الى متى ياراعين الحلال جهل بالموتر هوم ومواصفاته .

[ابو البر]

هل كل من عنده ابل وعنده خير لازم يكون عنده تريله تسحب 12 متر حديد عشان يلاحق حلاله وبمية الف او ميتين او اكثر .
طيب يقدر يسحب عشرين متر بجمس دبل .
بس المواصفات تكون المنيوم مو حديد.


هو ناقص عندنا الواح المنيوم
يعني مستسلمين لهالعماله يفرضون مكينة اللحام بالحديد الثقيل
يعني مستسلمين لراعي المنيوم يفصل مطبخ دبخ دباخه على مطبخ متنقل.


انا قلت هالكلام لني اشوف الكرفانات الآمريكيه والآوربيه فيها خفة وزن يسحبها اي سياره مهما كبرت

ليش ما يكون عندنا مصنع يستغني عن الآفكار الهنديه والبنقاليه والشرق الآقصى.


حنا ما طلبنا مواصفات راقيه .

حنا ناظرنا براس التريله وبس .

[راعي سهوه]

الحمد لله لاتقول شي ماجربته

[كم كيلو باقي]

والله مالي خبرة بالكرفانات أبدا أبدا

لكن تتوقع اللألمنيوم يصبر على جور ربعنا خصوصا انهم يستعملونها لسنوات طويلة؟

[ابونجم 1]

1- الألمنيوم اغلى وهذا اهم شي
2- الألمنيوم خفيف مثل ماتفضلت لذلك مايصلح لأنه ادنى هوا بيقلبها على جنبه
3- الأجانب مايطامرون بالكرفانات في البران اللي فيها حفور وجفور في الغالب على ازفلت لذلك تعمر معهم .’ وحنا تضاريس ديرتنا تحتاج شي متين وقوي
هذا حسب وجهت نظري والله اعلم

[ابو البر]

الحمد لله لاتقول شي ماجربته
هلا بك يا راعي سهوه

الحمد لله على كل حال طال عمرك

وانا اكلمك من واقع خبره ومعرفه .

وحياك ربي .

[ابو البر]

والله مالي خبرة بالكرفانات أبدا أبدا

لكن تتوقع اللألمنيوم يصبر على جور ربعنا خصوصا انهم يستعملونها لسنوات طويلة؟
حياك الله يا (كم كيلو )

الآلمنيوم يصبر على ربعنا وليه وش فيهم ربعنا .
خفيف الوزن وقوي والدليل انه يستخدم في البيوت وفي المصانع .

والقصد طال عمرك انه بالآمكان تصنيع غرفه مثلا طولها 20 متر خفيف الوزن ومفصله من الداخل حسب المواصفات الآوروبيه وتصير خفيفه في التنقل ويسحبها سياره دبل عاديه مثل ماهو حاصل الآن في تلك الدول .....وسعرها ومواصفاتها معقوله ولعلمك فيه ناس يعتبرونها سكن خاص متنقل لسنوات طويله .

حياك ربي .

[ابو البر]

1- الألمنيوم اغلى وهذا اهم شي
2- الألمنيوم خفيف مثل ماتفضلت لذلك مايصلح لأنه ادنى هوا بيقلبها على جنبه
3- الأجانب مايطامرون بالكرفانات في البران اللي فيها حفور وجفور في الغالب على ازفلت لذلك تعمر معهم .’ وحنا تضاريس ديرتنا تحتاج شي متين وقوي
هذا حسب وجهت نظري والله اعلم
حياك الله ابو نجم
صحيح الآلمنيوم اغلى بس ما يكلفك راس تريله تسحب اطنان من الحديد وعلى ايش على غرفه طولها عشرين او ثلاثين متر .
وبالنسبه لتضاريس ديرتنا فهاذا النوع من التصنيع يعتمد على قوة شاص الغرفه والباقي يتحمل اي شي يجيه ....ولعلمك اللي بيصير للحديد بيصير لغيره ....والقصد من الموضوع هو اختصار تكاليف التنقل من راس تريله ومن ثقل التنقل الى شي عملي وخفيف واقل تكلفه .

والشي الآخير الدول اللي تستخدم الغرف المصنعه بمواصفات اوروبيه عندها عواصف وعوامل جويه اصعب من اللي عندنا .


تحياتي لمرورك يا غالي .

[العنابي 616]

و الله ان كلامك صحيح

الألمنيوم أفضل بمراحل و لكن المشكلة هنا إن اللي يصنعون هذا الشي عماله أجنبية ما يهتمون بالإبداع و التطوير أبدا
و المشكلة الثانية إن الناس ما يقتنعون إلا بالشي المجرب

[ابو البر]

و الله ان كلامك صحيح

الألمنيوم أفضل بمراحل و لكن المشكلة هنا إن اللي يصنعون هذا الشي عماله أجنبية ما يهتمون بالإبداع و التطوير أبدا
و المشكلة الثانية إن الناس ما يقتنعون إلا بالشي المجرب
هلا بك اخوي العنابي

العماله
امرها سهل اذا وجد من يوجههم ويوفر لهم المواصفات العالميه .
وبالنسبه لقولتك طال عمرك ان الناس ما تقتنع الا بالشي المجرب فهاذي البيوت المتنقله مجربه في كل دول العالم .

