المساعد الشخصي الرقمي

مشاهدة النسخة كاملة : كيف اغير لون السياره


متعب القلب
21/04/2006, 10:22 PM
السلام عليكم





يا الربع معي جيب gx ابيض ودي اخليه اشهب وشي احسن ورشه وماهي الطريقه بالنسبه للمرور





وهل يعطوني ضمان على البويه



وشكرا
الدبل الثقيل
22/04/2006, 02:21 AM
يا أخوي أفضل خله على بوية بلده ... ترا ينقص سعره عند البيع....... واذا ملزم ... اذا كان موترك فيه سمكره وبويه في اكثر من محل من السياره ... هاك الوقت رشه .... والوكاله مافي احسن منها لكن غلا فاحش..
شبح الصحراء
22/04/2006, 03:07 AM
لازم بالأول تاخذ تصريح من المرور وتغير استمارة السيارة وهذا صعب ويبيلها دوخة راس .
نجم الخرج
22/04/2006, 09:31 PM
ياخي اللون الابيض سيد الالوان ومناسب جدا لاجواء المملكة العربية السعودية , وكان عندك قرشين وفره للاكتتاب في بنك ا لانماء الذي سوف يطرح للاكتتاب في شهر9 / 2006م , هذه نصيحتي لك وشكرا ,,,,,,,,,,,,,,,,,,
متعب القلب
24/04/2006, 05:48 PM
الله يجزاكم خير يا جماعة الخير على الردود الجميله



لاوالله ماعندي قرشين يانجم الخرج لكن الجيب مسمكر سمكره مش حالك ولازم اصبغه
تــــوني
25/04/2006, 02:50 AM
رح للبيان البيان ان كانك عرفته حق السيارت عندهم ورشة بس بيمعط معطة تصيح منها وجب اطلق شريطي خله يقول انه مرشوش والا مسمكر

وفيه خيارات ثانيه ممتازة ماي كار غالين
وتبي الشعبي يعني ماشي حاله فيه ورشة اتراك شغلهم محترم ويضمن البوية 5 سنوات
الوصف الصناعية القديمة (البطحاء) شارع 24 تقاطع ميزان المجد اتجه جنوب تلقى ورشته على اليسار ولا ضغت رح لواحد اسمه محمود سوري الجنسية في ميزان المجد قله انك تبي لك ورشة السمكرة حقت التركي (جنسية)