ياشباب ،، فحصت فكسار ابي اشتريه وطلعت الامور هذي!!

[sgl2002]

لقيت فكسار عند واحد صديق والموتر بدي وكالة ومديله2002 لكن فحصته وطلعت الحاجات هذي

صوت طقه اذا رفعت رجلك من الكلتش وهو بنمرة وقالوا فضاوة بالكارونة الامامية لازم نوزنها
صوت ونين والسيارة واقفة وقالوا عندك تهريب في الدودة بس مدري وش دخله بالونين
القير يقول ماهو ممتاز جدا لكن يمشي حاله لان فيه ثقل في تعشيقة الثالث وفضاوة العصا

[ذيب واردات]

ويين وفحصته فيه

[ع العمرو]

نصيحتي السيارة الوليشة ابعد عنها لاتنام بالقبور ولاتشوف منامات وحشة!!

[medo112]

صوت الطقه .. نادر تكون من الكارونه لان اللي اعرفه اذا أختلفت وزنيه الكارونه ما تمشي السياره زين ..
بس ممكن تكون كرسي الجير أو كراسي المكينه مقطعه ..
بالنسبه للونه صحيح دودة الدركسون اذا صارت تهرب زيت تطلع ونه ..

[sgl2002]

مشكورين لكن هل اخذه لان الموتر بودي بلد وماشي ١٨٠ الف

[patrol vtc]

نصيحتي لكــ تأكد من المشكلة وسعر تصليحهآ لا يصير شئ كبير !!

والله يكتب لكـ الخير في شرائه او لآ .

:)

[SAS2]

يالغالي القير مشكله وخصوصا الجيب يمكن جلده القير متقدمه تسوي هالطقه واذا غير

الجلده ابتكلفك كثير افحص الجلده اول

وقيمه الموتر من ٦٠ الى ٦٥ الف اذا بتشتريه اكثر من هالقيمه خله ودور غيره

[sgl2002]

^^^

الموتر بودي وكالة حتى قزازته الأمامية وكالة وماشي 180 ألف
واللي يشوف الموتر يقول وكالة داخلية وخارجية وبريمي vxr1

كم تقول يسوى

[ابو محمد السهلي]

واذ القيرْ عادي .... مايصلح الان خرباته واجد ....عموما كل اللي قلت الخربات بسيطه ... والونه فحمه الكلتش ....والطقه عاديه في الفكسار كلبوها وعاديه هذي لانه دفع رباعي التماتيك والعادي بس العادي مع التبديل والتماتيك اول ماتمشي
وتهريب الدوده وجه او اصلاح ٢٠٠ تسويه


اذ سعره مناسب خذه

يسوي ٧٠ وتحت على كلامك اذ قير عاديءء.......... واذ تماتيك وفل كامل٨٣ وتحت

[SAS2]

^^^

الموتر بودي وكالة حتى قزازته الأمامية وكالة وماشي 180 ألف
واللي يشوف الموتر يقول وكالة داخلية وخارجية وبريمي vxr1

كم تقول يسوى

هذا سعر السوق واذا بتشتريه غالي عطه 70 الف اذا خاطرك

بالموتر

[جوبتير]

نصيحتي السيارة الوليشة ابعد عنها لاتنام بالقبور ولاتشوف منامات وحشة!!



والله ياهو العلم اللي يجمد على الشااااااااااااااااااااااااااااااارب

[sgl2002]

ياشباب وينكم عن السوق واسعاره

الموتر يسوى ٨٨ الف بالراحه

وانا لي ٩ سنوات بالسوق وماشفت غلا اسعار مثل هذي السنتين الاخيرة

ال٩٩ الفكسار ١ الماشية فوق ٣٠٠ الف يتعدا ال٧٠ بالراحه

بس قلت خلني اتاكد من هذي الحاجات عشان لا اغش احد اذا جيت ابيعه

[sgl2002]

بعد الفحص عند البريدي تبين ان اخر مره تم تغيير سير التيمن فيها كان على 211 الف كيلو
والان يحتاج الى تغيير سير التيمن مره اخرى

والموتر ماشي 180 الف

حتى خويي اول ماشراه فحصه عند كارتك ولا اكتشفوا ان الموتر منقص عداده

وكنسلنا موضوع الشراء والله يعين على البحث من جديد

[البعير المغوار]

نصيحة ابعد عن تويوتا،

شف لك من هالامريكي ولا متسوبيشي باجيرو مستعمل نظيف، الظاهر يطيح سعره كثير.

[SAS2]

بعد الفحص عند البريدي تبين ان اخر مره تم تغيير سير التيمن فيها كان على 211 الف كيلو
والان يحتاج الى تغيير سير التيمن مره اخرى

والموتر ماشي 180 الف

حتى خويي اول ماشراه فحصه عند كارتك ولا اكتشفوا ان الموتر منقص عداده

وكنسلنا موضوع الشراء والله يعين على البحث من جديد


خيره انشالله وتلاقي الي يملا عينك يالغالي وكفو عليك انك ما استعجلت بالشراء :good2: