المساعد الشخصي الرقمي

مشاهدة النسخة كاملة : ابغى احسن محل تنجيد


قصيمي دت كم
18/03/2012, 09:13 PM
السلام عليكم ورحمة الله وبركات
اخواني حفظكم الله
اليوم شريت سياره للعائله وابغى اللبس ارضية السياره بلاستيك شفاف
ابغاكم تدلوني على افضل محل تنجيد في بريده
وافضل نوع من التلبيس
ابغا وصف دقيق لانني توني ساكن بريده
تكفون ابي فزعتكم
بروق ساق
19/03/2012, 07:31 AM
الشلال أحسن مكان للتنجد .... بمحافظة الرس ( عن بريدة 75كيلو)
ابو فهد...
19/03/2012, 09:53 AM
فيه الشلال والنافوره كاهم بعنيزه يبعدون عن بريده١٥
GM_400
19/03/2012, 11:32 AM
استمتع بسيارتك وناخوك انت بتحافظ عليها للي بعدك لو تلمعها كل سنه بــ200 ريا لداخلي افضل لك كانها على الأوساخ

بالعربي مانصحك تنجد بلاستك فك المراتب من عقب شد المصنع يسبب مع الوقت أصوات مزعجه والخيار لك في الأخير
قصيمي دت كم
19/03/2012, 02:20 PM
بروق ساق
ابوفهد
لكم مني كل الشكر
قصيمي دت كم
19/03/2012, 02:25 PM
استمتع بسيارتك وناخوك انت بتحافظ عليها للي بعدك لو تلمعها كل سنه بــ200 ريا لداخلي افضل لك كانها على الأوساخ

بالعربي مانصحك تنجد بلاستك فك المراتب من عقب شد المصنع يسبب مع الوقت أصوات مزعجه والخيار لك في الأخير

بيض الله وجهك :good2:
والله اني لاطيعك
كم الواحد يبي يعيش نستمتع والعمر فاني
HAS5SAN
19/03/2012, 11:16 PM
مرنه للرياض
وتخير من الغرابي
والله يعطيك خيره
patrol vtc
20/03/2012, 02:01 AM
عندكـ النافورهـ اللي بعنيزهـ وش زيييينه , قبل حول السنه منجد أرضية الباترول وملبسهآ بلاستيكـ ,

شغلهمـ طيييب ..

:)
vtc 2007
20/03/2012, 08:12 PM
حياك الله اخوى لاتسوى مثلى انواع الصرصرة والاصوات فى المراتب عقب ماكنت شد بلد
وتبى الصراحة انا شاري سيارة بالسعر الفلانى ودافع فرق فلوس على الفرش او الجلد واخر شى اقوم واحط بلاستك وانت بكيفك
يالبى الهلا
20/03/2012, 09:11 PM
من اسباب التلبيس 1-مكسب لمحلات التنجيد
2-ظهور اصوات داخل الغماره
3- الغبار ينحبس تحت الفرش مع الوساخه ويصعب تطليعها
4-يشاهب البلاستيك ويصبح لون الفرش بشع
ساري 2010
24/03/2012, 12:05 PM
السلام عليكم ورحمة الله وبركاته
اخوي عندك محلين بس ماهي ببريدة في عنيزة رقم 1 النافوره طريق الملك عبدالعزيز بعد المحكمة ( طريق المذنب ) رقم 2 الشلال امام البنك الاهلي طريق الملك عبدالعزيز بعد فندق الواحه شغلهم مثل شد الوكاله بخصوص التنجيد وفرش الارضيات والعماله عندهم فلبنين انصحك في النافوره انا فرش ومنجد عندهم سيارتي
راعي طفات
25/03/2012, 01:23 AM
موضة قديمة وانتهت

لبس الوطايات ( الدعاسات ) بلاستك خفيف بحدود 20 - 30 ريال ويكفي
abuahmed1
06/02/2015, 09:21 PM
انا نجدت سيارتي عند شركة التلميع الذكي وصراحة كان شغلهم ابداع خيطوها خياطة مدبلة نفس خياطة الوكالة صراحة شغلهم مرا ممتاز والجلد مستورد اصلي
هم عندهم تلميع وتظليل وحماية وتغير لون وتلبيس ارضية كل شغلهم عليه ضمان عمالتهم فلبينين ممتازين موادهم في التلميع ميقوايرز امريكيا. والتظليل نانو سيراميك عزله 99بالمية عليه ضمان مدى الحياة. وحامي الوجهية ثري ام اصلي ضمان خمس سنين وتلميع الحامي مجانا .

انا انصح فيهم وعن تجربة شخصيا
موقعهم: الرياض - مخرج 10 - طريق الملك عبدالله- بعد مسجد الحديثي -قبل قصر المقصورة ب 500 متر داخل محطة الادريس اللي فيها جافا تايم .
جمبهم محل تاجير انا حطيت سيارتي واستاجرت