المساعد الشخصي الرقمي

مشاهدة النسخة كاملة : امر خطير عن الحرارة....نداء هام لاصحاب البترول


شعوان السعدي
22/04/2006, 01:36 PM
عندي نيسان كبسولة يعني باب واحد موديل 91 رقم واحد اسبق من الطيور وكل شي فيه وكالة
الفترة الماضية كانت حرارته تحت الخط يعني كنت افكر عداد الحرارة خربان بس الحين بعد ما انقلب الموتر وصلحته قامت حرارته الثلث ولا اعرف ليش
مع اني مبدل مراوح مكسيما من سنة
وش الحل هل ابدل رديتر وما هو افضل رديتر
الشباب عندنا في قطر يركبون رديتر الجكس وبعضهم يركب رديتر ابو3عيون انا مفكر اركب رديتر المنيوم 5 عيون او اربع بس اظني ما فيه مساحة عشان يركب
وش الحل تكفون ؟؟
لاني كنت مبسط على ذا الموتر خاصة في المقناص فهو خفيف ولايعلق في الخيوط ولاينشب ابد
تــــوني
23/04/2006, 06:56 PM
حياك الله يا شعوان ويا هلا بأهل قطر
رب ضارة نافعة والحرارة على الثلث طبيعية لكن لو زادت عن النصف قدامك الخيارات لكن تأكد أن الوضع طبيعي لسيارتك ///

- لا يزيد عدد الرصات ( العيون ) عن ثلاث رصات خصوصاً في الألمونيم لان لو زاد عدد الرصات تزيد كمية الماء ويصعب تبريدها والأفضل رديتور الوكالة
- عليك ازالة المروحة الأم (مروحة المكينة ) ووضع مرواوح سوبارو (بتقول ليه سوبارو ؟) لأن مراوح السوبارو فيها سرعتين
وحساس داخلي تزيد سرعة المروحة مع ارتفاع درحة الحرارة في السيارة
- ومروحة من الجهة الخارجية للأديتر (ريديتور جهاز التبريد) لتزيد برودة التكييف لديك ووكل الله وتغيير ماء الأديتر إلى ماء Gm
الأصلي لونه أحمر ...

- طبعاً هذا كلة يكون بعد التأكد من عدم تسريب المياة وسلامة المحرك (الراس) أي الكشف على ضغط البساتم وأنه سالم من الشعر أو الإلتواء ووزن الديلكو على بوجي رقم (1) والبلوف ماتكون قافلة (مقفلة)..
- وإذا كانت الحرارة لا تتجاوز الثلث بالبلف حرارة مقعولة بالنسبة للسيارات
شعوان السعدي
23/04/2006, 08:36 PM
مرحبا الغالي
يا طويل العمر ركبت اليوم رديتر جديد وما نفع وتاكدت ان ما فيه تسريب الموتر عليه مراوح مكسيما 2004 سرعتين وحاذفين الثرموستات لكن المشكلة اني العام حفيت الراس يعني لمسته شوي عشان يمشي فلابد من تبديله
ولكن السوال شو الي تغير بعد القلبة وليش الموتر قام يحتر ؟؟
وتسلم اخوك شعوان القحطاني
اكبر زاحف
23/04/2006, 08:50 PM
ارحب يا اقحطاني وهلا وغلا بقطر واهلها وشيوخها
علاك بالرديتير ابو 6رصات وثم ان علمني وابا اعطيك التفاصيل
اكبر زاحف على مستوى الشيابين
تــــوني
23/04/2006, 11:40 PM
مرحبا اخوي شعوان

