****(( نقطة نقاش في سوم الطيور))****

[(هزاع)]

السلام عليكم ورحمة الله وبركاته
تحيه طيبه للاداره والمشرفين والاعضاء
مثال احد الاخوه الاعضاء عارض طير للبيع
ونسام من عضو أخر بمبلغ ( 9000 )
ورد صاحب الطير( سومة طيبه واطلب من الله )(الزود)
لاكن الطير ماجاب السعر اللي في الخاطر
والسوام انتضر ثم اشترى طير اخر بفلوسه اللي معه
هل/ راعي الطير يلزم اللي سام ب ( 9000) بالسومه
هل/ هل يجب ان يحدد السوام سومته باجل (مثل يوم اويومين )
مع اخذ بالحسبان ان السوام ماعنده الا ذالمبلغ وشرى طير اخر او انه مايبي الا طير واحد فقط
موضوع اطرحه للنقاش الجاد امل من الله ان يستفيد منه المسلمين
((ولاتنسونا من الدعاء لي ولوالدي))
اخوكم ابو مشعل

[ذراع الذيب]

وعليكم السلام ورحمة الله وبركاته,,
صبحت بالخير اخوي(هزاع)..


لاهنت على هالموضوع الطيب والله يجزاك خير يالنشمي








هل/ راعي الطير يلزم اللي سام ب ( 9000) بالسومه







مادام انه ماوافق على السومه لايحق له ان يلزم السوام سومته بعد رفضها..





هل/ هل يجب ان يحدد السوام سومته باجل(يوم او يومين




لايجب على السوام ان يحدد فترة بقاء سومته بالمنتدى بفتره معينه..
ولاكن يجب على عارض السلعه ان لايتأخر بالرد على السوام اكثر من 12 ساعه..
ولضروف احكامها ولاهنت ياهزاع والله يوفقك ويوفق والديك ويوفق من يقرى امين يارب وبأنتظار اراء الاخوه الاعضاء

[ابوالفضل]

البيعان بالخيار مالم يتفرقا

[ابو بدر444]

مسيكم بالخير جميعا

انا برايي اذا قال البائع نطلب من الله الزود معناها انه ماقبل بسومه الرجال
فـ رايي ان البايع مايلزم السوام بالسومه لانه ردها

الا اذا قاله اذا سام احد فوق سومتك خلال فتره ( ...) ولا برجعلك او مبروك عليك الطير
السوام رجال يدور ومهب مربوط بالسلعه الي راعيها مارد عليه بقبول السومه

ولا اذا على كذا وش نقول عن الي يعرض طير ويجلس فوق السبوعين مايرد
السوام بيقعد يلاحق الرجال لين يرد عليه !!

اظنها صعبه شوي

وانا ضد الي يسوم ويحدد فتره لسومته .. السومه مربوطه بموافقه صاحب السلعه من عدمها اذا كان صاحب العرض متابع باستمرار


ومشكور اخوي ابو مشعل على الموضوع

[قرناس الوحش2011]

هل/ راعي الطير يلزم اللي سام ب ( 9000) بالسومه
مايلزم الي سام الا اذا شرطه بوقت مثل ماقال اخوي ابو بدر
هل/ هل يجب ان يحدد السوام سومته باجل (مثل يوم اويومين )
اما بنسبة لتحديد السومة بوقت فأنا ضده اي بمعنى اما بعتنا بسومتي ولا لاغية فهذا غير صحيح وحنا تقدر تقول بزي المزاد كلن يسوم والصامل يزود
وشاكر لك يابو مشعل على أثارة مثل هالمواضيع وإلى الأمام

[أهم 1]

انا برايي اذا قال البائع نطلب من الله الزود معناها انه ماقبل بسومه الرجال
فـ رايي ان البايع مايلزم السوام بالسومه لانه ردها



ولا اذا على كذا وش نقول عن الي يعرض طير ويجلس فوق السبوعين مايرد
السوام بيقعد يلاحق الرجال لين يرد عليه !!








:good2::good2::good2::good2::good2:

[رعد المطر]

اولا اسأل الله التوفيق لك ولوالديك ووالدينا والمسلمين جميعا
اوافق الراى اخي ذراع ولايهونون الاخوان وشاكر لك طرح الموضوع

[استاذ]

البيعان بالخيارمالم يفترقا
هذا يبغالها مفتي
هل بالنت والناس مايشوفون بعضهم هذا حديث شريف مانخوض به من غير عرف
اما اذا قال البايع اطلب من الله الزود
اذن ماوافق البايع على السوم وللسوام الحق في ان يزيد او يدور غيره
وراعي الطير يجب ان لايهمل العرض بالرد على السوامه مايعرض سلعته ويهملها
الشاري ماهو حاجز فلوسه بنتضار ها الطير اللي خلقه خلق غيره سبحان الخالق
والسوم ذمه والسماحه طيبه والتشدد بالسلعه مذمومه والمسلم سمح اذا باع سمح اذا اشترى

