المساعد الشخصي الرقمي

مشاهدة النسخة كاملة : وش سالفة هالزيوت 30w10/50w20 ؟؟؟


منتعش
18/04/2006, 07:59 PM
حي الله كلن بأسمه
الزيوت وما أدراك مالزيوت
في الأونة الأخيرة كثرة أسماء الزيوت وأنواعها
وهذا النوع يمشيك 15 ألف والثاني 10 آلاف وغيرها من الدعايات
وما تدري وش الأفضل والأحسن
وكلها تجتمع في أن النوع والمصدر واحد


وأحببت التنبية بالرمز المكتوب على العلبة
10 دبليو 30 هذا يكون الزيت خفيف ومناسب للسيارات الجديدة .
20 دبليو 50 وهذا الزيت ثقيل ومناسب للسيارات القديمة .
( هذا الكلام حسب إفادة صاحب الزيوت )


ونريد من الشباب يعطونا إضافاتهم ومواقفهم .
والله يرعاكم .
الشقردي
19/04/2006, 02:24 PM
قبل يومين كنت أغير زيت للسيارة وكنت أتكلم مع أحد المختصين بهالموضوع وكان يقول ان

10 دبليو 30 تستخدمه في الشتاء أما
20 دبليو 50 هذا تستخدمه في الصيف لأنه تقيل ولا بفقد لزوجته بسرعة ولكن وفي وجهة نظري وحسب اللي قريته في الكتاب اللي من المصنع ان هالكلام صحيح الى حد ما في الدول اللي عندهم ثلوج فيلزمهم وقت الشتاء يستخدمون النوع الاول بالشتاء

اما عندنا النوع الثاني أشوف انه كافي وطول السنه لأنك لو تقرا الكتلوج حق السيارة تشوفه حاط درجات الحرارة اللي ينصح بها لكل نوع (ما أعتقد في السعوديه أو الرياض تحديدا وصلنا 20 و30 تحت الصفر أبد) ......

اما اللي يقولون الزيوت اللي تمشي 15 و25 الف كيلو ما أقتنعت بها أبد .... وجهت نظر وودنا نستفيد من معلومات الاعضاء
منتعش
19/04/2006, 06:01 PM
ياهلا ودرزن غلا بالمحب : الشقردي
صحيح أنا سمعت نفس الكلام بس ما تأكدت
على العموم كلها في ظهر المستهلك .



وأحب أضيف نقطة وهي الغلا والتلاعب في الأسعار
شف بعض الزيوت وصل سعرها ( 35 ريال )
والثاني وصل ( 13 ريال ) ومكتوب على العلبة .


أبضرب لكم مثل من سعر نوع واحد من الزيوت
حصلت معي وهو زيت ( GTX ) العلبة البيضاء
في محلات الزيت تباع العلبة بـ ( 13 ريال )
وقمت وشريت كرتون من نفس النوع وطلعت العلبة
بــــــــــ ( 7.92 ) بسبعة ريال وأثنان وتسعون هلله .
بحيث يصبح سعر الكرتون بـ ( 190 ريال )
ويوجد به عدد ( 24 حبه )


ومرحبابك مرة ثانية أخوي الغالي : الشقردي
وننتظر مشاركة الآخرين
يا قلب لا تحز
20/04/2006, 05:08 PM
هذه المواصفات تتبع لمعهد البترول الامريكى اللذى تجدها على كل العلب وهى مرتبه ترتيبا ابجديا بحسب تطورها fghi وهكذا تجدها مطبوعه على كل علبه اينما ذهبت الى اى مكان بالعالم اما 20/50 تعنى لزوجة الزيت وماخوذه من الماء اى ان الماء فى الاحوال العاديه لزوجته 1 صحيح ممكن تزيد بالبروده وممكن تنقص بالحراره اذا لزوجه الزيت 20/50 هى فى الاحوال العاديه 35 تقريبا اذا جاء فصل الصيف تنقص لزوجة الزيت الى 20 درجة لزوجه بحد ادنى اما اذا جاء الشتاء تصبح اللزوجه 50 درجه لزوجه بحد اقصى والا اصبح مثل زيت الطعام فى مطبخك لا تستطيع سكبه الا بانقاص لزوجته بالتسخين وهذا كله يمكن التحكم به من خلال الاضافات الكيميائيه اللتى تضاف الى كل نوع من الزيوت على حده

وراييى بالموضوع هو اختر ارخص نوع من الزيوت اللتى تجدها فى اى مكان اذا طبقت المواصفات API 10W/30 ولاكن لا تتعدى 15 الف كيلو بشرط تغيير فلتر الزيت كل مره تغير الزيت والا فانت تفسد الزيت الجديد بالرواسب القديمه ولمنتدانا الحبيب اجمل هديه معطره بالخزامى ;) ;) ;)



























م
ناجز
20/04/2006, 05:49 PM
يخوي منتعش امش على كلام المصنع المكتوب في الكتلوج
منتعش
20/04/2006, 06:22 PM
ياهلا وغلا بأخوي : يا قلب لا تحز

يعطيك العافية على المعلومات القيمة
وأشكرك على مرورك الطيب



أهلين وسهلين بالمحب : ناجز
بس يا أخوي كل وكالة تحط دعاية لزيتها وتمدحه .
ومرحبابك .
منتعش
22/04/2006, 07:35 PM
وش راي الشباب في غلا أسعار الزيوت ؟؟؟
هل هي مناسبة ؟
أم أنك تشتري كرتون وتخليه عندك
وكل ماجاء وقت التغيير خذ عدد العلب المناسبة وغير زيتك
ويأخذ منك راعي الزيت ( 5 ) ريال للتغيير .
وأنظر إلى الفرق في الكتابة أعلاه .

