افضل ورش في توضيب القير للجمس

[SHUGE]

يا شباب الله لا يهينكم انا عندي جمس دبل 95 فيه ضعف في القير وضبت القير عن ورشة في الصناعية وبعد شهر تقريباً رجع القير اسوء من اول وكذلك تعرض القير لحراره وتغير لون الطنجرة للون الاسود الداكن وكذلك تغير لون الزيت إلى الاحمر الداكن قريب للاسود
وفي نفس الوقت تغيرة حرارة السيارة ترتفع في الشتاء إلى الربع واكثر بسبب حرارة القير وعادة تكون الحرار اقل من الربع في الشتاء وتم تغيير الطنجرة متسعمله وتم توضيب مره اخرى وصار عندي فضاوى عند التغييرة الثانية عند شد العزم يفضي ويرجع يعشق مره اخرى للثاني ويعطيك الثالث وعند تعشيق الرابع يضعف عزم الموتر كأنه راجع وراى وين اوضب تنصحوني يا شباب .

عند ترايستار ـ القير السعودي ـ شلنجر وغيرها من المراكز المتخصصة مع العلم ان السعر تقريباً واحد ما يقارب 3000-3500 ضمان ستة اشهر

وبعض الورش يوضب 1750 ريال ع الضمان ستة اشهر

وش الفرق

ولا تنصحوني بتغييرا لقير بعد اللي حصل الحرارة العالية اللي تعرض لها كما ذكر مسبقاً

وحصلت عن الوعلان سعر القير مستعمل كامل مع الضمان شهرين تقريباً بسعر 2500 ريال مع التركيب والرجيع فوق البيعة

[ابشر بسعدك]

اولا المفروض غرمتهم للورشة السابقة او يرجعون فلوسك لاننا شعب يسكت عن حقة ترا بعض العمالة يجيك يهايط على السعودي لكن اذا جت الصملة غدا دجاجة خصوصا اذا احلت الامر لشكوى رسمية

ثانيا اذا انت بالرياض رح لبابو الهندي اللي بصناعية الخليخ حقت بغلف وخذ من راسة هو لاتروح للعمال حقينه تراه رجال مربوع ووجهة مدور يعطيك المشقلة صح

ثالثا انحش عن ابو شكيب ويرزقك الله الا رجال كفو ومعروف بامانته لاني شفتهم والله على انه حرامي ويجيك مايفهم شئ مغير تعلم بسيارات البشر.

تحياتي لك

[SHUGE]

الله يعافيك ويشكر لك سعيك
وصل

[مضارب سيارات]

شف ياغالي من واقع تجربة لا توضب قيرك لانه خلاص انتهاء انا مثلك وضبت عند بابو ولا نفع واخر شي رحت للصابر وجاب قير جديد مستعمل والحمد لله وقال القير اذا جاه حرارة خلاص ينتهي يقول يخرب عموده وحساساته

[SHUGE]

اي والله لا خاب من استشار

الله يعطيك العافية

الصابر هذا وين احصلة في اي صناعية في الرياض

[ابشر بسعدك]

بابو وصابر كلهم مقابلين بعض

[ابوهاشم a]

نصيحه غير القير وركب مبرد زيت القير مهم سعره علي ماضن 200 ريال

[Magellan]

صابر رجل هندي ملتحي كان شغال عند وكالة الجميح
وعلى ماقالوا اذا تكلم صابر ،،فإن القول ماقاله صابر
رقم الورشة 217 صناعية الخليج (بغلف)
وعلى ماقالوا الشباب ركب مبرد قير ، بس اطلبه من برى
يجيك رخيص اكثر من هنا ويحسن تعشيقات قيرك
http://www.amazon.com/s/ref=sr_gnr_fkmr0?rh=i%3Aaps%2Ck%3Atransmission+coo ler+GMC&keywords=transmission+cooler+GMC&ie=UTF8&qid=1332233710

[لسان الحقيقة]

انصحك انحش من التوضيب مايضبط ابد

[SHUGE]

انصحك انحش من التوضيب مايضبط ابد

تغيير وبس

ممكن انواع القيرو الافضل من الشد البلد من ناحية القوة

[moooj]

رح لمركز القير الأمريكي له فروع في مناطق كثيرة وضمانه سنة وانا مجربه
القير اذا فيه اي مشكلة يبدلونه لك واعتقد انهم الأرخص
والله يوفقك