حماية واجهة السيارة .. أريد حل !

[AHMAD7-7]

السلام عليكم ورحمة الله وبركاته ..
كيف حالكم ياشباب .. انا مسافر بعد كم يوم والله يسهل لنا ولكم يارب
لكن قريت مواضيع عن حماية واجهة السيارة ولقيت انواع واشكال ..حيرة مابعدها حيرة.. اللي يقول برقع واللي يقول تغبيرة واللي يقول موية وسكر ..وسفن مرجوج .. سائل من ساكو .. يعني حيرة مابعدها حيرة .. اتمنى القا الجوال المؤكد 100%+طريقة الاستخدام+محلات تسويها بشغل ممتاز وسعر معقول+يعني اللي راح يجاوب يوضح لنا اسم المحل رقمه .. عشان الكل يستفيد .. كثرت المواضيع وكثرت الردود واحترنا .. وشكراً لكم جميعاً

[أَبوابراهيم]

قديمك نديمك
مالك الى فيري :)

[بحر مستورة]

محلات العازل وحمايية
بكل مكان
حط علبة فيري وتوكل

[AHMAD7-7]

بعد قراءة الردود شكلي بركب حماية شفافة .. يقولون الفيري يشيل البوية اذا جاه الغبار .. طيب الفيري كيف طريقة وضعه هل اخلط معه شي او لحله بدون نكهات او نكهات وادهن السيارة بفوطة؟

[خشم أباالهيان]

الفيري يا رجال ممتاز وكثره الأراء تبغور
وشكراً

[ملك الفكتوريا]

ترى السفن ممتاز وعن تجربه بس ترى بيلعب بالنيكل حق الشبك يشهب بس شوف له حل جللده والا شئ


موفق

[كبسولة2]

أفضل شئ مجرب هو الفيري

وطريقة وضعه كالتالي :

تصب الفيري على أطراف ربع الكبوت وربع الرفارف والشبك واجه السيارة كلها

والمرايات الجانبية وأطراف الرفرف وتوزعه بمنديل المنديل راح يتنتف معك المنديل

ويلتصق بالفيري وهذا هو مربط الفرس كالحبيبات أتركه لمدة 5 دقائق

حتى ينشف وكرر العملية مرة ثانية لتعطية طبقة أخرى

وعند وصولك لوجهتك قم فورا بغسل السيارة

السبب الي يخلي الفيري يترك أثر على البوية

البعض يصل لوجته ويتركه بدون غسيل لمدة يومين 3 أيام هنا يترك أثر بسبب الشمس وطول الفترة

بهذه الطريقة حتى لو فيه عج في الطريق ماعندك مشكلة أبد

[الفنطاس]

ركب حماية شفافة افضل لك انا مركبها على سيارتي والحمدلله ممتازة وترك عنك الفيري او الزيت او البرقع

[ارمااداا LE]

وعليكم السلام ورحمة الله وبركاته

حياك الله اخوي ولا قصور بردود وآراء الاخوان

بس الفيري سبق وجربته واكل البويه وكذلك الشحم

ما فيه احسن من الافلام الشفافه ممتاز ولا يترك اثر بالمره

والصيني حسب موتري 250 ريال والالماني 350 ريال .. وركبت الالماني ولله الحمد الامور طيبه

فيه بعض الشركات تركب الالماني 1200 ريال الى 1800 .. مجرد اسماء ولكن الافلام نفسها

انا ركبته بالغرابي وطبعا التكلفه تختلف من محل الى آخر .. شف اللي يناسب وتوكل على الله

ولا تنسى هالبخاخ ممتاز للنياكل والجنوط والجوانب .. لان تركيب الافلام لا يشملها

انظر هالمشاركه ...



ذكرت اني ركبت فلم حمايه في الغرابي ... لاني رحت الشركات واسعارهم فوق ما يسولفون الا من فوق الالف

لقيت الماني 350 وصيني 250 ... وقلنا ما فرقت ركب الماني

طيب هالحين قضينا من الانوار والصدام وباقي الواجهه ..

