بخصوص الديماكس الجديدة

[حر اليدين]

السلام عليكم ورحمة الله و بركاته
اسعد الله أوقاتكم بكل خير اخواني المكشاتيين
الموضوع ومافيه اني ان شاء الله تعالى نويت اشتري
ايسوزو ديماكس دبل 3000سي سي بإذن الله تعالى
لكن ودي اجربها قبل فهل يوجد مكاتب ايجار في الرياض
تؤجّر السيارة لبضعة أيام
ارجو الإفادة منكم اخواني
مع تحياتي الخالصة لكم

[حر اليدين]

للرفع لا تحرمونا من افاداتكم جزاكم الله خير

[النهر الجاري]

والله ايسوز ديماكس افضل ديزل
صراحه سيارة تتحمل
عند ولد عمي وحده 2006 ماشيه 273000 والله حمدالله ماشتكى منها شي غير القطع الاستهلاكيه

[مجنون نحم]

سيارة عجيبة في التحمل والعزم و القوة والشكل ممتاز وقيادتها مريحة و راسية عن تجربة ٢٠٠٦ مكينة ٣٠٠٠ دبل من الوكالة والى الان ماشي ١٠٢ الف وبصراحة مو مقصرين معه تشخيط و كرف ولكن نعطيه حقة الزيت كل ٩٠٠٠ و السيفون وفلتر الديزل و فلتر الهواء كل مرتين نغيرة


انصحك فيه وبقوة وباذن الله بتدعيلي

[مجنون نحم]

واحد من الشباب ماشية معة ٣٥٠ الف موديل ٢٠٠٤ دبل ٣٠٠٠ من الوكالة ولا قالت اح ماشاء الله

خذها وما جاك علي

[حر اليدين]

السلام عليكم ورحمة الله وبركاته


اسف على الاطالة

اخوي النهر الجاري جزاك الله خير والله انا على جريف ووكل اللي استشيرهم يقولون موتر مهوب دارج مع الناس اشكرك على مرورك وعلى افادتك

[حر اليدين]

مرحبا فيك اخوي مجنون نجم واشكرك على مرورك وتكرمك ... انا اللي حط الفكرة في راسي ان واحد من معارفي معه 2003 تربو غمارتين .. يقنص عليها الرملة ومركب عليها كفرات كبيرة ومثقلة عليها ويحمل عليها حمول ثقيلة ومع ذلك صابرة ويصينها بين فترة وفترة كقطع استهلاكية ومن هالكلام وسمعت ان الجديدة الــ2012 مسوين فيها تقنية كتم الصوت والدخان

مجددا اشكرك على مرورك اخي الكريم

[سلكي نت]

اخوي الايسوزو ما يحتاج
سيارة تتحمل وتكد
وفيه قسم رابطة خاصة للايسوزو .... هنـــــــــــــــا (http://mekshat.com/vb/showthread.php?t=181723)
اسأل والكل يجاوبك

[ابو رسيل2]

واحد من الزملاء عنده وحده .... قطعها نااااااااااااااار
والا السيارة ما عليها كلام

[ابونبيل]

واحد من الزملاء عنده وحده .... قطعها نااااااااااااااار
والا السيارة ما عليها كلام

صادق
اعرف واحد معه 2008 جته صقعه رفرف وصدام واصطب وكبوت المهم التسعيره 8000ريال:(

[أبو نـآيف]

الوكاله ياعزيزي عندهم تجربة قياده

[حر اليدين]

السلام عليكم اسف على التاخر في الرد اخوي سلكي نت (http://www.mekshat.com/vb/member.php?u=2175)

في الحقيقة هذا ما كنت اريد بالنسبة للرابط والله يعطيك العافية ويجزاك خير

[حر اليدين]

اخوي ابو رسيل2 (http://www.mekshat.com/vb/member.php?u=200726) لو تقارن القطع والاصلاح بالسيارات الثانية تلقى الفرق بسيط ما تعدى الف ريال تقريبا دامك تركب شي اصلي
ع العموم الله يعطيك العافية ويجزاك خير

[حر اليدين]

اخوي ابونبيل (http://www.mekshat.com/vb/member.php?u=60867) الحوادث لها حسبة الكلام كله على القطع الاستهلاكية انا اغلبية اللي سألتهم يقولون تطول ما تطلب والله اعلم

ع العموم الله يعطيك العافيو ويجزاك خير

[حر اليدين]

اخوي أبو نـآيف (http://www.mekshat.com/vb/member.php?u=78748) كلامك صحيح بس كااان اول رحت للوكالة وقلت لهم قالوا كان عندنا ع العموم حط رقم جوالك واذا صار فيه بندق عليه والحين لهم شهر وزيادة ... انا طولت ما رديت عليك انتظر اللي في صندوق الونيت يطيح هههههههه

الله يعطيك العافية ويجزاك خير

[حر اليدين]

