ابي نصيحتكم وشوركم الله لا يهينكم

[ميندو]

السلام عليكم ورحمه الله وبركاته
ابي نصيحتكم في ترميم الملحق عندي بالبيت بحيث اجعله علي شكله خيمه من الداخل بتلبيس الجدران سدو
وبناء مشب .
ابي نصائحكم للمجربين وش الاسعار في الخيام والمشبات والاشكال الحلوه

وعندي سؤال ؟ هل لو بنيت المشب بحيث ان يكون خارج البيت والشبه من الداخل يعني هل البلديه تفرض غرامات لاني سوف اوفر مساحه للغرفه وهل ارتفاع الفوهه له دور من الدخان ؟
ابي مشورتكم الله لا يهينكم

بصراحه مريت الغرابي وانقلب راسي من انواعهم
ولو فيه افكار حلوه اسدحوها للمعلوميه ترا مساحه الملحق 6×5

[المموه]

لاتزعل ماحد رد عليك .
بالنسبه للمدخنه اشوف كثير مركبينها خارج البيت ولا فيه مشكله
واقترح عليك بدل المدخنه لأنك ماتستفيد من النار انك تركب بالسقف مكيف صحراوي مقفل بصاج ومفتوح على الملحق ولا تحتاج مدخنه .
اما بالنسبه للسدو فاتبع الاتي حتى لا تخسر .
تروح تشتري الواح بلاكاش من محلات بيع الاخشاب حسب حاجتك ثم تتقاول مع نجار يثبتها على الجدران . وبعدين تتقاول مع محل اقمشه سدو يثبت القماش بالدباسه الكهربائيه . واذا تبي وجار ابني بلك عشره بالطول وركب عليه رخام .
تمنياتي لك بالتوفيق