جيب جديد راح ينافس الباترول واللاند والتاهو Z71

[- النشمي -]

بسم الله الرحمن الرحيم


اخواني اعضاء مكشات السلام عليكم ورحمة الله وبركاته ومساكم الله بالخير جميعا



لفت نظري هالايام منافسة الشركات الصينيه لجميع وكالات السيارات

وكنت اتمنى وجود سيارات دفع رباعي وبالفعل لقيت هالجيب واسمه شيري اكس فايف x5

بصراحه شكله جدا جميل وفيه دبل ثقيل يعني موتر بر وعائله وسفر

واتوقع سعره من 60 الى 70 الف :good2:


واليكم الصور :good:

http://www.roverguide.com/wp-content/uploads/2012/02/chery-rely-x5-590x400.jpg

http://kitaiskieavtomobili.ru/wp-content/uploads/2010/02/chery-x5.jpg

http://www.chinacartimes.com/wp-content/reelyX5_a.jpg

http://www.blogcdn.com/cn.autoblog.com/media/2009/04/autoblog_cn_img_7847.jpg

وهذي صوره له في رالي دكار

http://autonews.gasgoo.com/resource/editor/Chery%20Dakar.jpg

اما الصوره هذي خقق :D
http://automobileonly.com/wp-content/uploads/2011/04/RELY-X5.jpg


سبحان الله الزمن يدور بدا بمنافسة الياباني للاوروبي والامريكي ثم اتى الكوري

والان عهد الصيني واتوقع له ازاحة الياباني والكوري عن عرش السيارات الاسيويه



اتمنى يكون لهالشركه وكيل عندنا في السعوديه وذلك لتزداد المنافسه وتتسع الخيارات امام المستهلك


تحياتي للجميع

[مكشات ابو]

اخوي هل هذي تابعه لشركة جيلي
وهل هي موجودة السيارة بالسعودية

[عاشق مطر]

والله ماتوقع ينافس الباترول
وجزاك الله خير

[- النشمي -]

اخوي هل هذي تابعه لشركة جيلي
وهل هي موجودة السيارة بالسعودية

لا هذا الجيب تابع لشركة شيري اللي تنتج الجيوب

وفيه جيب ثاني هذا شكله بس اصغر من الجيب المذكور بالموضوع

هذي صور له

http://www.chinacartimes.com/wp-content/tiggo3.jpg

http://prescottacf.org/img/Chery/chery003.jpg

[جزاء الشمري]

يبقى اللاند لاند ....... ياحبي له بس .

[- النشمي -]

والله ماتوقع ينافس الباترول
وجزاك الله خير


قلناها قبل على السوناتا ماراح تنافس الكامري :D

والحين السوناتا متفوقه على الكامري ومحققه مبيعات عاليه جدا في العالم

[الوفى طبعي]

هههههههههههههههههههاي

ينافس الموتر المذكوره اجل

ابشرك التوسانا طالع من كم سنه ولا نافس السيارات اليابانيه

[أبو ملاك ك]

ما ظنيت انه بينافس الباترول واللاند

[ابونبيل]

يارجال مصدق انت هالجيوب

لاشكل ولا سمعه ولا وكيل يبيض الوجه

[تميم2222]

قسم بالله عليه شكل يحوم السبد ياخي الصين خابور يمشي مليون بكره وانت وسط الصمان يتعطل همن نروح طعام جحوش ما فيه مثل الياباني ياباني اسم ووكاله يعني شد بلد من طوكيوو ....يابعدي وكل شي ... معقووووول .. واذا اثبت نفسه ..فعلا فاظن هذا شي ..جيد ...يعطك العافيه ^_^

[التعـ King ـديل]

صحيح انه ماراح ينافس الباترول واللاند ولكن راح يكون له عشاق من فئه معينه

وكيل شيري بطريق خريص قبل اشاره النمله على اليمين بعد مخرج معارض النسيم وانت متجه شرق

[التمسساح]

الله هما لا شماته

[عبدالعزيز بن احمد]

هذا ما انافسه مع ددسن كربريتر بعد

والسوناتا ما حققت مبيعات وتكفيك الداخليه المصنوعه باردى انواع البلاستيك
انت اسمعةالصوت اذا صكيت الباب يطلع صوت تنكه
معليش
تويوتا و نيسان
ما مثلهم وبس

[PAJERO]

الله يرزق الجميع من واسع فضلة
شكلها جميل

[ماجد الشمال 1]

لا لا لا لا لا
مابسمحلك مابسمحلك

[المميـز]

:

شركات منافسه رائعه ولها مستقبل ان شاء الله

ولكن لو يحسنون من مظهر السيارة شوي !

تحس طرازاتهم المختاره قديمه

يعطيك العافيه على الموضوع الحلو

وننتظر تفاصيل اكثر عن المحرك

:

[مقلع الرمث]

يارجال هذا ماينافس ولا سيكل هههههههههههههههههههههههه

[سعد العامري]

الربع الخالي والطعوس ماراح يجي مثل الفتك واذا وصل الربع بعد بتصير علوووووم

[البعير المغوار]

تقليد انفينيتي فاضح،

لم تعجبني.

[مسير عليهم]

صعبه منافسه الباترول وطقته

هذا فئه واللي تقول عنهم فئه

ممكن ينافس الفورتشنر والاكس تيرا والاكاديا من جي ام سي

[Abo gssar]

راح يكون له منافسة في حال اثبت جدارته وكانت اسعاره رخيصة بس اعتقد ماهو على مستوى الباترول والاند ولكن على مستوى الراف فور والتيروس والباجيرو ومن هذي الطقة ...

[Salamah.y]

طلع قبله جيوب هونداي و ايسوزو و مبتسوبيشي و فورد
و ما تأثرت مبيعات اللاند و الباترول , ولا صار فيه اي منافسه تذكر !!

,

ممكن لو انباع بـ 20 ألف كـ بدايه
و صار جيد و وكيله ممتاز و قطع غياره رخيص
يكون له قاعدة مستخدمين تكبر مع الوقت !!

اما يشتريه الواحد و يتوهق ما يحصل قطع غيار
فـ هذا بيدمر سووقه , ولا ينافس حتى التاتا !!

[waleed.m.f]

يارجال هذا ما تطلع به للثمامه شكله نكته