[ربع خالي]

وعليك السلام ورحمة الله وبركاته

دائماً مبدع في ماتطرحه من مواضيع يابو مشعل

ورد الاعضاء جزاهم الله خير كافي ووافي
من سام له سلعه وطلب صاحب السلعه الزود ! فالسايم برئ الذمه من سومته ولاتلحقه .
أما تحديد مدة السومه من السايم ! فهذي من مصلحه صاحب السلعه ، حتى إن كانت السومه عاجبته وفي نفس الوقت يطلب من الله الزود ، لا يتأخر بتعليق سلعته في انتظار الزود ، ويرجع لصاحب السومه قبل انتهاء المده ويباركله بالمشترا .
هذا رأي الشخصي
تقبل مروري
اخوك ابو سيف

[مربي الصقور]

وعليكم السلام ورحمة الله وبركاته,,

صبحت بالخير اخوي(هزاع)..


لاهنت على هالموضوع الطيب والله يجزاك خير يالنشمي










مادام انه ماوافق على السومه لايحق له ان يلزم السوام سومته بعد رفضها..





لايجب على السوام ان يحدد فترة بقاء سومته بالمنتدى بفتره معينه..
ولاكن يجب على عارض السلعه ان لايتأخر بالرد على السوام اكثر من 12 ساعه..

ولضروف احكامها ولاهنت ياهزاع والله يوفقك ويوفق والديك ويوفق من يقرى امين يارب وبأنتظار اراء الاخوه الاعضاء




:good2::good2::good2:

[عبدالله السليمي]

لا يلزم صاحب السوم بسومته
كون صاحب الطير لم يوافق على السوم وطلب الزود
لاهنت أخوي هزاع
دمت بحفظ الله

[صقار بلا طير]

ونسام من عضو أخر بمبلغ ( 9000 )
ورد صاحب الطير( سومة طيبه واطلب من الله )(الزود)

يعلم الله اني احبك في الله يابو مشعل
بس موضوعك جاوبه فيه
سام الرجال وراعي الطير طلب من الله الزود انتهت السومه يعني يبي اكثر
الله يوفقك

[(هزاع)]

السلام عليكم ورحمة الله وبركاته
تحيه طيبه لاخواني في هذه المعموره
كان لموضوعي الشرف بمداخلاتكم ومناقشة الموضوع
انا رجل مثل غيري كثر اترزق الله في مجالات عده منها بيع الصقور (على قدي)
واشاهد عروض للبيع واشاهد سوم بخس وايظن سوم مرتفع جدا وغير جاد واشاهد متشددين يفتقرون لسماحة البيع واشاهد من يعرض طيره ويقنص ويهمل السوم
(ومن هذا المنطلق طرحت سؤالي)
ديننا الحنيف حث على السماحه بالبيع وعدم بخس السلع وعدم النجش بالسوم وعدم التطفيف وابداء عيوب السلعه بكل صراحه وشفافيه ايظن متابعت السوم من قبل البايع
والطيور موسميه تختلف عن باقي السلع والانعام
وكل وقت وله اذان
اول الوقت ليس كاخره ويجب على البايع والمشتري اخذ هذا بالحسبان وعدم التشدد من قبل البايع
وعلى المشتري ايظن حساب فحص الطير وقيمة الربط وربط المال 5 اشهر ويزيده على قيمة الطير
كل شي بحسبان
هذا مااردته من طرح ونقاش
يجب ان تكون هناك صراحه بالعرض
يجب متابعة سلعتك المعروضه
يجب ان لاتتشدد وان تكون هناك سماحه
يجب ان ننبذ النجش
يجب ان لانبخس سلع المسلمين
يجب ان لا نشكك في ذمة اخونا المسلم
يجب ان نبتعد عن المناقشه العقيمه المثيره وترك عارض السلعه ان يترزق في سلعته
((والله اني اعرف نفسي لست بأفهم منكم ولاأعقل منكم ولست بافقه منكم)
(ولاكنها النصيحه ولاشيء غيرها)
اخوكم ابومشعل

[alaaly]

((والله اني اعرف نفسي لست بأفهم منكم ولاأعقل منكم ولست بافقه منكم)
(ولاكنها النصيحه ولاشيء غيرها)
صباح الخير بومشعل , الله يوفقك دنيا واّخره , انا واحد متابع للمنتدى منذ فتره والحمد لله انه في ناس من امثالك ولا يهنون باقي الاعضاء , والمواضيع المطروحه منك دائماً تحرك المياه الراكده وتصيب كبد الحقيقه


وشكرا لجميع من شارك في ابراز ثقافة الحوار و الطرح

[النداوي HZ2AF]

