الربع الخالي

[الملز القديم]

السلام عليكم ...ورحمة الله ...وبركاته ...الربع الخالي وبلدة الخرخير ... هل تنصحون الذهاب هناك وهل يوجد فياض ... بصراحه الصمان اول ياسلام ...أما الحين كأنك بالثمامه ... لانضافه ولاربيع و الفياض المربعه ماتخلى من التفحيط وبقايا الكشاته وغير وغير... وياقلب لاتحزن ...!!!... فهل أحد زار الخرخير او نفود الربع الخالي......والسلام عليكم

[عاشق نجد]

الربع الخالي نفود ما فيه فياض ، وهالوقت ما يراح له أبد .

في عز الشتاء في المملكة يكون جو الربع الخالي حار في النهار ، فما بالك بالايام هذي يوم بدا الحر .

الروحة له خطرة ، وما ينصح بالذهاب لأقل من 4 سيارات مجهزة .

للربيع خلك قريب .

موفق .

[أبوعابد 22]

ازبن في الدهنا انا كاشت فيه داخل حوالي 80 كيلو فارق من عند عرق الكناسيه يمين
قاعد اربع ايام ماشفت مخلوق
وان كان على الرمله لاتروح الى مع ناس عارفينها
ووقته في عز الشتاء

[هبوب الشمااال]

الربع الخالي اكثر الناس يروحون لمه بالمربعانيه بس وغيره يكون الجو حاار والسوافي تلعبك لعب

[الملز القديم]

عاشق نجد ... ابوعابد22 ... هبوب الشمال ... اشكركم على تجاوبكم ........... ... ومالنا إلا الدهنا ونبي :f نزبن:f الاسبوع هاذا والله يسهل لنا ولكم وكل مسلم...