باترول98تماتيك

[هبوب الحجاز0]

السلام وعليكم ورحمة الله وبركاته


مساكم الله بالخير جميع


حبيت استشيركم انا معي جيب 98 سوبر سفاري قير تماتيك ومشكلة الموتر ثقيل مع الخط يعني مع السفر الطويل ادعس له ياصل 140 شوي يرجع ل120 وتحت مايمشي ثقيل طينه تحس الموتر مربوط بشي مع العلم اني مشيت عليه لين قرب 170 بس ماطولت عليه بالمشي وحبيت اسالكم عن الفرارات وكيف طريقته وهل هي تجي معه من بلاده أو أركبه له لاني سمعت ان له دور بخفة الموتر وتقلل صرفية بنزين مع العلم أني أعبيئه بنزين 95 ياليت تفيدوني والله يعطيكم العافية

[haertlove2010]

الاختبار الاول:
اذا ركبت الموتر سكر الباب وافتح السويتش ولاتشغل السيارة وحاول تركز هل تسمع صوت شي اشتغل لمدة ثانيتين تقريبا بعدين وقف .اذا نعم هذي صوت طرمبة البنزين وصلها الكهرب ودفعت بنزين اذا لا او كان الوقت قليل مرة ووقف معناه يوصلها كهرب لكن ضعيف ضخها



الاختبار الثاني لتأكيد الاول:


فيه لي البنزين اللي جاي من التانكي واتوقع تلقاه اذا فتحت الكبوت ووقفت عند الردريتر تحصل خلف الرديتير بالجهة اليسرى لي جاي من التانكي ولي راجع وحنا الي يهمنا اللي جاي من التانكي فكة وخلك ماسكة وانتبه لا تلخبط بينهم بعدين ياطويل العمر تخلي حدا الربع يفتح السوتش اذا طلع بنزين بشكل قوي يرشق معناه طرمبتك تمام اذا لا او ضعيف تحتاج تغيير
الطرمبة اذا صار منها المشكلة ركبت حقت لكزس اقوى ضخ وعملية


وتقدر تركب ريقليتر شيروكي ينظم دفع البنزين على نفس اللي لكن ماتستفيد منه اذا الطرمبة ضعيفة


الفرارات انصحك فيها وبشدة وبعنف وبحزم خخخخخخ
تلقاها عند محلات قطع الغيار : مميزاتها اوفر بنزين اخف للموتر توفير استهلاك دوران عمود الدبل والدفرنس الامامي بدون حاجة


برازيلي او ياباني من عند السليماني واحذر من الصيني

[هبوب الحجاز0]

مساك الله بالخير


جربت طريقتك الاولي وسمعت صوت الطرمبه يمكن ثانيتين والموتر بعض الاحيان تشم فيه ريحة كلتشات او مثل ريحة الكفرات الله يكرمك وللمعلوميه ترا جربت الدبل وضغطت عليه شوي يعني مو مره


بعدين طرمبة اللكزس يعني تزيد عزم الموتر


والفرارت يقدر يركبه اي مكيانيكي والا لازم مختصين


وشكرا" علي مشاركتك