أحتاج مشورتكم بخصوص المروحه

[شاص2007]

السلام عليكم ورحمة الله وبركاته
عندي باترول 98 ربع كلبليتر غيرتله مروحه ميكانيكيه جديده وصارة على طول شغاله مع ان الموتر بارد وسببت لي حنه وازعاج وابغا اركب مراوح سوبارو كهرب بداله بس فيه ناس نصحوني وقالو الحراره بترتفع معك بالنفود فحبيت اذا احد جربها على مثل هالسياره ينصحني واكون له من الشاكرين...

[اسدهم]

قرب الرديتر علا البدي الي قدام نفس الكراسي الي تجيك اول ماتفتح الكبوت وركب المراوح سوبارو الاكبار مع كتاوت وفيوز لا سمح الله

[كبسولة2]

نصيحة المروحة الميكانيكية أفضل بكثيييييييييير

من الكهربائية لأن الكهربائية إذا خربت فجأة تخرب رأس المكينة على طول

وتصير في السيارة حرارة ما تفارقها ابد

[خبايا انسان]

اذا انت بالرياض ,, مالك الا الدغيري يضبطها لك ,, وانا عن نفسي مركب مراوح سوبارو كبيره

والايجابيات الي لاحظتها ..
1 راحت الحنه

2 الحراره ممتازه ماتنقص ولا تزيد ثابته

3 صرفيه بنيزن اقل

الخ الخ



السلبيات ,, انه ممكن باي وقت يتوقف عمل المراوح لانها كهرب ويبغى لها شخص فنان يركبها ويضبطها ,,

وانا عن نفسي لها الان فوق السنه وماشيه زي الحلاوه

[التعـ King ـديل]

ركب المرواح بس لاتنسى الكتاوت والفيوز عند كهربائي مضبوط

عندك ابو ريما في ورشه باترول اللي بالصناعيه القديمه

وعندك مقبل العميرين اذا انت في شمال الرياض

[شاص2007]

طيب كيف وضع مروحة الفورد وهل صوتها مزعج اثناء الوقوف وكيف تبريدها

اشكر جميع من شارك برايه وخبرته وانتضر المزيد من النصح

[ابو مرسال]

وانا اخوك فيه ورشة وحدة تظبطها السوبارو لو تبي ادلك عليها راسلني عالخاص
وانا انصحك تركب سوبارو لاني مركبها على باترول 96 بخاخ وانا طال عمرك حياتي
بالبر والنفود اقولك الحراره دايم تحت ال c

[ابو مرسال]

للفايدة اكثر مراوح السوبارو الكتاوت حقها اغلبها يضرب بس الورشة الي اعرفها متعامل معه لي
3سنوات مركبها عنده ووديت له 6 مواتر يركبها الحمد لله الى يومك ماشيه واذا تبي اقابلك ونروح عنده
عشانه هو يعرفني اوديك عنده انا برسم الخدمه طال عمرك

[هبــ حريملاااء ـبوب]

السلام عليكم ورحمة الله وبركاته

عندي باترول 98 ربع كلبليتر غيرتله مروحه ميكانيكيه جديده وصارة على طول شغاله مع ان الموتر بارد وسببت لي حنه وازعاج وابغا اركب مراوح سوبارو كهرب بداله بس فيه ناس نصحوني وقالو الحراره بترتفع معك بالنفود فحبيت اذا احد جربها على مثل هالسياره ينصحني واكون له من الشاكرين...



غير التماتيك حقها بأصلي >>> لان المفروض يفك والموتر بارد



نصيحة المروحة الميكانيكية أفضل بكثيييييييييير

من الكهربائية لأن الكهربائية إذا خربت فجأة تخرب رأس المكينة على طول

وتصير في السيارة حرارة ما تفارقها ابد

انا مع راي اخوي كبسوله ................... والحنه متقاربه ........... ولكن الفرق بالعزم لا يذكر

لا تحرك ساكن والله يسهل امرك ومن يقرا

[ابونجم 1]

مرحبا اخوي شاص
الأخوان ماقصروا طالت عمارهم على طاعة الله وماني بخير منهم لكن بعطيك تجربتي ,,
انا طال عمرك عندي نيسان 94 وشريته عليه مراوح مكسيما وكانت حرارته حليوه نوعا ما وكهربتها ماهيب بذاك الزود , وركبت مراوح السوبارو عند محل اسمه ( بتار ) في الدمام راعيه من اهل القصيم يقاله ابوابراهيم ونصحني بمراوح السوبارو , مع ان مراوح المكسيما موجوده عنده لكن لعى كلامه مراوح السوبارو دورته اسرع من مراوح المكسيما وركب اربع كتاوت ثنتين شغالات و2 سبير تشتغل تلقائيا اذا وقفت الأولى والحمدلله من بعدها والحراره طاااااااايحه على c , طريقة شغلها : ماتشتغل المراوح الا اذا جات الحراره ربع اشتغلت مروحه وحده واذا جات ثلث اشتغلت المروحه الثانيه وفوق ذلك فيه داخل السياره عندك زر للحالات الصعبه والجور على الموتر مثلا في تغريس والا طعوس اسحب الزر تشتغل المراوح بكامل طاقتها , اما لقدك على الطريق فلاتفكر بالحراره ان شاالله .. \
وعسا الله يوفقك ويوفق الجميع