طيب الأسم
23/04/2006, 12:30 AM
بسم الله الرحمن الرحيم
يسرني ان أهدي لكم هذه القصيده واتمنى ان تعجبكم
وجدي على الديره ووجدي على الدار=ووجدي على اللي يفعلون الجميلـه
ياسعـد يامسنـدي مانيـب صبـار=وشلون ابصبر والخطـاوي طويلـه
وشلون ابصبر ياسعد خاطري حـار=حار الفكر والقلـب فايـح غليلـه
بين المباني والشـوارع والأسـوار=وبين العمايـر والقصـور الطويلـه
ابغى خلا خالي من النـاس معبـار=تسج بـه رجلـي وفكـري يجيلـه
أرقـى رجـوم نايفـاتٍ كالأطـوار=مثلـي كمـا حـر تزبـن طويلـه
وعقب العصر نلفي على شبة النـار=ونجر ٍ يسامر كل صـوت ٍ نشيلـه
وأشوف من حبها في القلب ماغـار=انـا هوايـا كـل سـوداً طويـلـه
طوال الرقاب قياسها خمسة أمتـار=فهق الغـوارب والمشـارب جليلـه
ياسعد من حاشها لو سـاق مليـار=يعتز مـن عزهـا لا واهنـي لـه
يازينها فـي خايـع كلـه أزهـار=وريح الخزامى والشمطري عليلـه
هذا عـلاج اللـذي مـازار عطـار=ولا المشافي فـي علاجـه وسيلـه
وهذا هوى اللي ياسعدخاطره حـار=ويرجي الفرج من واحدٍ لا ثني لـه
يـاا لله ياعالـم وقـدار الأقــدار=ياخالـق وكـل البرايـا تجـي لـه
أطلبك يامعطي الجزيلـه بالأمطـار=برقٍ تكاشـف فـي مـزونٍ ثقيلـه
ينشي من القبله كما ليـل الأسـرار=أسود سواده يرعـب اللـي يخيلـه
وبل حقوق ٍ يجعـل السيـل هـدار=وبله تتابـع فـي ثـلا ثيـن ليلـه
ومن عقب هذا تكسي الأرض نـوّار=وتربع الخـدان مـن خيـر سيلـه
تحياتي.............
يسرني ان أهدي لكم هذه القصيده واتمنى ان تعجبكم
وجدي على الديره ووجدي على الدار=ووجدي على اللي يفعلون الجميلـه
ياسعـد يامسنـدي مانيـب صبـار=وشلون ابصبر والخطـاوي طويلـه
وشلون ابصبر ياسعد خاطري حـار=حار الفكر والقلـب فايـح غليلـه
بين المباني والشـوارع والأسـوار=وبين العمايـر والقصـور الطويلـه
ابغى خلا خالي من النـاس معبـار=تسج بـه رجلـي وفكـري يجيلـه
أرقـى رجـوم نايفـاتٍ كالأطـوار=مثلـي كمـا حـر تزبـن طويلـه
وعقب العصر نلفي على شبة النـار=ونجر ٍ يسامر كل صـوت ٍ نشيلـه
وأشوف من حبها في القلب ماغـار=انـا هوايـا كـل سـوداً طويـلـه
طوال الرقاب قياسها خمسة أمتـار=فهق الغـوارب والمشـارب جليلـه
ياسعد من حاشها لو سـاق مليـار=يعتز مـن عزهـا لا واهنـي لـه
يازينها فـي خايـع كلـه أزهـار=وريح الخزامى والشمطري عليلـه
هذا عـلاج اللـذي مـازار عطـار=ولا المشافي فـي علاجـه وسيلـه
وهذا هوى اللي ياسعدخاطره حـار=ويرجي الفرج من واحدٍ لا ثني لـه
يـاا لله ياعالـم وقـدار الأقــدار=ياخالـق وكـل البرايـا تجـي لـه
أطلبك يامعطي الجزيلـه بالأمطـار=برقٍ تكاشـف فـي مـزونٍ ثقيلـه
ينشي من القبله كما ليـل الأسـرار=أسود سواده يرعـب اللـي يخيلـه
وبل حقوق ٍ يجعـل السيـل هـدار=وبله تتابـع فـي ثـلا ثيـن ليلـه
ومن عقب هذا تكسي الأرض نـوّار=وتربع الخـدان مـن خيـر سيلـه
تحياتي.............