ربـع باجيرو

[صيت الليل]

السلام عليكم

صبحكم الله بالنور والسرور

بغيت أسالكم عن الربـع باجيرو

كا استخدام وقطع غيـار

وراحـة ورسـاة
وخصوصآ اني راعي خطـوط امشي بالاسبوع حدود 9000 كيلو تقريبآ
وهل هو قلبتة سهلة مثل ربع تويوتا .؟


وكم اسعار 2008 ,2009

فل كامل 3,8

[baaasss]

وعليكم السلام
ماشاء الله تبارك الله يعني اكثر من الف كيلو في اليوم

[كم كيلو باقي]

انا معي ربع باجيرو 2009 مكينة 3000 قير 4 تعشيقات

طبعا الـ3800 5 تعشيقات

وأقوولك نصيحة لوجه الله .. اذا ممشاك بالاسبوع اكثر من 9000 كيلو لا تقرب الجيوب كلها
ووش لك ولغلا الكفرات والزيت وقطع الغيار وصرفية البنزين

اذا تبي نصيحتي وانت ابخص .. ترا 9000 مهب بسيطة خذ لك ازيرا ولا فورد ولا تورس ولا فيوجن

والله أأمن لك من الجيوب بكثير والحافظ الله طبعا

طبعا ربع الباجيرو .. أأمن بكثير من ربع التويوتا .. حلو مره بالطعوس وبالخط عزله وسط او أقل من الوسط بشوي
في المدينة قاسي جدا وخصوصا بعيون القطط

[RW7..ALBDAWA]

من نآحية المووتر هذآ يآبآني يآبآني اصصصصصلي

لأكن قطــــــــــــــع غيآرهــ نار النآآآآآآآآآآآآآآآآآآآآآآآر

ونصصيحه لوجـه لله اذآ انك رآعي خطوط لأتفكر بالجيوب نهائياً

ولأ اذا برآسسك جيب خذلك لكزسس امن بالخط والامن الله

ومن الموآتر الصغآر غير الالمآني لاتدور او اللكزسس 430 او 400 القديمـه من موديل 96 لـ موديل 2000

[صيت الليل]

انا اقصد 900 كيلو بـ3 ايـام تقريبآ

والقطـع يقولون الاستهلكية سعرهآ معقول

لكن الصدامات والشبك والرفارف هي الغالية هل هذا صحيح .؟

[معاذ الخنيني]

الله يحفظك ويسمح دربك



اللهم اغفر لي ولأخي وللمسلمين

اللهم عجل نصر إخواننا في سوريا

[صيت الليل]

الله يعطيكم العـآفـية

بس ماقلتو لي

انا اللصرحـة بعد الضغط اقدر اجيب حدود 55 الى 60 الف

وش السيارة الي تصلح مع اني ما ابي صغير
ابي اوسع صدري واطلع الخـلا

والباجيرو صراحة داخل راسي وانا اميل للربع

[الباشاء]

الله ييسر امورك ماجربت الباجيرو ... لاكن فكر في الباث فايند موديل 2006 وطالع حلوه في الخط ومريح

[bad boy]

اخوي اذا براسك ربع وفلوسك حول الـ 60 ألف ليه ماتفكر بالربع النيسان 2006
احسن لك من الباجيرو لان قطع الغيار غالية ووكيله تعامله سيء الى ابعد حد
النيسان ممتاز من ناحية الرساوة ومع شوي اضافات عليه راح يطربك بالبر

[ابوسامي 2011]

انا جربت النيسان والباجيرو وغيرها والله اشوف اطلق جيب شريته الباجيرو الربع اتوماتيك فرق عن جميع السيارات وكل واحد له راي

[صيت الليل]

لو الود ودي اخذت نسيان

لكني مسوي عملية برجلي والتماتيك اريح لي

[ابونبيل]

طيب ونيت جمس لان الامريكي مايضره الخطوط

[زاائر]

اذا تبغى تماتيك........... باجيرو 3.8 وبس ............. من واقع تجربه

[صيت الليل]

لكن الي مخوفني قطع غـيــــــارة ؟؟

ياليت توضحون لـي .

