السيارة ثقيلة في النفود !!

[زيد الدوسري]

السلام عليكم

حي الله الشباب

شباب تكفوووون انا عندي مشكلة في سارتي الأكستيرا
وهي أن السيارة في النفود ثقيلة على انها توها جديدة مدري ليش
تكفوون شوفو لي حل

محبكم

[علاوي_8784]

هلا حياك الله

اولاً مبروك السياره

فيه نقطه لازم تعرفها وهي ان دبل الاكستيرا الثقيل اذا شبكته راح يقل عزم المكينه فوراً بنسبة 40% تقريباًًً وماراح يسرع كأنه تريله من ثقل السياره بس يطلع نفسه ولا يحفر كثير وماتشبكه الا ان صرت مغرز فــــقــــط يعني اذا انت ماغرزت اشبك الخفيف ويبي يطططير بك


النقطه الثانيه ممكن تكون مانسمت الكفرات زين لأن كفرات الوكاله هي قــودرتــش وهي قاسيه جدا لازم تنسم الكفرات 15

الحل اذا ماتبغى تنسم واجد هوإنك تركب كفرات هانكوك نفس العرض أو اعرض بشي بسيط


النقطه الثالثه ممكن تكون برمجة السياره غلط مصنعي بحيث انه ماتعطي العزم كامل

والحل انك تراجع الوكاله وتتأكد من النقطه هذي وترا حله بسيط بالكمبيوتر يضبطونه ويلخونه بالنسبه الطبيعيه المحدده من المصنع
والشي هذا صار معي بس ضبطو السياره لي

أما اذا كانت سيارتك جديده ماتعدت ال10 الاف شي طبيعي تكون ضعيفه وأنصحك تمرن المكينه بالتدريج لا تفقع المكينه على طول انتبه


طبعاً أنا معي اكستيرا توماتيك من دون أي تعديلات فقط مركب كفرات هانكوك 275
وانسم الكفرات 20 ومماشاءالله ججدا ممتااااز من دون مبالغه يرقى أي شي



وأي استفسار انا حاظر

[زيد الدوسري]

أخوي علاوي الله يبارك فيك
ثاني شيء كفراتي فيرستون
ثالث شيء ممكن تكون برمجه لأن السيارة إمريكيه ومدري تأميناتهم مدري وش تبي بس اذا تبي برمجه ووين تبرمج فيه الأنها موب تبع الحمراني
أما من ناحية الممشى فهي ماشيه الحين حول ٤٠ ألف

تحياتي لك

[عاشق السيل]

وعليكم السلام ورحمة الله وبركاته ،،

ألف مبروك الله يطعمك من خيرها ويكفيك شرها ،، خذ بالاعتبار السيارة الجديدة دائما تكون ثقيلة وخاصة بالنفود لأنها مابعد جاها التمرين والتمغيط صح !!

أول شي لا جيت تدخل النفود نزل هواء الكفرات إلى 15 ،، إذا كانت السيارة تجاوزت 3000 بالممشى حاول تزر الموتر وتعطيه الساخن وبهالطريقة تحتاج لموسم كامل تكشت فيه أسبوعيا وإن شاء الله تبي تشوف فرق بالعزم مع الوقت وخاصة إن الإكستيرا معروف بنشاطه بس أنت لا تستعجل !!!!!

بالنسبة للدبل الثقيل أنصحك ما تستخدمه إلا بالتغريز القوي أو لا بغيت تسحب أحد مغرز ....

[ضيف الغضا]

مبروك السيارة ... جعلها الله مركب سلامة دائم
طبيعي جدا و لا هناك مشكلة و النفود من غير مطر لو تمشي عليه رجلية تغرز
كل السيارات ثقيلة هذه الأيام في النفود ... عسى الله يغيثنا
ما عدا كفرات البالون فلها تصميم يتماشى مع تركيبة الرمل

[زيد الدوسري]

الله يبارك فيكم
بس يالربع السيارة امريكية وعندهم نظام يوقف الطبلون على ١٨٠ تقريباً والأر بي ام مايقطع يعني فيه تأمين
والمشكلة أنه يغبن أحياناً أروح عليه ولا أظمن إني أرقى بعض الطلعات
وواحد من الربع قد جرب اكستيرا خويه ويقول ما شاء الله يتمشى بدون دبل وجرب موتري يقول موترك أستفهامات

طيب شباب نسيت أقولكم أن موتري ٢٠٠٦ يعني ممكن فيه شيء يبيله تغيير

تحياتي لكم

[علاوي_8784]

على ما اعتقد انه في امريكا عندهم نظام للحد من انبعاثات غاز ثاني اكسيد الكربون

وعلشان كذا مضعفين مواترهم شي بسيط وبما انك قلت يقطع على 180 اما السعودي يقطع على 199

واكيد تلاقي الحراره عندك تحت النص بشي بسيط ؟ بعكس السعودي على الربع

اما الاربي ام الاكستيرا يوقف عند 6ونص ومايقطع الا اذا كان متمرن صحح

انت وده للوكاله قلهم بالحرف الواحد
سيارتي امريكيه وابغاكم تبرمجونه وتخلونه نفس المواصفات السعوديه (عزم المكينه) (الحراره) (السرعه) (الاربي ام) (دعاسة البانزين لأنه الكترونيه طبعا) وككل شي ابغاه برمجة نفس الاكستيرا السعوديه

