دعامة مثل دعامة الدوريات

[ص ح ل2009]

بسم الله الرحمن الرحيم

السلام عليكم ورحمة الله وبركاته

اخوني هل الدعامة الى مثل دعامة سيارات الحكومه ممنوع تركبها على سيارتك الخاصه وشكرا لكم
علما اني مركبها على سيارتي وركبتها في حائل يوم الخميس العصر وبعد العشاء على الدايري حق حائل وجت نقطة تفتيش وقال العسكري ترا الدعامة الي انت مركبها فيها حجز السياره احسلك فكها مشية صباح يوم الجمعة من حائل الي المدينة المنوره ومريت على مراكز ونقاط تفتيش ومافية احد منهم قالي شي على الدعامه
هل كلام عسكري حائل صحيصح علما اني شايفها على سيارات كثيرة في حايل وخارج حائل ويفصلونها في الورش
وفق الله الجميع وشكرا

[راعي المقرات]

مدري @@@@@@@@

[فوجي 2012]

هذا يتفلسف عليك وانا اخوك غريبه يعني ماتعرف عسكر حايل وعباطتهم !
الا اقول اخوي وين مركبها وكم كلفت عليك لو سمحت:D

[رفيع المقآم]

والله اللي اعرف انها ممنوعة

اذا استجد شي مدري

[كاشت وحداني]

الاكيد انها ممنوعه لكن اكثر العسكر يتغاضون عن امور كثيره
لكن لو طحت بمخالفه طلع عليك الاول والتالي

[البيضاني]

غير صحيح أنها ممنوعة وتباع وتركب أمام الناس وبسيارتي 6 سنوات جبت داخل مملكتنا وخارجها لم يعترض لي شخص إلا الفحص الدوري بحجة أنها زيادة بطول السيارة

[ددسن 2008]

وعليكم السلام ورحمة الله وبركاته

حياك الله اخوي .. ما هي ممنوعه لان الفحص الدوري ما يرفضها

ونا مركبها من 4 سنوات ليومك ما صادفت اعتراض لا من مرور ولا تامين

بعدين المرور لا بغاا يعترض المفروض اول ما يبدأ بسيارات الشركات والموسسات

كل باصاتهم حقات النقل والمدارس بها حديد يروع وونيتات العماله والعربيات كلهم مركبين صدامات حديد

كامله من الامام والخلف ..!!

ليه انت يا المواطن الضعيف مناشبينك ؟!

والعسكري اللي تكلم معك مثل ما قالوا الاخوان عبييييييييييييييييط نمره واستماره

[ص ح ل2009]

الله يجزاكم خير ويبيض الله وجيكم جميعا ويرحم الله والدي وولديكم

[.أبوعبدالرحمن]

وعليكم السلام ورحمة الله وبركاته


ألاحظ من أغلب الردود أنه اشتبه عليهم الموضوع


لأنه فيه فرق عند المرور الدعامية العايدية مثل اللي


نشوفها دائما على الجيوب مثل الصورة هذي :


http://www.mekshat.com/pix/upload05/images240/mk36760_222.jpg
http://www.mekshat.com/pix/upload05/images240/mk36760_333.jpg
http://www.mekshat.com/pix/upload05/images240/mk36760_444.jpg
http://www.mekshat.com/pix/upload05/images240/mk36760_666.jpg


أو زي هذي الصورة الدعامية التي لا نراه من الأساس إلا على سيارات


الحكومة ( المرور - الشرطة - الدفاع المدني - إلخ ... )


http://www.mekshat.com/pix/upload05/images240/mk36760_111.jpg


لأنه سبق و رحت لورشة ترش الدعامات ولقيت دعامية نفس حقت الدورية


يرشونها نيكل فلما سألته قال لي صاحب الورشة أن هذا الزبون كان مركبها


على سيارته وقفوه المرور وطلبوا منه يأنه يرشها بأي لون ثاني غير الأسود


أو أنه يفكها ، وأتمنى أن الفكرة وصلت وأن الدعامية اللي زي حقت سيارات الحكومة

ممنوعة وإللي يقول إني مركبها من زمان ولا أحد قال لي شيء فهذا توفيق من ربي

ما طاح في عسكري مطبق النظام بضمير

[الشاحوفة2008]

وين مركبها وكم كلفت عليك لو سمحت
http://www.mekshat.com/pix/upload05/images240/mk36760_111.jpg

[(هزاع)]

المنع فقط على الدعامه الخلفيه
من الناحيه المروريه لانها تحجب العواكس والانوار التحذيريه لاحطيت لها اناره لامشكله قانونيه
اما الاماميه فهي تحجب (ساهر) فهمت مقصدي

