أرجو المساعده من أهل الخبره في مجال تجهيز سيارة جيب fj [الأرشيف]

مشاهدة النسخة كاملة : أرجو المساعده من أهل الخبره في مجال تجهيز سيارة جيب fj

Tareq-Alotibi

18/03/2012, 11:12 PM

بسم الله الرحمن الرحيم

أخواني أعضاء منتدا مكشات الكرام في البدايه احيكم بتحية الاسلام السلام عليكم ورحمة الله وبركاته وبعد ...

معي سياره جيب اف جي كروزر مديل 2008 وودي اجهزه للبر و الطلعات و المقناص

ابي اجهزه اول شي تجهيز كهربائي من بطاريه اضافيه و لمبات و افياش الخ

ثاني شي ابي اجهز تجهيز خارجي من حيث اليايات و المساعدات و تركيب تانكي اضافي بنزين الخ

ودي تنصحوني بورش بالرياض متخصصه بهالشي وياليت تكون غير سوافي لان القطع الموجوده عنده والاسلاك لك عليها ولا يعطيك ضمان عليها ومعاملتهم تعبانه

ومو مهم الرخص او الغلا اهم شي الجوده و الضمان

واذا في تعديلات اضافيه ياليت ما تبخلون علي باراكم و نصايحكم

تقبلو تحيات محبكم : طارق العتيبي

ابو زياد 90

19/03/2012, 12:00 AM

وعليكم السلام ورحمة الله وبركاته

اخوي فيه ورشة اسمها الصبي في الربوة

اشوف اكثر الناس تمدحها بالحيل والي يشتغبون سعودييين وشغلها ok :)

وبخصوص اليايات عليك بمحل الرماية ويايات استرالي بس السعر غويلي شوي

هذا الي عندي وان شاء الله الاعضاء موب مقصرين

تحياتي لك ,,,

do7my

19/03/2012, 12:12 AM

حياك الله ياراعي الأف جي

أنا مثلك توني شاري اف جي وبديت اجهزه

توني سويت أمور التعليق والمساعدات وخلافه والمرحله الجايه انشالله البطاريه الأضافيه والكهرب
ثمن التوانك وخلافه

ركبت مساعدات بلاستاين قدام طلبتهن من امريكا تركب بالملللي نفس مقاس البلد مع فررررق شااااسع في الثبات

فيه تقرير لأخوي سعد القاسم هنا في المنتدى مركبهن على تاهو بس هو مركب الفضيات اللي ترفع الموتر وانا ركبت الصفرا حقت الأستخدام الشاق

ورا ركبت بوالين التحميل فايرستون على مساعدات ويايات البلد لتجاربي السابقه مع البوالين ولأنه في النيه تركيب تانكي بنزين اضافي وتانكي مويه فما اتوقع الياي الأسترالي راح يكون ناجح معي زي البالونات لأنه فشل معي قبل في الاندكروزر

البطاريه الأضافيه وتمديدات الكهرب ان شاء الله وكنّا من الحيين ناوي اركبها عند حمدان الحميدان في الزلفي

تانكي البنزين اشوفهم يركبون تانكي اضافي حق برادو لكن مابعد بحثت في الموضوع الى الحين والله لأنه عندي موب في الأهميه القصوى حالياً

Tareq-Alotibi

20/03/2012, 05:02 AM

ابو زياد
دحوم
ماقصرتوو بيض الله وجيهكم معلومات مفيده وننتظر زيادة معلومات واراء من اخواننا البقيه لاهنتو

s3ed

20/03/2012, 06:34 AM

السلام عليكم

شق هذة الروابط بتفيدك ان شاء الله

خزان بنزين اضافي

http://www.mekshat.com/vb/showthread.php?t=130214 (http://www.mekshat.com/vb/showthread.php?t=130214)

مساعدات استرالية

http://www.mekshat.com/vb/showthread.php?t=340391 (http://www.mekshat.com/vb/showthread.php?t=340391)

كشاف 52 انش

http://www.mekshat.com/vb/showthread.php?t=309641 (http://www.mekshat.com/vb/showthread.php?t=309641)

Tareq-Alotibi

21/03/2012, 02:36 PM