والله يكفينا شر الغلا والتلاعب من أصحاب المحلات .
سراوي
22/04/2006, 07:56 PM
السلام علكم ورحمه الله وبركاته

اخوي المنتعش ولا يهونون الربع

الزيوت الان في غلاء مستمر ؟؟؟؟؟؟؟؟؟؟؟؟؟؟

العلاج هو ماقمت بتطبيقه انا وكثير من الناس

هو بالنسبه لي استعمل سوبر شل واخليه 8000 ك او كل 3 تغييرات اغير السيفون
ماجد الشمري
23/04/2006, 02:48 AM
احب اضيف للاخوان ...
الافضل انكم تستعملون 20 / 50 لأن جونا حار وممكن في خلال عز فترة الشتاء للي يسكنون بالشمال ونجد بحكم ان الشتاء عندهم بارد ان يستعملوه في تلك الفترة ....

اضافة لكلام اخوي المنتعش ..
انا اشتري زيت موبيل 1 وقيمته كان ب 35 ريال والان ب 40 ريال ... انا اشتريه بالجملة ، الكرتون يطلع بحدود 265 ريال فيه 12 بمعنى ان سعر الحبة بحدود 22.5 ريال ... فرق كبير جدا بالسعر ..

ونصيحة .. الموبيل 1 اللي يمشي 10 كيلو اصبح اقل جودة بعد ماصار ينتج في مصر .. انا لا انتقص اخواننا بمصر لكن هذه الحقيقة وللي يبي شئ ممتاز ياخذ كاسترول ماجناتك .. الصراحة انه جدا رائع ويخلي صوت المكينة هادي ويستمر 10 بالراحة ...
انا خلص كرتون الموبيل 1 وركبت كاسترول العادي ابو 12 ريال والصراحة انه جيد جدا وصناعته سعودية ..









اخوكم ماجد الشمري
ابوسليمان119
24/04/2006, 05:28 AM
مشكور اخوي منتعش على هالموضوع الهام

وبصراحة كلنا نحتاج لمثل هالمعلومات مهب نروح للبنشر ونغير زيت ونمشي بس ما ندري وين الله حاطنا .....

بعدين عندي نقطة مهمة للي يغير الزيت ترى لازم تاقف على راس العامل لأن بعض البناشر هداهم الله يبقي بالمكينة شوي زيت

من الزيت الاول المحروق ويعبيلك نص العلب الي كان المفروض انه يخلصها وتمشي بزيت نص ونص ...

لأنها صارت معي وكشفته الحمد لله وسويتها سالفة بالبنشر وغيرولي الزيت ببلاش ...ههههه

وعندي سؤال لأهل الخبرة وش احسن زيت للباثفاندر بالصيف انا عبيت قبل فترة سوبر شل علبته بيضاء 20دبليو50

يقول صاحب البنشر ممتاز للصيف وأقنعني ....

وأشكر لكم التفاعل مع مثل هالمواضيع النافعة

اخوكم / ابو سليمان
منتعش
24/04/2006, 05:31 PM
ياهلا بأخوي : سراوي
يعطيك العافية على مرورك الطيب
وخبرتك المجربة بزيت سوبر شل
منتعش
24/04/2006, 05:35 PM
أهلين وسهلين بأخوي الغالي : ماجد الشمري
فاقدينك من زمان
صدقت زيت موبيل 1 تغيير
والموجود الآن مصنع في مصر


وأزيدك من الشعر بيت
أرتفع سعر زيتك كاسترول بـ 13 ريال
والله يستر من الجاي

على العموم مرحباً بطلحتك ومرورك
منتعش
24/04/2006, 05:40 PM
حي الله أخوي : مقلوب بالعكس
صدقت لأزم تجلس عند راعي الزيت
وإذا صار زحمه عنده قام وقفل الصره
وعبالك الزيت ، والمكينة موجود فيه زيت أشوي
والأفضل إنك تجلس عنده وتنتظر حتى ينتهي الزيت كله من الماكينة


المشكلة أخوي : أبوسليمان
كل واحد يمدحلك زيت
والسبب له نسبة أو هدية في تصريف الزيت

ومرحبابك مرة ثانية
nnaser
04/09/2010, 09:17 PM
10 دبليو 30 تستخدمه في الشتاء
هل هذا صحيح - ولكل السيارت - ,,
وشكرآ لكم