وموديل 2006 مايختلف عن 2011 الا بالديكورات والحاجات البسيطه

والله لو اعرف محل غير الوكاله يضبطه لك كان قلت لك بس انت اسأل الشباب الي عندهم خبره بالتعديل و يجاوبونك ان شاءالله

[علاوي_8784]

ابسألك عليه ضمان ؟؟؟؟؟


اذا ماكان عليه ضمان خايف يروح عليك رح للــــحـــرامـــي ااا أقصد الحمراني ويقبلونه ععادي

[زيد الدوسري]

طيب أخوي علاوي وين مكان الوكاله انا في الرياض
وكم يكلف تقريباً
معليش تعبتكم

[علاوي_8784]

أنا ساكن بشرق الرياض والفرع الي اعرفه هو الي على طريق خريص وسويت عندهم صيانة ال100 الف كيلو
وهذا وصف الموقع بقوقل ايرث

http://maps.google.com/maps?hl=en&ll=24.719122,46.771293&spn=0.002685,0.004002&t=h&z=18


اما التكلفه ما ادري عنه لاكنهم غغغغالين مرره ولايصلح تروح لهم الا للحاجات الحساسه الي مثل وضع موترك

[اسبيدر مان]

اول مبروك يازيد السياره الله يطعمك من خيرها ويكفيك شرها
ثانيا تأكد ان السياره مافيها تراكشن كنترول لانه هو الى يضعف العزم
واذا تبي محل يبرمج فيه برياض لكن لازم تدخل رابطة الاكستيرا وتسئلهم
وايضا فيه بالقصيم مبرمجين معروفين
لكن ان بغيت رايي اصبر على الموتر لانه 2006 وماشي اربعين معناته ان ثلاثة ارباع وقته واقف
والله يكتب لك الى فيه الخير

[علاوي_8784]

اول مبروك يازيد السياره الله يطعمك من خيرها ويكفيك شرها
ثانيا تأكد ان السياره مافيها تراكشن كنترول لانه هو الى يضعف العزم
واذا تبي محل يبرمج فيه برياض لكن لازم تدخل رابطة الاكستيرا وتسئلهم
وايضا فيه بالقصيم مبرمجين معروفين
لكن ان بغيت رايي اصبر على الموتر لانه 2006 وماشي اربعين معناته ان ثلاثة ارباع وقته واقف
والله يكتب لك الى فيه الخير



حححلو :good2: دام فيه محلات وشغلهم نظيف

بس أكد عليهم يخلونه بنفس المعدلات الطبيعيه المحدده من المصنع

[زيد الدوسري]

مشكور اخوي علاوي
أقول اخوي سبيدرمان السيارة فيها تراكشن كنترول بس اذا جيت ادخل البر اطفيه

[المنيعي1]

بنسبة لنفود لازم تنسم الكفرات ألى 10 او 5
اما البرمجة فيه بالقصيم يبرمجونة لو تبي يمشي 240 أما الرياض ماعرف عنه.

[اسبيدر مان]

مشكور اخوي علاوي
أقول اخوي سبيدرمان السيارة فيها تراكشن كنترول بس اذا جيت ادخل البر اطفيه

ممتاز بس انت متأكد انه طافي
لاني اذكرمره جربت جيب المازدا الجديد في البر وكان فيه تراكشن ولما اطفيه واتعدى سرعة 40 كيلو يرجع يشتغل من نفسه مره ثانيه

طيب وعلى الازفلت تحس انه ثقيل او خفيف يفز ابسرعه

[N أبورغد N]

موترك فيه غالبا زر تحت vdc المسجل طفه وتمتع
وان بغيته يخف مره اافصل الفيوز وبينطلق
انا معي امريكي 2007
اذا بغيت اراقي فصلت الفيوز وان بغيت اتمشى طفيت زر الvdc
والاسلم ركب فاصل اي بي اس وريح راسك من الانضمه بضغطة زر
اذا انت في الرياض واحد من الشباب يسويها اخر خبري بـ 300 ريال
اما اذا في القصيم بريده دور ورشة بدر التويجري كاني ماني واهم عندهم كهربائي سعودي ممتاز

[زيد الدوسري]

سبيدر مان انا متأكد انه مفصول التراكشن وأما على الأزفلت خذ رجال

هلا أبو رغد حبيبي معليش أبو رغد أي فيوز الي ورى الفلتر ولا الي في العلبه إنكانك تقصد إلي ورى الفلتر فأنا إذا كنت بطول في النفود أفصله وتبقى نفس المشكله

[اسبيدر مان]

[QUOTE=زيد الدوسري;8081955]سبيدر مان انا متأكد انه مفصول التراكشن وأما على الأزفلت خذ رجال

اجل موترك مابه الاالعافيه

لكن مافيه مانع لوتشيك على فلتر الهواء والدبات
ويبدولي انه قيره اوتو فياليتك تستخدم الوضعيه 1 عند التطعيس مع الدبل الخفيف والوضعيه 2 مع الدبل الثقيل
ولا تقرب الدي ابد عند المراقى لان بالاول يمشيك حول 80 كيلو قبل يقطع نفسه طويل
ايضا مافيه مانع لوتبرمجه على الداينو زي كذا


i2yCc6MrN8w

[N أبورغد N]

لك رساله على الخاص

[زيد الدوسري]

ما قصرتوا ومشكور يا أبو رغد على الشرح الوافي وعلى حسن أخلاقك