عندي شاص وابغى ازينه للمقناص .. تكفون

[اكبر زاحف]

عندي شاص توني ماخذه من الخليج وابغي ازينه للمقناص
تكفون ابغى زيان زين وهاذا موتر العمر ولا عاد ابى اعين غيره
تكفون ابى اهل الخبرة يورونا الابداع مع الصور من الجنوط الى الصندوق
اي شي يركب وله لزوم قولوا لي سعره واهم شي السعر الدراهم قليلة الله يقل حظ الاسهم الي لعبت فينا
وابغى اركب طربال مضبوط وابغى البس الموتر مضبوط
ولازمن مع الصور الشرح مع الصور
وابغى احسن جهاز ندا واحسن مجلان واهم شي الاسعار
وابغى وابغى وابغى سلامتكم
مع تحيات اخوكم اكبرزاحف على مستوى حلبان

[ابو عاذر]

عليك بمركز سوافي (( الرياض / الدائري الشرقي / مخرج 18 بأتجاه الشرق ثم بعد الاشارة يمين ثم مع ثاني دخلة يمين ثم مع ثاني دخلة يسار )) وسوف تلقى مايرضيك (( سعر تجهيز الشاص بشكل كامل (( بطارية أضافية + توانك ماء وبنزين + محول كهرب 220 / 600 واط + تلبيس الصندوق ألنيوم أو خشب + أنوار كاشفة في الكبوت + طرابل وشد حنايا على مستوى الغمارة )) في حدود السبعة ألاف ريال )) أما بالنسبة لآجهزة النداء فأفضلها الايكوم 8000 وسعره في حدود 900 ريال وأما أجهزة Gps فأضلها عندي المجلان 315 ولكن هناك ذات شعبيه كبيرة وهي اجهزة القارمن نظراً لسهولة أستخدامها للعامة وتبدأ من سعر 700 ريال

نرجو أن نكون قد وفينا والاعضاء الاعزاء بالمنتدى سوف يوافنك بالمزيد

[**( تلمي )**]

مساء الخير أخي { أكبر زاحف } ؟؟؟؟؟؟؟

لعل هذا الرابط يفيدك ....
http://www.mekshat.com/vb/showthread.php?t=25041

[برنس777]

أخوي أكبر زاحف أنا جربت الشاص وعرفت أوله وأخره وشوري عليك ماهو لطم لكلام الاخوان ولكن من باب المشاركه
الامر الاول :هو سحب سستتين من سست الحمل وكذلك مع وضع لعابات مقاس21 أو 20 شل البليه عامود التوازن لأنه أضر شي على الشاص من ناحيت الرساوه في كل النواحي وهو مخصص للحمل الثقيل وأنا شلته ورتحت بنسبه 60% وغيري واجد
2- ركب تانكي ماء سفلي لتليين المطب ولشاهي بمقدار 60لتر خلف تانكي البانزين
3- أستبدل الياي الامامي بوضع ياي gxr ديزل أمامي مع الكعكات مقاس 2.5 لأن الياي شد البلد طوياته متقاربه بعدذلك يكون عندك ردحه في المطب الامامي وبالطريقه يقل عندك نسبة فرط الكارونه _لاقدر الله_ وطعج الدفرنس مع دبل المساعدات في الرباطات الماميه
3- التانكي للغسيل يكون عرضي من خامة الالمنيوم أخف مع تدبيل الملاحم لكي لايتفكك
4- الشد يوجد نوعان هما المفضلات في السوق أ- شد حايل ويوجد عند السنيدي في بريده ب_شد الضويان ويوجد في الرس وهو يسمح بفتح الشراع مع الجوانب لتحميل والتنزيل والفتح يكون يمفصلات يعني جديد على السوق وأما الي عند السنيدي يركبونه حتى الكويتين يعنون من هناك
5- تبديل المراتب بمراتب يوكون نفس الون
6- أما الشد وهو النص هنقلين فموجود الطيب عند الضويان بالرس وله شكل جذااااااب للغايه
7- وأما الجنط المناسب فهو جنط g خليجي لأن شاص موتر أهل معنى مهو موتر خكاريا أهل ميوعه
8- وعن الاجهزه فهو جهاز الياسو رقمFT3000 لأنه الحقيقه قوي في الارسال وكذلك قوي في الاستقبال وله ميزات كثيره لاتوجد في غيره
9- جهاز الملاحه المناسب هو جهاز جارمن رقم 267 العربي
وأخيرا ألله يطعمك من خير ويكفيك شره
وللمراسله على الماسنجربعد المغرب
prinec_001@hotmail.com