إذا كانت الحرارة ماتتعدى الثلث والنص لا تسوي شي ألا إذا تعدت المستوى الطبيعي

حفيت الراس ( مسح الراس ) وذلك لتضييق حجرة الإحتراق لزيادة القوة والأداء

وسبب ارتفاع درجة الحرارة يكن الأنبير الحساس كان مفصول وبعد القلبة انتبهو له وشبكوه
بس تأكد من صلاحية البلف (بلف الحرارة ) مع تطعيجة من الأطراف وهل البلف موجود ام لا وإذا كان موجوداً من البداية يعني ذلك تأكيد أن الحساس كان مفصول (انبير الحرارة او المؤشر او قارئ الحرارة )
ادهام
25/04/2006, 01:56 PM
وين فيه ساكن
شعوان السعدي
25/04/2006, 02:53 PM
هلا بالشباب
لاهنت اخوي الشيباني على المرور لكن 6رصات كبير وماله محل
هلا توني ما اعتقد لانه يتحرك اول شي بسيط بس يمكن يكون كلامك صحيح خبرني واحد من الشباب قال ركب مراوح فتك الامامية مالت المكيف وانشاالله يضبط وقالو فيه واحد في الدوحة يحط لك الثرموستات حق الديزل ويخبق لك اياه ويركبه ويضبط
هلا ادهام انا من اهل الشحانية
حـاتـم
25/04/2006, 10:50 PM
أخوي الغالي انا سألت عن موضوعك

وقالي واحد يركب رديتر جمس برازيلي

صغير وقوي لانه حق 8 سلندر

والله أعلم

وشكرا

أخوك / حاتم
تــــوني
27/04/2006, 01:19 AM
يمكن بس تراني ما فهمت يخبق وش معناها
يعطيك الصحة
شعوان السعدي
30/04/2006, 11:19 PM
مرحبا يالمطاليق والله لا هانكم وسلمتوا
العذر والسموحة على التاخير وابشروا ان الموتر ضبط؟؟؟؟؟!!!!!! كيف؟؟؟؟؟؟؟؟؟؟؟؟؟... ابعلمكم
مرحبا ياحاتم ولاهنت واسف اذا كنت تعبتك ما اعتقد يركب رديتر البرازيلي لان مافيه مساحة.....تعرف المراوح ماخذه مكانن واجد
هلا يالغلا توني ومرحبا بك هههههههههههه والله ما تلام كلامنا ياهل قطر مشفر شوي ياخوي غيروا كلامنا هالبنقاليين الي في الصناعية يخبق يعني يفتحه او يخرمه يعني يجعل فتحة صغيرة وشكرا اخوي توني وابيض وجه على الفزعة انت والاخوان وعزالله انكم مطاليق
انا يالربع بعدكم لانمت ولا كليت ومتعكر مزاجي عشان هالبترول واخذه عند ورشة واحد من الشباب متخصصين في الترهيم والتزويد وحطوا الثرموستات المخرمة ولا نفع وبعده فكوا راس المكينة (الهيد) وشافوه الا انه مخروط 2.5 ملي يعني اخر شي قالي يا شعوان موترك حرارته طبيعي لانها تحت النص والهيد حقك هو السبب في قوة موترك الي ماهيب صاحية وانا بنصحك لوجه الله نزل الهيد حقك وخله عندك في البيت ولامن جا الشتاء ركبه للمقانيص عشان ما يحتر في الشتاء وانا عندي هيد وكالة مابعد خرط ابااحفه اقل من نص ملي يعني تلميع فقط للنظافة وركبه مع تبديل وجيه نص المكينة واشرط لك ما تقوم الحرارة ولو تحرق موترك بضو ...................المهم وافقت وابشركم ان الموتر ادعسه بقير 3 لين ما يقول بس واخليه معلق حاكر الساعة 2 الظهر في عز الحر والمكيف على اخر درجة والحرار ما تقوم والحمدلله وسويت عزيمتن كبيرة لاهل الشحانية بمناسبة شفاء الغالي موتري (وحش الشحانية ) ههههههه
واشكر الاخوة على التعاون ولاهانوا واتمنى من يعاني من هذه المشكلة لا يتردد من هذا العلاج الشافي
تــــوني
01/05/2006, 06:27 AM
مبرووووووووووووووووووووووووك
مبرووووووووووووووووووووووووك
مبرووووووووووووووووووووووووك

شعوان وين عزيمتنا ;) خلنا نخبق التباسي ونعرف معنى المطاااااليق ؟:p
شعوان السعدي
02/05/2006, 12:24 AM
ههههههههههههههههههههههههههههههههه
الله يبارك فيك
وابشر بسعدك بس راحت عليك العزيمة خخخخخخخخخخخخخ