[صيت الليل]

وهـل الربع باجيرو الفل كآمل يجي بيج من الدآخل؟

ولآبـس آسـود ؟؟

[الهوى جنوبي]

وهـل الربع باجيرو الفل كآمل يجي بيج من الدآخل؟

ولآبـس آسـود ؟؟

خذ العلم الاكيد الربع الباجيرو ما يجي الا اسود من الداخل واذا انت راعي مشاوير طويله بعطيك المميزات وهي كالتالي :
فخامه وراحه واعتماديه لأنه يابني 100% وافضل جيب من ناحية الرساوه راسي جداً
العيوب
في البر الطبلون مزعج جداً جميع الاصوات تسمعها
التانكي صغير 60 لتر والصرفيه كصرفية باقي الجيوب يعني وسط
واهم عيب الوكيل سيء مع مرتبة الشرف الاولى
عدم وجود فاصل للتراكشن كنترول وذلك عند استخدامه في الرمل اما في المناطق الجبليه روعه
وهذه المعلومات كلها من واقع تجربه وفي رأيي ان كانك راعي مشاوير طويله خذلك موتر صغير تحياتي

[صيت الليل]

وين راعين الباجيرو ..!

[القبقب]

ياسلام ربع باجيرو و3800 سي سي موتر ماعليه كلام ياباني اصلي
وقطع الغيار لاتحاتي ماتحتاج تغير شىء موتر ينسيك شىء أسمه كراج وتصليح دق سلف وامشي
من واقع تجربة .

[RW7..ALBDAWA]

اخـوي تبي النصصصصصيحه وانآ ادري انك دخت كل وآحد ويعطي من رآيهـ

جررب اللي بقولك عليـه وصدقني رآح تدعيلي بلأ بآجيرو بلأ ربع تآيوتآ بلأآ ربع نيسآن

عندكـــــــ الوحش إكستيرآ نيسآن طبعاً

اول مآتآخذه ادلك على محل يفكلك الثآنكي ويركبلك ثآنكي 140 لتر يعني دبل الدبل

وفصصل طبق وقل لـ الخطوط وينـك يكفي ان عزمــــــــــه بسس طيآره ولأ فيه اي جيب قدر يتحدى بعزمـــــه

وسعره منآسسب وللبرآن وحشششش ومعروف بالنفود

واليوتيوب يوضحلك اكثر واكثر

تحيآتي لك .............................

[كم كيلو باقي]

الباجيرو الربع موووتر ماله مثيل والله .. المكينة الصغيرة وقير تماتيك والله مايرده شيء بالطعوس ماشاء الله عليه ( من تجربة) بس اهم شيء نسم

وصيانة الـ60 ألف كلفتني قطع وكالة تركيب ورشة محترفة حدود 1500 تزيد شوي وتنقص شوي
طبعا مابقيت شيء ماغيرته زيت قير وفلتر قير وفلتر البنزين وفلتر الهواء وبواجي واشياء كثيرة ماتحضرني

وبالنسبة للي يقول التراكشن ماينفصل .. له سلك تفتح الكبوت وتفصله جمب علبة الفرامل سلكين كبار داخلات من الجهة اليسار لليمين .. ((( تطفي السيارة ))) ثم تفصل واحد منها ناسي والله أي واحد ( وترا فصلته أول مره يبي لها قوووة )
ثم تشغل وتشوف اللمبة اشتغلت ولا لا واظن تشتغل معها لمبتين زيادة الأي بي أس وحاجة ثانية ناسيها لي فترة مافصلته

طبعا الصرفية في الخط بالنسبة لـ3000 تعتبر عالية نوعا ما لأن قيره 4 تعشيقات
بس الـ3800 قيره 5 تعشيقات

وأي استفسارات او شيء لا يردك الا الخاص