بسم الله وعلى بركة الله ... رحت بالامس الى وكالة العيسى وما لقيت قير عادي مافيه الا تماتيك وحجزت وحدة وستصل على حسب كلامهم في نص شهر ستة ميلادي يعني بعد شهر ونص .. عسى الله يكتب اللي فيه خير

وتقبلوا تحيتي ... وفي الحقيقة جربت السيارة في الوكالة كلتا السيارتين التماتيك والعادي وكل وحدة تقول الطيب عندي

[مجنون نحم]

موتر ينشد به الظهر عندي 3000 دبل موديل 2006 وكالة والله ما طلب شيئ

ماشاء الله تبارك الله


لا تنسى تغير فلاتر الديزل ترا حياة الموتر فيها

[حر اليدين]

السلام عليكم .. آسف على الإطالة أخـي مجنون نحم


اشكرك على مرورك واللي شجعني على السيارة كلام مستخدميها مع اني لاقيت انتقادات كثيرة لأناس ما يعرفونها .. وجاري انتظارها الله يعجلبها

شاكر لك مجددا .. اخوك حر اليدين
الله يبارك لك في سياارتك ويعطيك خيرها ويكفيك شرها

[بنزرت]

اخوي أبو نـآيف (http://www.mekshat.com/vb/member.php?u=78748) كلامك صحيح بس كااان اول رحت للوكالة وقلت لهم قالوا كان عندنا ع العموم حط رقم جوالك واذا صار فيه بندق عليه والحين لهم شهر وزيادة ... انا طولت ما رديت عليك انتظر اللي في صندوق الونيت يطيح هههههههه

الله يعطيك العافية ويجزاك خير
ياكافي
ويش جاب سالفه السلاح هنيا؟؟؟:confused:

[الجوال0]

خذه ولا تمالي خصوصا 2012

[حر اليدين]

السلام عليكم .. اخوي بنزرت .. حنا مسالمين ما نذبح دجاجة ههههههههه بندق = سوف نتصل عليك


اخوي الجوال ... باذن الله تعالى بعد استخارة واستشارة قدمت عليها وجتني الموافقة باقي وصول السيارة والان وصلت عدد 15 سيارة قير عادي بدون دبل 3000 سي سي والدبل الى الان ما وصل .. لعل تاخيرتها خيرة


تقبلوا تحيتي

[مسامر القمرا]

خذها يارجال والله يكتب اللي فيه الخير

معي وحده 2006 3000 سي سي دبل ماشاء الله تبارك الله قوه وتحمل وصبر بس حافظ على الزيت وتغيير الفلاتر كل 20 الف كيلو وخذ نصيحه اضافيه اول ماتشتري السياره غير مساعداتها تراها خايبه مره انواع المطامر ركب مساعدات جبريال وتصير زي الفل

الله يوفقنا واياك والجميع

[حر اليدين]

اخوي مسامر القمرا الله يعطيك خيرها ويكفيك شرها ... باذن المولى عز وجل ولكن فتر الديزل كم سعره ..؟
شاكر لك على مرورك واعتذر عن التأخير

[Bader-M]

اصبر لموديل الجديد 2013 م سوف يتغير الشكل قليل وكذلك المحرك
بدلا من 136 حصان اصبح 175 حصان والعزم ايضا اصبح اقوى

ادخل هذا الرابط

http://www.assayyarat.com/forums/thread257556.html

موفق

[بآوزير]

يا رجال اذا انت تبي ونيت خذ بسعره ونيت جمس من موديلات قديمة شوي 2005 2004 2003 وزين بعض الاشياء فيه وحط الباقي بجيبكـ

[حر اليدين]

السلام عليكم ورحمة الله اخوي باوزير اسف على الإطالة رأيك زين يا اخوي لكن انا عندي عائلة و هي السيارة الوحيدة و بإذن السيارة ما تطلب قطع لانها جديدة وأنا قررت و حجزت بعد استشارة واستخارة وبأذن الله تعالى في الأيام القلائل ستصل السيارة واشكرك على النصيحة



اخوك حر اليدين

[ذيب حضن]

عندي 2005 شريتها يوم طلع 2006 من معرض عمر الشيخي بجدة ب 78500 الآن ماشية أكثر من 190000 والحمد لله ماأغير غير الفلاتر والزيوت فقط
يعني ممتازة

[حر اليدين]

Bader-M

السلام عليكم اخوي اسف على عدم الرد ولا عاش من يسفهك ولكن الــ2013 سمعت انها 6 نمر للقير العادي هذا اللي خوفني انتظر ويطلع الكلام صحيح ومامعي سيارة حاليا ومستعجل والحمد لله اشتريت 2012 لون معدني قير عادي والسيارة الان ماشية معي 3000 تقريبا زي اللوز شاكر ومقدر مرورك ولا حرمنا من نصحك

[حر اليدين]

اخوي ذيب حضن الله يجزاك خير ... انت الناصح رقم 10 ابشرك خلصنا شرينا .. عسى الله يطرح البركة صراحة السيارة معجبتني مرة عزمها كويس و سافرت عليها ممتازة

تقبل تحيتي