لكن الشبك والمرايات الجانبيه والجنوط كيف السبيل والحل ياا ولد ؟؟؟


قال راعي المحل فيه حل يفيدك .. قلت وشهو ؟ قال بخاخ ربل مدري مطاط

وبكم ؟ قال 20 ... قلنا عطنا واحد

وفعلا رشيت منه قبل لا امشي والنتيجه فعاله وممتازه

اول ما ترش سايل شفاف مثل الجل وبعدين ينشف ويصير طبقه عازله زي الربل او المطاط
لا فركته بيدك يطلع بسهوله او مع الغسيل ولا يترك اثر

انا جربته على الشبك والمرايات طبعا كلهن المنيوم وكذلك رشيت الجنوط والعلامات الجانبيه واللوحه الاماميه

وامس غسلت الموتر وما شاء الله ما تغير شي ابد ولله الحمد

وهذي صورته


http://www.mekshat.com/pix/upload05/images240/mk152549_20120224116.jpg



http://www.mekshat.com/pix/upload05/images240/mk152549_20120224117.jpg



حنا يهمنا السافي لا يلعب بالموتر
واشوف ان الامور مثل ما راحت جت ولا تغير شي ولله الحمد

لذلك انصح فيه وبشده

وسلامتكم ..


هلا بك ..

[شامخ ألهيلا]

السلام عليكم

انصحك بشامبو نونو لادموع بعد الان
الفيري حار شوي على البويه ويطير اللمعه

[ماون ماركز]

أفضل حماية للسيارة هو Spray & Go
بالعربي رش و أمش


http://www.mekshat.com/pix/upload05/images245/mk212274_spray&go.jpg


لا وساخة فيري ولا وساخة التغبيرات ولا مشاكل بوية ولا مشاكل تنظيف ولا مشاكل مرور ولا غيرها
ولا يبين أن فيه رشه او لخبطة بلمعة البوية او زوائد او ألوان


رش و أمش .. حامي من أقوى عواصف الرمال .. نظيف .. شفاف .. آمن .. ملمع للبوية .. سهل العمل .. سهل الأزالة .. لا يوسخ ملابسك ..
حتى قزاز السيارة تقدر ترشها


أرش .. ربع ساعة وأمشي ..


لو أخليه شهر على البوية ما تأثرت ..


بغيت أزيله .. لي موية وأضربه ( بدون فرك ) .. ويرجع الموتر يلمع


تحصله عند ساكو .. العلبة تكفي و بـ 60 ريال لواجهة السيارة
رشها بالتساوي وكرر العملية اذا بغيت يكون سميك بزيادة


أنا مجربه من طلع بالسوق من سنوات .. ولا شفت أفضل منه


http://www.mekshat.com/pix/upload05/images242/mk212274_18032012386.jpg


الصدام مرشوش . وله أكثر من أسبوعين . ولا أحد يدري أنه مرشوش
الجنوط والمرايات والدعامة والرفارف والمناطق البارزة بالسيارة والمقصات الأمامية
وأطراف القزاز الأمامي
(( راش علبتين ))


واللي يلمع تراها النجفه لأني مصور بدون فلاش
بالفلاش مافيه أمل تشوف الصدام



http://www.mekshat.com/pix/upload05/images242/mk212274_18032012387.jpg


أخذت قشرة منه عشان تشوف سماكته


مشتري كرتون 12 حبة .. وحاطها في البيت ..




وأنت وخيارك ..


تحياتي

[المميـز]

:

من واقع تجربه دامت اكثر من ثلاث سنوات ولا زالت مستمره ولله الحمد والشكر

بــــرقــــع

فصلته بـ 450 ريال جلد امريكي اصلي وجلس اكثر من سنيتن بدون لايتغير

ولكن تركته مره راكب وقطعوه لي اطفال الحاره

وفصلت غيره بـ 300 ريال نفس نوعية الجلد

اهم شي بالبرقع لاتحطه على الكبوت لان الكبوت بعيد عن الارض والسافي

واهم شي التفصيل يكون دقيق ومشدووود حتى لايرفرف مع الهواء ويعدم البويه

والله يكتب لك اللي فيه الخير

وتروح وترجع بالسلامه

:

[ديفون]

جرب كريم الانجليزي 5 ريال انا استخدمته وتلقاه عند ابو ريالين الكريم لونه ابيض والعبوة زجاج شفاف وغطاه اسود . وجيبلك فرشة بريالين . وادهن الوجه . وفي الغسيل ما يتعبك غسل السيارة في المغسلة وتوكل على رب العالمين . وميزته انه يكون طبقة شمعية . لكن الفيري والكريم وجميع البخاخات . ما تحمي البدي من الحصاة . يعني مقاوم للرمل فقط . والفيري مشكلته يحرق البوية يطفيها .