عندي مشكلة في كفرات البالون

[عاشق الجنوب]

ياشباب انا ركبت لي كفرات بوالين على وانيت والكفرات مرصصة المشكلة الي تصير لي دايم بعد ماطفئ السيارة وجيها اليوم الثاني يعني بعد كم ساعة ومشي بالسيارة في حدود 40 ك تصير رجة في السيارة غير طبيعية تقول كنه كفرات مبنشرة بس بعد مامشي لي مسافة ويسخن الكفر الرجة هذي تختفي ويرجع الوضع طبيعي والترصيص الارضي ماينفع له لانه الترصيص الارضي حق سرعات فوق 100 ك
الي واجهته هالمشكلة ياليت يعطينا الحل وشاكر لكم :)

[الدبوس]

(عاشق الجنوب) السلام عليكم . . شريت شاص 2001 من دبي كانت كفراته بالون مع جنوط كروم شد بلد ويوم مشيت فيه صار الموتر يرج علماً يوم أني أفحصه قبل الشراء ماكان فيه رجه ، المهم رحت وطقيت له على طول من صناعية دبي (العوير) كفرين أمامية بالون جديدة ومشيت حتى وصلت أبو ظبي وبعدين طلعت الرجه ، قمت أروغ بالدركسون وأنا أمشي على سرعة 80 وتروح وترجع بعد مسافة الثمرة أني جيت للرياض وبعت الموتر .

الخلاصة : المشكلة ماهيب في الكفرات أعتقد (رمان الكفرات الأمامية أو مساعد الدريكسون) .


http://www.mekshat.com/pix/upload/sign/images/mk26824.gif

[عاشق نيساني]

شي طبيعي وانا اخوك كل البوالين ترج والمشكله ميب من السياره انشاء الله والبوالين معروفه بالرجه .......

لان دعستها رمليه ولا تنفع لخطوط ابد

[عاشق الجنوب]

شكرا اخي الدبوس وعاشق النيسان

صح اخي الدبوس الرجة في الكفرات الامامية فقط فهل قمت بحل المشكلة ام لا ؟.

[فال الخير]

السلام عليكم

المشكله بسيطه والحل أبسط

وهو تعبأة الكفرات إلى ضغط خمسين دامك بالمدينه أو بتمسك خط وهذا يقلل الرجه 90% تقريباً ويجعل الكفر اكثر تماسكاً ورساوه حتى في المطر

جرب وبتدعيلي

[حـاتـم]

أخوي الغالي

البالون لابد من انها ترج رصصت او مارصصت

والمشكله مو من السياره من الكفرات

البالون لازم يرج ولازم ينسم (( يعني بعد كل مده لازم تعبيه شوي ))

وصحيح كلام أخوي فال الخير

انه عند تعبئه الكفر 50 يخفف الرجه

واذا نزل الضغط عن 35 انواع الرجه

وانا حاولت عده محاولات معها ولا فادت

منها الترصيص الارضي والعادي

وتغيير مساعد الدركسيون

ومافيه فايده

بس رحت لورشه وسوالي تكبيس اذرعه ووزن وترصيص عادي

واختفت الرجه لمده شهرين وبعدها رجعت

واتمنى اني افدتكم

وشكرا

أخوكم / حاتم