يرجال الي له خبره في الكفرات والجنوط يدخل و يحل المشكله

[عبدالرحمن....]

السلام عليكم ورحمه الله وبركاته .. يا اخوان انا شريت هيلكس دبل كفره الوكاله 205.16 ما ينفع في التطعيس و يناقز في المطب و مو مريح في الطريق لاكن يا اخوان مدري وش اركب احسن نوع كفر في الهيلكس ينفع في التطعيس و مريح لطريق ....؟انا افكر في كفر البوالين ولا ادري ولا جربته لا في التطعيس ولا الطريق ابي رايكم شوركم و افضل جنوط افضل مقاس للبولين كم ولا يحك الرفرف ؟؟؟؟؟؟؟

[خبايا انسان]

ركب جنوط جيتي والكفرات اختر النوع المناسب ,, او مثلا كفرات دومينتور << الجيتي مناسبه للتطعيس وكذا مره شفتها على هايلكس دبل

[عبدالرحمن....]

ازين نوع كفر كم مقاسه و نوعيته؟

[التعـ King ـديل]

بالون 825 او 850

او هنكوك

[hassan611]

هانكوووووووووووووووووك ولا تغير جنوط

[ابو البر]

انت عندك فلوس زايده وتبي تشغل نفسك وتخسر

شف اخوي

اي كفر ينفع للتطعيس ...نسمه على ضغط عشرة وناقز مثل ما تبي

وخل الربع يقولون اللي عندهم ثم تتذكر كلامي بعدين.

سلام.

[كبسولة2]

البالون يسوي رجه مهما سويت

الدنلوب ممتاز للرمل ومريح للخط

[ابو فهد...]

ركب جنوط وكفرات عراض

[ALMoooBD3]

شووف يالغالي أذا انت تبي جنوط وكفرات للبر ومريحة بالطريق
ركب جنوط جي تي 8 انش او اي جنط 16 8 أنش
والكفرات مقاس 255/75/16 وافضل الكفرات للبر والراحة الهانكوك

وتبي تدعيلي

[نجم الليل1]

عليك بالهانكوك عريض 265 او 255 من تجربه على ثلاث سيارات ونسم الكفرات على عشرة
وخل معك ماطور هواء عشان تعبي
انا كدن معي ثلاث سنين تطعيس وسفر بس خذ من الوكاله واشرط عليهم انه اخر مانزل عندهم
وسعر بالسوق اول ثم رح للوكاله وحجهم ولو زوودو عليك عشرة ريال ماهي مشكله لانه جديد وليس مخزن
وناقز على كيفك