد طلع بنتيجة من 49 دقيقة غير الشريان والضيوف المشاركين وكم دخل هذه الحلقة؟؟؟

[ددسن 2008]

سلموني على الشريان سلامن كثير من زمان معجب به

وإذا هو ليبرالي لحد يوصل سلامي

ههههه يبدو انك متردد او متخوف يا رجل حطها على بلاطه

والملفت للنظر ويوقف المخ احيان كثيره ان كل مقدمين البرامج عندنا يفهمون ويبرعون في كل شي
حتى انهم يستحوذون على جل وقت المقابلات كما انهم يعلمون اكثر من المتخصصين المدعويين لأي مقابله
شفت كيف :eek::D

لا تعجب فنحن في زمن الرويبضه






الأرباح للوكلاء في قطع الغيار تتراوح مابين 300% الى 1200% لجميع الوكلاء سواءً سيارات او غيره



وهل الكلام من واقع خبرة وعدة مواقف مريت فيها
وكل وكيل له شريك في الخفاء الي يصدق يصدق والي يقول غير ها الكلام فهو سويكت بن راضي
الحل المقاطعة والشكوى الجماعية لوزارة التجارة وهيئة الفساد والبرقيات وأشغال المسئولين والأعلام شريك التجار لاترجون وراهم

وأفضل السيئيين والجشعين وكلاء هواندي


هذا بلا ابوك يا عقاب .. الله المستعان

الشكوى لغير الله مذله .. والشكاوي ما تفيد على مثل هؤلاء المتسلطين
لانهم بموقع القاضي والحكم .. والوزارات مجرد واجهه وضمان اجتماعي
يعني افراد مجتمع تتلقى رواتب للعيشه (توقيع + فطور وشرب شاي وسوالف = انتهى الدوام)
لا اساس ولا أسس ولا انتاجيه:(





يرجال كله كلام في الهواء وينتهي مع نهاية الحلقه






صحيح كلامك .. والمشكله حلقاتنا مزمنه متكرره رتيبه غير متجدده يعلوها غبار قرن من الزمان

[2008]

الله يبيض وجهك علي هالموضوع
أيه نبي زي المواضيع هاذي الهادفه واللي تخلي الزبائن تفتح كلونا هالتجار الواحد منهم مايشبع
الحل وأنا أخوك ماهي المقاطعه الحل أنك تدور علي البديل لكل شي وتروح للأرخص وطبعا لازم تنتبه بعد للجودة
وتسوي مقارنة بين اللي بتدفعه واللي تكسبه وتخسره عشان التاجر يفكر مليون مرة قبل مايزود سعره

[مزدهر]

بالنسبة لقطع الغيار أنا شريت من الأمارات فيه فارق كبير جدا في سعر القطع
أنا شريت مساعدات خلفية هيدروليك للبرادو من الإمارات سعر الحبة 840 ريال عندنا السعر 1100 عند الموزعين قبل الزيادة الأخيرة 13%
شريت فحمات أمامية برادو 250 ريال أصلى
شريت فحمات خلفية برادو 120 ريال
شريت فلتر قير 120
سيفون يباني 30
فلتر هواء 80
فلتر بنزين 125
ربلة خلفية اللي يدق عليها الموتر 60
الغريب تحصل عندهم زيت تروس سواء دبل او كارونه اصلى ياباني وأيضا ماء إديتر واللي عندنا سعودي
سألت عن المساعدات عند البازعي قبل أروح 1350 الواحد
وعبد اللطيف جميل حول السعر 1300 الواحد

أشكر كل من شارك وداخل في الموضوع

[Salamah.y]

لقد أسمعت إذ نآديت حيّاً ,, و لكن لآ حيآة لِمن تنآدي

,

نبيهم يرخصون الأسعار , و حنا نشري بالسعر اللي يبون ؟
و من أمن العقوبة , آسآء الأدب
من بيوقفهم عند حدهم ؟ وزارة التجاره ؟! << كل وكيل له ((و)) بهالوزآره
أصلا ً , ما يسن القوانين غير الوكلاء ,, من اللي منع الإستيراد للموديلات القديمه ؟!
أكيد ما يمنعها الا شخص مستفيد , و مافيه مستفيد غيرهم !!

,

ما يهمهم الكلام , بالعكس مبسوطين علينا
نتكلم و نقول و نناقش , و بالنهايه , نروح نشري منهم خخخ

,

الله يكفينا شر الطمع و الجشع ~

[قلقانش]

كلام اخوي سلامة صحيح

بما اننا كا مسستهلك نشتري بالسعر اللي يبونه ونقول وش نسوي

فا لهم الاحقية ينهبون ولنا الاحقية بان نغير اسمائنا بـ ( سويكت ابن راضي المأكول )

دمتم بود ,,,,