فزعتكم يا ربعي- بسافر الى ماليزيا

[قايد الفرسان]

سلام عليكم

كيفكم جميعا


اخواني انا عندي نية رحلة سياحية الى ماليزيا في الاجازة الصيفيه
و بحثت في النت و ما حصلت ما يشفي صدري من بحوث
القى كلام ومواصفات و القى في مكان اخر ينقض ذاك الكلام

و قلت ما لي الا اهل المشورة و اهل الخبرة
و تراني عليمي و اللي معي مثلي هههههه
لاني اول مرة اسافر خارج الوطن

اللي ابيه منكم لا هنتم جميعا
ترشدوني في كل شي ينفعنا في رحلتنا

اللي عندهم خبرة يجاوبوني على الاسئلة وللمعلومية رحلتنا عزاب
1- وش افضل مكاتب السياحية اللي نحجز عليها و الفنادق النظيفه؟
( سمعت ان فيه بعض الفنادق حماماتها - الله يكرمكم - بدون مويه هههه )

2- هناك في ماليزيا اي المدن الجميلة و اللي تنصحوننا نزورها ؟

3- على أي رحلة طيران نحجز من الان ؟

4- وش المطلوب اللي نحرص عليه من هنا قبل نسافر

5- وش تنصحوننا فيه بالمدن و كم يوم يكفيها للجلسه و الاستجمام فيها

6- كم تكلفنا الرحلة لمدة 10 ايام او اكثر بيومين

تكفون لا تبخلوا علي و ترى الكثير مثلي وده يكتشف و يعرف

و اللي عنده مطويات او معلومات مجمعها يا ليت ينزلها لنا او يرسلها لي على
الخاص و تراني استقبل بدون ما ارسل ( توني جديد ما وصلت مشاركاتي 50 :( )

و الله يجزى من يرشدنا ويعلمنا كل خير و يجمعنا و اياه مع النبي الكريم

[بن حاضر]

موفق خير ..

ماليزيا جميلة جدا وانا رحلت لها مره واحده فقط وجلست فيها يوم او اقل .. واللي لاحظته ان اغلبية زوار ماليزيا عوائل حيث فيها امكانيات و واماكن ترفيه للعوائل رائعه ومناسبه .. و للمعلومية في شباب نزلوا لماليزيا يمدحون فيها و في اجوائها خاصه لما تروح للجزر الاخرى .. لكن كان يشكون من الاسعار مرتفعه نوعا ما ..
لكن بما انكم شباب ليه ما تحاولون تغيرون الوجه يعني مثلاً .. اندونيسيا / تايلند .. فهو مجرد رأي لا اكثر ..

عموما فيه منتديات كثيره تخدمك في مشورتك و أسلتك ..
منتدى سفاري .. منتدى المسافرون العرب .. منتدى المسافر .. منتدى رواد اسيا وهناك الكثير ..

و رحلة سعيده ..

وان شاء الله يجي من يخدمك و يفيدك

[قايد الفرسان]

بن حاضر

بيض الله وجهك و رحم الله والديك و انار الله دربك

كفيت و وفيت


ويا ليت الاخوان اللي عندهم معلومات ما يبخلون علينا