[ص ح ل2009]

مثل هذا بضبط الي انا مركب
http://www.mekshat.com/pix/upload05/images240/mk36760_111.jpg
[/QUOTE]

[فواز الشمري 4]

فعلا انا نفس الحكايه
الظاهر المنع بحايل بس

[صلفيق]

عسكر حائل عندهم نظام ثاني

[You Like Me]

مشرفنا ابو عبدالرحمن الصفيان صادق يا جماعة
الممنوعة هي نفس اللي بالصورة على الجيب الربع
وهي خاصة بسيارات الامن العام

اما الانواع الاخرى اللي بالصور ما عليهم منها واغلب العالم مركبينها وماعندهم مشكلة

[صحيح]

انا كنت مركب دعامة عادية قبل نظام ساهر ومع نظام ساهر وقفني المرور وقال لازم تظهر اللوحة او تفك الدعامة عليها غرامة 3000 ريال وحجز السيارة أسبوع المهم فصلت براوز في الدعامة للوحة وبعد فترها فكيتها بعد يقولون تعتبر زيادة في السيارة وفي حال صار حادث تعتبر خارج التأمين بسبب الدعامة
http://www.mekshat.com/pix/upload01/prof021/mk11209_dsc_0404_640x431.jpg

[صحيح]

http://www.mekshat.com/pix/upload05/images238/mk19246_img_2049.jpg

[((ابوملاك))]

يا جماعة الخير لا تقولون شئ من عندكم

العسكري صادق هذي الدعاميه به انتحال شخصيه رجل امن خصوصا لو ركبتها على كامري ولا كورلا ولا فورد غير كذا يتغاضون عنه

والعقوبه ٣٠٠٠ ريال وحجز المركبه الى ان تزال المخالفه

[PAJERO]

ما شاءالله
تبارك الله

[قناص 28 عفيف]

يا جماعة الخير لا تقولون شئ من عندكم

العسكري صادق هذي الدعاميه به انتحال شخصيه رجل امن خصوصا لو ركبتها على كامري ولا كورلا ولا فورد غير كذا يتغاضون عنه

والعقوبه ٣٠٠٠ ريال وحجز المركبه الى ان تزال المخالفه
+1
:good2:

[سهم الجزيرة]

السلام عليكم

اخوي صحيح الله يبارك لك في موترك
السواد ألي مركبه فالوجهيه وش هذا ؟ رشه ولا برقع :D ولا..إلخ

[abo aryam]

يا جماعة الخير لا تقولون شئ من عندكم

العسكري صادق هذي الدعاميه به انتحال شخصيه رجل امن خصوصا لو ركبتها على كامري ولا كورلا ولا فورد غير كذا يتغاضون عنه

والعقوبه 3000 ريال وحجز المركبه الى ان تزال المخالفه

(وش اللي صادق, مع احترامي لك وللعسكري هذا تحليل شخصي مو اكثر) اذا فيه منع لمثل هذه التعليمات لا تحتاج الى تبريرات وتحليلات .قد شفت مرور سري لابس ثوب
خلاص اذا ممنوع لا تركب اذا التأمين يسقط عنك لا تركب اذا ماهمك احد ركب خل اللي رايح واللي جاي يوقفك ويضيع وقتك . تحياتي للجميع ,,,

[صحيح]

+1



صدام تجاري ما رش بوية بس :good2:

[abo.hesham]

اجمل دعامة على اللاند والباث فنيدر

[ss12]

كما تفضل الإخوان قد يكون سبب منعها

لانها تشبه سيارات الدوريات
والآن تقولون ساهر وهذا سبب إضافي

[قرقاص]

اذا ركبتها يروح عليك التأمين اذا صدمت احد لا قدرالله
يعني بالعربي مشاكلها اكثر من فايدتها
وانت بكيفك

[أكمل الفراغ]

يا جماعة وين يبعون هاذي الدعاميه

[الصحافة 15]

في النظام ممنوع تركيب دعامة مشابه لدعامة الدوريات وأنا شايفهم بالغرابي بالرياض محملين سيارة بسطحة بحجة تركيب دعامة وعليها مخالفة

[س.س.التميمي]

ركب الامور طيبه

[السناعيس .f16]

وعليكم السلام ورحمة الله وبركاته

اخوى ابي اقولك قاعده

سواء ممنوع او غير ممنوع
تعدمد
على

1....نفسية راعي الدوريه
2...شخصية اسواق واسلوبه
.................................................. ...........