مطلوب تحويل باص الي غرفه

[الديبل1]

السلام عليكم ورحمة الله وبركاته
عندي باص 55 راكب أبي أحد يدلني على محل يحول الباص الي غرفه متكامله والكامل الله سبحانه وتعالى وجزاكم الله خير0

[الديبل1]

للرفع------------------

[الحر 6]

وعليكم السلام اييدك على, الفكره في خاطري من زمان بس وش تبي بالظبط مجلس و
او مطبخ او غرفة نوم ...الخ
بس اخوي فيه مخرج 17 وانت متجه للمطار ارجع مع الخدمه كانك راجع لصناعية العاصمه فيه مستودعات علي يدك اليمين فيه محل متخصص للبركسات والغرف المتنقله والعربات اسم مديرها رائد ان شاء الله يخدمك واذا بغيت خصم ارسلي واروح له بس اخوي هل فيه باص اصغر منه يجي دبل او اقدر اركب عليه وشكرا

[الديبل1]

اشكرك اخوي الحر6
اول شئ انا من قطر ابي اسوي مجلس ومطبخ وحمام الله يكرمك والباب المنيوم وشباكين من الجنب وفى
الخلف مكيف وندو ذكرولي في عريعره والدبل ما اتوقع يسير والله اعلم
لو احد يخبرلي فى الدمام يكون افضل ولك شكري:type:

[كاشت وحداني]

فيه محلات تبيع سيارات من هالنوع
باصات مجهزه
وكرافانات
في الرياض موجود لهم محل على تقاطع طريق مكه مع الملك فهد
لو تزورهم وتاخذ الافكار من سياراتهم
ماني متاكد لهم فرع بالدمام ولا لا

[الديبل1]

السلام عليكم ورحمة الله وبركاته
أشكرك أخوي كاشت وحداني
لو توصف لي المكان بالضبط أو أحداثية المكان ولك شكري:redcar:

[كاشت وحداني]

حياك الله اخوي
لا شكر على واجب
ماعرفت اطلع احداثي بخرائط الايفون
لكن بعطيك الوصف اذا كنت تدل الرياض تمام
ومع الوصف ان شاء الله احد الاخوان يقدر يحط لنا الاحداثي
وانت على طريق خريص باتجاه مكه
بعد ماتمر تقاطع مكه مع طريق الملك فهد
طبعا بتشوف برجين العيادات التخصصيه على اليمين وبعدها مبنى ابيض كبير
بنهاية المبنى تجد الباصات المجهزه والكرافانات
طبعا تجد مخرج طريق التخصصي
اطلع معه وارجع مع الحاره
ولو مو واضح ارسلي جوالك عالخاص وابشر بعزك
وهذا الرقم اللي طلع لي بخريطة الايفون
http://img.tapatalk.com/54eb49e2-3b60-2574.jpg
وبعدها

[كاشت وحداني]

ملاحظة
اذا جيتهم سو نفسك زبون شراي
بالتوفيق

[الديبل1]

اشكرك اخوي
والله ما قصرت وصف واضح أن شاء الله
الله يجزيك خير:good2:

[كاشت وحداني]

وابشر بالاحداثي من الويكيمابيا

24.677845N
46.6856555E

[s3ed]

ريح راسك من الباص

وشف هاللنك. افضل لك من الباص الف مرة قوة وفورويل


http://www.amesz.com.au/view/4wd-motorhomes/

[.أبوعبدالرحمن]

وعليكم السلام ورحمة الله وبركاته

أخوي الغالي جميع المحلات إللي راح تمرهم إن شاء الله غالين مرة وراح يكلفون عليك

فما لك إلا اجتهاداتك أنت الشخصية وهذا هو الأفضل

يعني تمديدات الكهرب والسباكة والجلسات والمطبخ كلها ركبها كأنك تركبها بالبيت

لكن لا من تلبيس الباص من الداخل من الجوانب والسقف خشب بلاكاش ( خشب خفيف )

وركب القواطع من البلاكاش المتين ( خشب متين ) عشان المنظر يكون مناسب مع رشها

ببوية ألوانها مناسبة لك لأنك لو تروح للمحلات إللي يجهزون كرفانات راح يخلونك تركب أشياء أنت

في غنا عنها ولا تحتاجها


والله يوفقك باللي يرضي الله ثم يرضيك

[الديبل1]

الشكر لجميع من ساهم في موضوعي:)

[أبو هشام راشد]

اقترح عليك البحث عن جاهز يمكن يعجبك او تقتبس منه فكرة مناسبة وفيه توفير للجهد والوقت وتكاليف التجربة الاولية

وبالتوفيق

[s3ed]

الخشب ماينفع سهل الكسر

ادفع مبلغ اكثر وخذ لك شي مضمون وقوي عليك بالفيبر جلاس نفس سيارات الدينا ٣طن اللي توزع الاشياء المبردة من حليب ولحوم. اقصد ثلاجة يكون لها باب وتقسم المساحة بالداخل على كيفك


شف هذا الموقع

http://alattiyahfactory.com/products

×

[أبو هشام راشد]

سقف الباص يمكن الاستفادة منه بجعله دكة ومناسب للجلوس والنوم

[الديبل1]

للرفع---------