ابي محل يلبس بلاستيك للارضية

[ابوبشاير]

عند احد الزملاء جيب 2012 لاندكروزريبي يلبس الارضية بلاستيك بس مايعرف محل شغلة زين وثقة لانه لازم يفك المراتب كلها والمطلوب اذا احد يعرف محل شغلة ممتاز او فوق الممتاز يدلني علية وانا من سكان الرياض للمعلومية انا اعرف ان المحلات بالغرابي بس ابي محل معروف

[سيف وقلم]

الشباب يمدحون السماعيل الي في الغرابي لكن خله يلبس الفرشات بس وإن كانه ملزم يلبس الأرضية لايفكون الديكور وخاصة الأمامي الي عند القير لإنهم ماهوب مرجعينه مثل أول وخله يحرص عليهم في الكلبسات حقت المراتب لا يضيعونها

[aziz2727]

شف وانا اخوك
لا تتعدى السماعيل الا في الغرابي زي ما قال اخوي سيف وقلم
شغلهم زين وخبره ومرتب
توني مركب عندهم تلبيسه داخليه لسيارة جديدة
طبعاً المحل مكانه لم تدخل من اول الغرابي من جهة الجنوب بيجيك محل في زاوية العمارة على اليمين تعده بيجيك بعده محل ثاني وبرضوه تبع السماعيل
توكل على الله واشتغل عندهم بس الافاضل انك تجي مبكر يعني حبذا الصباح افضل

[haertlove2010]

عزيزي انصحك تقولة مايلبس بلاستك لانه مع مرور الوقت يلون ويبدا يقلب للاصفر
وغير كذا الريحة الله يعزك
اهم شي اهرب عن البلاستك من واقع تجربة ريحة ولون واذا انكب اي سائل ما ينشف بسرعة
اذا بتركب ركب قماش متين وله سحاب تستطيع فكة وتنظيفة وترجيعة

[البعير المغوار]

ايه البلاستك مع جونا ماينفع، يذوب شوي مع الحرارة الشديدة وتطلع ريحة الكيماوي الله يعزكم،

حط ياقماش او تكييس مؤقت.

[هبــ حريملاااء ـبوب]

ابعد عن البلاستيك لا تحوس الموتر والكهرب ولا تفك ولا تربط

من تزينها له ؟؟ تمتع ونا اخوك باللي دفعت فيها >>> ولا تحفظها للشريطي ؟!!

ما هي فارقه لبست ولا ما لبست في البيع ..

والبلاستيك بيتغير لونه مثل ما قالوا الاخوان ومهما سويت بيدخل الغبار بينه وبين الفرشه وبيشهب

وان كان على النظافه لا منك رحت المغسله اي شي عندك سفنجه وفيري على الخفيف ويطلع جديد

الله يوفقنا واياك