ومعروف ان العواصف عندهم اكثر واقوى من عندنا .


ياليت فيه على الآقل من يقوم بعمل ورشة خاصة بصيانة الكرفانات الأوربيه والآمريكيه والله ياهو بيحصل خير .
لآن تصدق ما فيه صيانة لها على الآقل لو بيستورد الواحد منها يتعب على صيانتها .


شاكر ومقدر لك المشاركه .

[قطب 999]

الموتر هوم للاستخدام العائلي العادي اما عندنا فهو استخدام شاق في البران ما تنفع الا الحديد وبعضها تعمل من شاص لوري كد ومد ويسحبها وايت الماء كما يحمل اغراض في حالة الترحال لو حملت الهوم خفس محله

[ابو البر]

الموتر هوم للاستخدام العائلي العادي اما عندنا فهو استخدام شاق في البران ما تنفع الا الحديد وبعضها تعمل من شاص لوري كد ومد ويسحبها وايت الماء كما يحمل اغراض في حالة الترحال لو حملت الهوم خفس محله
يا هلا بك يا قطب بس اسمح لي نقرب الفكره طال عمرك وترا الموضوع كله من اساسه هو نقاش وحوار فقط بين اعضاء مكشات .

وايت الماء في ظل هالظروف الصحراويه الحاره مهم جدا وممكن استخدام وايت الماء لحمل اغراض البر (((مدري وش هالآغراض ))) ولاكن يا اخي استخدام راس تريله لسحب 20 متر(كم طن حديد) تراها مكلفه وانا قصدت بالموضوع هو اختصار التكاليف بما يعادل ربع مليون ريال ممثله في راس تريله وخلافه ......حتى لو راعي الحلال مليونير لازم يشغل مخه شوي .

بالنسبه لقولتك كد ومد فما أدري هل ا نا قصدة ان دخول غرفة (الموتر هوم ) لصاحب حلال محتاج للراحه بشكل متطور تتعارض مع سحبها بالوايت .....لنفرض ان الموتر هوم استخدام عايلي ....يعني اللي بيستخدمها راعي الحلال بتكون استخدام حربي مثلا او ان قصدك انها ما تتحمل البران والطعوس.


طيب يا اخي هل انت جربت او غيرك جرب .
صدقني في قمة الجو الحار تلاقي هالكرفانات المصنوعه محليا حاره وملتهبه اما الكرفانات اللي قصدت تلاقيها معزوله صح ولا يجيها الحراره مثل هالحديد اللي انا قصدته.

تحياتي لك ولردك .

[ابو البر]

يالموضوع ينحذف او يغلق من قبل ادارتنا الموقره
او لازم يجي هنا المقتنع من تريلات صناعه بنقلادش.

[PAJERO]

ماشاء الله تبارك الله

[عبدالرحمن الحربي]

كلامك سليم 100٪ ولابد ان يعرف من يعارض كلامك ويقول لك ان الالمنيوم ما يتحمل المطامر في البر

كلامه غير صحيح بدليل أن الطائرة اللي اشد مطامر من تسحيب القلص في البر أغلب أجزاءها المعدنية
تصنع من الألمنيوم والباقي من التيتانيوم والحديد في اماكن الحمل و الظغط فقط
في منطقة ربط الجناح بالبدن ونظام العجلات للهبوط فقط
وزن الألمنيوم هو الأخف ثم التيتانيوم ثم الحديد
فلا يوجد ما يمنع ان تحور الفكرة للواقع

[Light of live]

http://www.qzal.net/01/2012-01/13259020593.jpg


بصرآحه .. إبدآع ..

أشتر جمس سييرا حوض زد 71 اللي تجي مكينته كبيره وركب قاعدته ورآ ..

وأدعس ..

[صياد الجبل]

تقصد المكينه 3500

[راعي العمانيه]

السلام عليكم ورحمة الله وبركاته
كلامك فيه شي كثير من الصحه ولاكن عندي بعض النقاط وانا اخوك
اولا الحديد يمكن تشكيله بسهوله بعكس الالمنيوم صعب تشكيله طبعا الغرف اللي تفصل في السوق المحلي تفصل من الشينكو الخفييف من برى ومبطنه بعازل ومن ثم خشب نحن ماا نقدر نستغني من الحديد في مراحل مثل شاسي الغرفه والاكسل وزي ماتفضلتو في امريكا المواتر الفور وييل تسحب بورتبل كبير طبعا بسهوله فا هنا انا عندي سؤال هل البيت هوم اللي عندهم شاسيها المنيوم ؟؟؟ والاجابه طبعا لا مثل ما نعرف بس السر يكمن في استخدام الامريكان كله في الخطوط المزفلته وحتى كفراتها تشوفها صغااار اما الغرف اللي عندنا طبعا تستخدم في الصحراء والصحراء بطبيعتها غير مستويه مثل الخطوط السريعه فا هاذا اللي يخلي اصحاب الحلال تاخذ مواتر كبار تريحهم في سحب الغرف ولا الغرف اللي عندنا عادي تسحب على الخطوط السريعه بموتر فور وويل .
ارجوا اني شاركت بفاءده لكم والسموحه هاذي مجرد وجهة نظر وانتو طرحتو الموضوع للنقاش
تقبلو تحياتي