جزاك الله خير أخي أبو مشعل وبارك فيك
من الناحية الأدبية وأيضا الشرعية لا يجوز أن يسوم الشخص سلعة وهو
غير راغب في الشراء ومثل ما ذكرت أنت قد يدخل في النجش المحرم

ولكن هل يلزم بالشراء أو هل ينعقد البيع عبر النت مثل هذه الأمور أعتقد
أنه يجب الرجوع فيها لأهل العلم


وجزاك الله خير على التنبه

[الرقعي]

كلام اخوي صقار عين الصواب

[BO-SALEM]

السلام عليكم
ويعطيك العافيه اخوي ابو مشعل على طرح هذا الموضوع القييم

والله انا من الناس اللي اشاهد ردود غريبه عجيبه واشخاص اعجب
واحد يعرض طيره ويهمل موضوعه اكثر من ثلاث ايام والناس ماهي مجبوره تنتظر ردك عليها
والسوام يبون طيور يشرونها وفلوسهم على قدهم بتقولي انتظر راعي الطير دامك سمت طيره
بقولك الطيور تطير برزاقها دامك ياراعي الطير مارديت على بمده اقصاها يوميين فأنا يالسوام ماتلزمني بطيرك
وحنا في منتدى مشاءالله كل يوم ينعرض 3 إلى 6 طيور اما انك تباشر موضوعك والرجال اللي تسوم
ولا انك تقفل الموضوع وتفكنا من انتظارك وهالايام ماعتقد انها صعبه الواحد يدخل النت ويرد على الناس
الانترنت صار بالمخبا وبأي وقت تقدر تدخل وتشوف ماهو عذر انك قانص او ماتقدر تفتح اللاب توب

وثاني شي موضوع بخس السلعه
يعني واحد عرض طيره وسامه واحد بـ 1500 قالو انت بخست سلعته
لو نلاحظ قلنا سامه ماقلنا هذا سعر طيرك وهنا يفرق بين السوم وبين الجزم بسعر الطير
ماعتقد انه في بخس بالسلعه وانا كثير ما اشوف المواضيع والردود

اخيرا لي طلب من المشرفين اي موضوع عرض طير ويتأخر راعي الطير على السوامه لمده اقصاها 3 ايام ينحذف موضوعه

ولكم الشكر

[طارح الحبارى]

السلام عليكم ورحمة الله وبركاتة


مساكم الله بالخير جميعا

اما بالنسبة للموضوع في الاصل للبيع والشراء طلق النية اي تعطية نية البيع في هذة الحالة اذا خل احد
من الطرفين يلزمة الشرع في البيع اوالشراء
اما في الحال الثاني اذا سام شخص سلعة ولم تعطية نية البيع في لحظة السوم او المزاد وقال نطلب من الله الزود فهو لم يطلق نية البيع ولاتلزمة في شي ابدا من ناحية السومة التي اطلقها .
نفترض انني سمت الطير ولم اطلق نية البيع ثم حصلت طير اخر وسمته وباعني الشخص الثاني وانا شريت وبعد ساعة دقيت علي وتقول انا بعتك في هذة الحاله الامر يرجع لي اذا ابي الطير اخذة لاكن لايلزمني في الشراء .
بعض الاشخاص يسوم وتقولة نطلب من الله الزود ويقول
انا نفسي في الطير والسومة الي يوقف عليها الطير انا ازود عليها تكفى الطير لايروح في الطبع نفترض الطير جاب السعر الي تبي لاكن قلت للي سام نطلب من الزود لان في شخص يقول تكفى ابي الطير واذا دقيت علية وقلت الطير وصل المبلغ الفلاني وقال خلاص ماعاد ابي الطير .يعني الطير في هذة الحالة حرمك البيع وذا عرضتة ثاني مرة ما اتوقع يجيب المبلغ ويجي ثاني مرة ويسوم الطير مبلغ يكسر فية الطير لانه عارف ضيع علي البيعة الاولى ويبي ياخذة باقل سعر وهو مو حق الطير .(اسفين على الاطالة) اخوكم ابو عبدالملك

[ابو بدر444]

بعض الاشخاص يسوم وتقولة نطلب من الله الزود ويقول


انا نفسي في الطير والسومة الي يوقف عليها الطير انا ازود عليها تكفى الطير لايروح في الطبع نفترض الطير جاب السعر الي تبي لاكن قلت للي سام نطلب من الزود





صدقت اخوي ابو عبدالملك

بس لو انك قلت للي سامه اخر سومه فيه رجال بيشوف الطير او رجال يبي الطير وبشوف اذا مارد علي تراه لك او ان الطير من نصيبك فهذا بيرضيك ولا بيضيع عليك البيعه وبنفس المقت تعطي السوام انك موافق على سومته في حال انسحاب الطرف الثالث



مع اني ضد ان يكون فيه طرف ثالث في البيعه .. اذا الرجال ملزم على شراء الطير خلاص حده له بخراجك اذا رضى ولا بين البايع والشاري يفتح الله