بعت السياره وتفاجئت

[ابوخالدD7]

السلام عليكم
اشتريت سياره ونقلت باسمي بتاريخ 5\1\1433
وعند بيع السياره بعد تقريبا ثلاث شهور ونقل الملكيه لشخص اخر تبين ان السياره عليها تعميم وبلاغ بتاريخ 26\1\1433 بسبب صدم وهروب بتاريخ20\9\1432علي المالك الاول
يعني الفتره بين وقوع الهروب وتاريخ التعميم تقريبا اربع شهور هل يعقل
ورفضوا نقل الملكيه للرجال الي اشتراها مني لين اشيل التعميم
وعند مراجعتي للمرور والطلب منهم باالغاء التعميم عن سيارتي لان ليس لي ذنب والسياره نقلت باسمي ونزل التعميم بعده بواحد وعشرين يوم
تفاجئت بان مرور القصيم يقول رح شل التعميم من الرياض لانك مشتريها من هناك
راجعت جميع الاقسام باالمرور ما احد عطاني نتيجه اخر شي دخلت على مدير المرور قالي راجع الرياض
قلتله انا مالي ذنب السياره نقلت باسمي والتعميم على المالك الي قبلي
قال التعميم من الرياض ما اقدر افيدك لازم تروح اهناك وتلغي التعميم
طيب اذا مافيه ربط باالحاسب راسلوهم باالفاكس وشيلوا التعميم مافيه فايده

وضطريت اروح للرياض لقسم المرورباالشمال الي صار فيه الحادث وخذت منهم خطاب الغاء التعميم قالو لازم الحين تروح لمرور الناصريه تشيل التعميم من هناك صراحه تبهذلت لين شلت التعميم
حبيت اكتب الموضوع لعله احد المسؤلين يشوف حل للحاجات هاذي
ولو كنت مكاني وش سويت

[aser99]

اعانك الله
والحمد الله انك خلصت
وهالشيء موجود بكثره المرور وغيره
الله المستعان

[راعي الرائد]

الله المستعان

[][][زلفاوي][][]

يا رجال انا الى يومك فيه تعميم على موتر لي تخيل من 7 سنوات والدعوة "شبهه امنيه" ومن هالكلام لكن والله قلق نفسي والى يومك ما شالوهـ المشكلة كل نقطة تفتيش فيها سالفه ومرة بالمطار ما طلعت الا بتحقيق ومن هالكلام خلها على الله بس :D.. والحمد لله على كل حال..

[ابوخالدD7]

اعانك الله
والحمد الله انك خلصت
وهالشيء موجود بكثره المرور وغيره
الله المستعان

الحمدلله على كل حال وربي يعين الجميع
مشكور على المرور

[ابونبيل]

مشكله صايره كل مدينه عندنا دوله مستقله يعني الى متى مافي نظام يربطهم كلهم؟؟

الله يعجل بحل مشكلتك