المساعد الشخصي الرقمي

مشاهدة النسخة كاملة : جيب هدد 2005 خليجي بريمي مشكلة فنية حيرتني


ابو عاذر
21/04/2006, 06:09 PM
جيب خليجي 2005 بريمي فيه مشكة فنية حيرتني وتلك المشكلة تتضمن أنه عند تعشيق الدبل ومن ثم التحرك بلف الطارة تسمع صوت طق طقة علماً بأني مرت وكالة عبد اللطيف والبازعي بالرياض وقالوا السيارة سليمة وهذا أمر عادي في الجيوب التالية
السؤال هل من أفادة منكم أعضاء المنتدى الاعزاء حيال تللك المشكلة وهل حدثت معكم وهل هي ثابتة في الجيوب التالية وأن كان لا فما الحل وشكراااااااااااا جزززززززززززززززيلاً:confused:
القصيم-الرس
21/04/2006, 06:40 PM
أخوي هذا شيء عاد بالجيوب
وبذا الجيوب الجديده
ولا تخاف إن شاء الله ما فيه مشكله
ابو عاذر
21/04/2006, 06:50 PM
مشكور أخوي القصيم - الرس على الرد ولكن هل هذه تأثر على السيارة علماً أني من رواد الربع الخالي بأستمرار وكانت فيه من يوم مأشتريته وعزم ما شاء الله قوي ولكن هذه حيرتني فأنا أسمع عند ألف الطارة جهة اليمين واليسار أثناء التغاريز الثقيلة أو عندما أرجع ربوس بالسيارة مع لف الطارة أو بدونها ،،،،،،، أرجو الرد وشكراً على التواصل
شعوان السعدي
21/04/2006, 08:15 PM
يامرحبا اخوي ابو عاذر
انا معي هدد الفين قطري هذي طبيعية 100%
وعندما تعشق الدقمة (الدبل الخفيف ) وتلف اخر على السكان ورا اوقدام تسمع قرطب قرطب قرطب وكانه شي ويبي ينكسر او شايب يتمغط ...هههههههههه
اخوي امش وين ما تبي وعلى مسووليتي هذا موجود ووكالة مرة ارتاح
واكيد انك مركب كفرات بالون صح
ولو كانت كفرات عادية كان بتسنعها تصيح (يعني لها سحيل )
سراي ليل
21/04/2006, 08:22 PM
معي شاص 2005 بريمي اسمع نفس الصوت ولكن ماسألت عن شي والحمد لله الى الآن ماصار شي
ابو عاذر
21/04/2006, 09:14 PM
لجميع الاعضاء المشاركين الاعزاء مشكورين على الردود وبارك الله في الجميع لمن يحبه ويرضاه
بواسامه
21/04/2006, 10:07 PM
هذ الاصل انه يطق معناه انه شبك الدبل
واذا ماطق رح صلحه تراه خربااااااان
هاوي الله
22/04/2006, 02:44 AM
طيب ياجماعة أنا بعد كان عندي Gxr بريمي 2003 بس ما أسمع فيه شي لاطقطقه ولا غيره وألحين معي هدد 2006 وأسمع الطقطقه!!؟

وش تقولون !؟؟؟
ساري15
22/04/2006, 07:16 AM
طقطقه عاديه ... حتى بالديزل

2005 gxr واسمع هالطقه ولا جبت خبرها ... يعني مافيها اي مشكله

توكل على الله في جميع الأحوال

ومن توكل على الله كفااااااااه
ابو خطاب
22/04/2006, 09:02 AM
السلام عليكم ورحمة الله وبركاته..

طقطقة الدف لوك التماتيك يااخوان...كلتشات الدف لوك داخل بيبت الكارونه..تشبك وتفصل تشبك وتفصل..لان الكفر الثاني لا زال يدور..ولو توقف احد كفرات المحور.. كان استمر شابك وتوقفت الطقطقة..ولا يشبك الا اذا ثولثت او غرزت.


طبيعي جدا.

وللمعلومية للتاكد من سلامة الدف لوك..اشبك الدبل ولف بفوه وبسرعة بطيئة اذا ماسمعت الطقطقة او ماعظ الكفر(فرمل) فترى الدف لوك عندك مايشتغل..واقصد بذلك نظام الدف لوك الكلتشات ...وليس القفل الذي يعمل بالطرد المركزي لدوران بيت الكارونة.

كان المفروض بمكانيكي الوكالة توضيح هذا الامر للعميل وافهامه انه صوت شبكة الدف لوك.
ابو عاذر
23/04/2006, 10:18 AM
مشكور أخوي ابو خطاب على المعلومة لكن نريد توضيح أكثر حتى تعم الفائدة حتى لا نقع في مصائد ورش الصيانة ضناً منا أنها خراب ،،،،، نرجو التوضيح عن ألية ومنظومة الدف لوك التماتيك ومشكور دائماً على التواصل
ابو خطاب
23/04/2006, 09:27 PM
العفو يابو عاذر......

.جاري البحث عن المواضيع التي اسهب فيها اخوننا المكشاتيين عن الدف لوك( ولو اني عليمي بحث) وسيتم اضافة روابط هذه المواضيع حالما اجدها.. ومن وجدها تكفون يضيفها.......لتعم الفائدة.
هاوي الله
12/06/2006, 10:19 PM
معلومه :

السياره اللي فيها دف لوك لازم تسمع هالطقطقه فيها إلا إذا كان الدفلوك خربان .

والسياره اللي مافيها دف لوك تأكد إنك ماراح تسمع الطقطقه فيها .
GMC79
13/06/2006, 12:13 AM
يستحب في مثل هذه الحالة الا تكسر الطارة بشكل كامل

وابشر من الان ان كانك راعي بر وطعوس ترا العكوس الامامية بتطلع لك اصوات اشكال والوان ثم بتصير ترج السيارة اذا شغلت الدبل ثم بتنكسر ولاعاد يشتغل الدبل ثم تروح تغير العكوس من الوكالة 2200ريال للواحد

بس لا تخاف كل هذا مب حاصل الا بعد وقت طويل من الكوح والكرف والدوش

الله يبارك لك
راعي الكيف
13/06/2006, 01:03 PM
نصيحة لكل من معه جيب ... اذا شغلت الدبل وانت على الزفلت .... لاتكسر الطارة ابدا ... او طف الدبل قبل ماتكسر

لان الكفرات تكون في وضعية دفع رباعي ... يعني كل كفر يبي يبزع بقوتة ويمشي .... في الاراضي الترابية مايضر هالامر هذا لانها - اي الكفرات - التصاقها بارضية التراب تكون شبة ملتصة ..... بالعربي مافي اشكال

بس البلى لامنك جيت تكسر الطارة وانت بالزفلت ومشغلن الدبل ..... ان ما اعدم لك الكفرات فراح يعدم لك العكوس ... وراس تسمع طقطقة مثل طقطقة السيارات الصغيرة ذات الدفع الامامي اللي عكوسها مضروبة .... عند اي لفة تسمع طقطقة عالية جدا

هذا بس اللي حبيت اني انبهكم له ... واعتذر عن الاطالة