[ســـرحـــان]

ياخوي برنس ... ماشاء الله عليك .. الظاهر اني بوجع لك راسك بس تحملنا ياخوي .... عندي حاليا شاص وارد البريمي 2005 صار له معي سنه http://www.mekshat.com/vb/images/icons/icon14.gif ... جهزته بشد كويتي (حنايا) وتانكي ماي خلف الدعامية الخلفية ( 60 لتر ) وتانكي ثاني غير ثابت اركبه في الشتاء وقت المطاريش ستانلس ستيل (360 لتر) الموترمشكلته انه يحتاج بعض هالتعديلات اللي تقول عنها .... خصوصا فيما يتعلق بالمعاونيات (اليايات) احتاج شرح لاني اجهل :confused: فيها واعاني من المطب :no: ... وكراسي اليوكن .. هل يركبون مظبوط ولا ترهيم ...الحين انا مجهزه بجارمن ولاسلكي وتلبيس الكشنات وجنوط اللكزس ... لكني افكر استبدلهم مع بداية الموسم بجنوط الـ G .. الديزل مع بالون .. وهذا ودنا نستزيد بهالمعلومه هذي هل البالون افضل ولا لأ ... ارجو المعذره على الاطالة ... والاعتذار من الاخ اكبر زاحف لاني خرجت عن موضوعه :mad: .... في امان الله

[شعوان السعدي]

هلا اخوي الشيباني مبروك الشاص والله يعطيك خيره والربع لاهانو على المعلومات اما انا مالي في الشاص
اخوي برنس 777 مسيك بالخير يرجى شرح بند واحد واثنين وثلاثة
اخوكم شعوان القحطاني

[برنس777]

أخوي سرحان وأخوي شعوان االسعدي المعذره على التأخر لجود بعض المشاغل, وبعد
السلام عليكم ورحمة الله وبركاته .
أما يا أخوان عن تليين الشاص فله عدت طرق
1- سحب السست من تحت أي الصغيره ثم التي تليها بقدر الحاجه حتى 3سست وبعد ذلك ينزل الجيب من الخلف ويكون التعويض عن هذا النزول بتركيب لعابات وهي التي تمسك السست بشاصي الجيب مقاس 21أو20
2- سحب سست من تحت والتعويض عن كل سسته بسسته من سست الباترول الحوض مثل أنت سحبت سست رقم 1و2و3و4و5و6تعوض عن هذا السحب بتركيب سست من سست الباترول وهي 1و2و3و4و5و6وهذي الطريقه المفظله عند كثير من الناس مع اللعابات
3- وهي مكلفه ولكن مريحه جدا جدا وهي أستبدال السست وجعل محلها ياي وهذي طريقه مجربه وناجحه ولكن البعض يتخوف منها عند البيع مع العلم أنها لاتغير من وضع صنع البلد إذاكان المهندس جيد مثل المهندس الصمعاني عندنا في بريده
وأما عن مراتب اليوكون فهي لابد من الترهيم لكي تركب على كراسي مراتب شدالبلد ولكن البعض يرهم مراتب اليوكون والبعض يرهم في نفس السياره
وأما عن البالون فمن يستعملها في البلد كمن يستعمل الكورد في الصمان هذا بختصار
والله تعلى أعلم

[شعوان السعدي]

اخوي برنس:
لاهنت يا شوق الي على خدها شامه ولاقصرت يابن الاجواد
اخوي الشيباني وش سويت انت وشاصك الظاهر انك نسيت الموضوع واشغلك الشاص الله يقلعه هههههههههه

[اكبر زاحف]

لاهان من شارك

[ابوشعيل 97]

الله يعطيك العافيه يالبرنس777 والف شكر على المعلومات و لاقصور في اخواني المشاركين اخوكم ابو شعيل 97

[محمد الزيادي]

حبتين يا أكبر زاحف ومن حلبان بعد علي الحرام انك شقردي يا ولد عمي...

تحياتي لك...

للمراسله في اي وقت...
alotaibi2007@hotmail.com