موتري خاااااالط

[احب الحيا]

السلام عليكم
صبحكم الله بالخير جميعا
بعد التحيه
تكفون ياهل الخبره بالامريكي
يالربع موتري جمس مكينه 350 زرقا خالص مويه وزيت ويعطي حرااااااره قويه مررره
وش السبب ؟؟؟؟؟؟؟؟؟
الميكانيكي يقولي فيه طباات في الراس تجي بين المويه والزيت
يقول غيرها ؟؟؟؟؟؟؟؟؟؟؟
هل كلامه صحيح ولا لاء
وعشان اغيرها لازم افك الراس ولا
واذا كان كلامه صحيح ياليت صوره او رسم يبين لنا لمكان الطباات الي هو يقول عليهن .
بصراحه انا ما صدقته احس انه بيلعب علي ويا ليت يا أخوان تذكرون لنا اسباب خلط المويه والزيت
شاكرين ومقدرين حسن فزعتكم

[راع الركايب]

وعليكم السلام ورحمة الله وبركاته

نفس المشكله صارت مع سيارتي قبل فتره جيب تايوتا موديل86 خلط الزيت مع الماء ورحت للميكانيكي وغير الطبات 6 طبات 3يمين و3يسار في الراس بدون فك الراس فقط يفك صاجه وتجي تحتها الطبات
واقترح عليك تسأل اكثر من ميكانيكي للتأكد والله ييسر امورك

[احب الحيا]

الله يجزاك خير وننتضر باقي الشباب وش يقولون

[escape_man]

الطبات تغير بدون فك الراس لكن لازم يرفع المكينة علشان الطبات الخلفية

خله يغيير الطبات ويغير الزيت وشف وشيصير معك

احيانا تضبط واحيانا يصير العيب من الراس نفسه فلازم يعمل له مسح بالمخرطة

بالعربي توضيب

لو ماضبطت معك ومابغيت توضب عندك مكاين الفوزان بـ 2400 مع التركيب

حليوه ومجربها شخصياً .. عاشت معي 4 سنين ثم جدعتها وركبت ثانيه وعاشت

نفس الفترة لين بعت الجمس

[احب الحيا]

الله يجزاك خير
لاكن ودي لو فيه صور او رسم يبين مكان الطبات
او اسمها بالانقلينزي عشان ابحث عنها
لان ناوي اشتغلها بنفسي

[احب الحيا]

ما يصير ما احد يرد على موظوعي الى انا
وش السالفه وبعدين نسيت اقولكم اليوم فكيت الراس اللي يسار وقلبت فوووق وتحححت ولا لقيت اي طبه بالراس كله صبه وحده بعدين كل اللي ابي منكم تعلموني وش سبب الخلط بس

[أبوعابر]

سبب خلط الماء مع الزيت الوجه او القازقيت اللي بين الراس والسرندل اللي يحجز بين الماء والزيت وعادة يتلف بسبب الحراره العاليه وتعرف انه تالف افتح غطاء الاديتر والسياره شغاله قبل ماتسخن وإذا فيه فقاعات هواء ... وتحتاج تغيير الوجه وتفحص الراس لايكون تأثر بسبب الحراره لأانه مصنوع من الالمنيوم يمكن يتقوس بسسب الحراره ويحتاج مسح إذا فيه كسر او شعر يحتاج تغيير والله ييسر امرك

[yaso]

تأكد من وجيه الراس يمكن المشكله منها اذا سبق وارتفعة الحراره يمكن الراس فاتل ويحتاج خرط انا انصحك يالثلاث كلهن غير الطبات وغير وجيه الراس وامسح وجه الراس بالمخرطه اصلا المخرطه بيقولون لك الرأس فاتل ويحتاج خرط ولا لا وربي بوفقك

[احب الحيا]

يالغالي الموتر خالط مويه وزيت والمهندس يقول فيه طبات عند سبرنقات البلوف
قلبت الراس كله ما لقيت شي ما فيه طبات ابد .
وللعلم الخلط مهوب قوي مره
المشكله المتر ممسوح راسه من قبل.

[دبا الحصن]

اخوي انا اتوقع المبرد حق القير خربان شيك عليه مانت خسران شي
موفق انشالله

[mekshaat]

اخوي لاتستعجل في فك المكينه اخبر لك واحد يضبطها لكن مشاركاتي ما تسمح

لي ارسل لك على الخاص عنوان وجوال المهندس .