موتري مشى ((221000))كم ....هل اغير البواجي ....والا لا..؟؟؟؟؟؟؟؟

[مواسي الطعوس]

السلام عليكم ورحمة الله وبركاته :

_ تعرفون ان السيارات الجديده العمر الافتراضي للبواجي طويل ...لكن متى يتم تغييرها ..؟؟

والموتر مافيه تقطيع .....والمسافه التي يقطعها بالبنزين لم تتغير ؟؟؟

- هل اغيرها ؟؟؟ وهل الموجوده في الوكاله نفس شد البلد ؟؟؟؟؟

- الموتر ((اكستيرا)).

[mody s9]

اذ الموتر ماشي تمام نصيحة لاتغيرها لان القطع اللي عندنا ما تجي مثل شد البلد

[هاااوي ثادق]

ايه لازم تغيرها وتغير معها فلتر الهواء وتشيك على الزيوت
لان الممشى واجد

[كشات 64]

حسب خبرتي المتواضعه لازم تغيرها كل سنتين الى ثلاث سنين او كل 120 الف كم بس ركب الاصلي و غير معاها فلتر الهواء وصفاية البنزين

[- النشمي -]

والله عندي الجمس ماشاء الله لاقوة الا بالله ماشي فوق 400 الف كيلو وماغيرت البواجي


والحمد لله لا تقطيع ونفس الصوت والقوه

[سعد777]

ياجماعه انتم من جدكم ما تغيرون البواجي إلا بعد هذه المسافات

انا اغير كل 60 الف كيلوا

طيب نبي كلام الصيانه الدوريه متى التغيير؟؟

[مسير عليهم]

المتعارف عليه من خمسين الى 80 كيلو تتغير البواجي

معقول احد يمشي عليها فوق 200 الف كيلو ..!!

مافرق معك عزم الموتر او فرق معك صرفيه البنزين

[s3ed]

ياجماعة الخير.

كل شي لة عمر افتراضي. تقول لي ماشي ٤٠٠ الف وماغيرت البواجي

بواجي الامريكي نوعيتها بلاتين وتمشي معاك الي ١٢٠/١٦٠ الف بس ٤٠٠ كثير


المشكلة اذا انتهت روؤس البوجي وطاحت داخل السلندر وخبطت عليك المكينة شو بيكون شعورك

تديل البواجي كل ٦٠ الف للنوع العادي ١٢٠ للبلاتين او الروديوم

فوائد تبديل البواجي.

انخفاض حرارة المحرك
انخفاض نسبة صرفية الوقود بصورة ملاحظة لجودة شمعة الاحتراق وقوتها تحسن من الاحتراق وتقلل صرف الوقود
اداء افضل في السرعة وراحة للمكينة

[مقلع الرمث]

بواجي البلد وخاصه بالنيسان تدوم وتدوم اكثر ايضا وهذا عن تجربه وتمشي عليها قرابه 300 الف

[ابو شريفة]

السلام عليكم ورحمة الله وبركاته
أولاً اختلف مع بعض الاخوان الي قالو ان البوجي يدوم إلى 300 آلف وبالذات النيسآن الباترول
من الضروري تغيير: البواجي + الفلتر + صفاي بنزين + سلاك البواجي < كل اربعين الف إلى ستين ألف كيلو
وغالباً الاسلاك ماتضرر وتغييرة مايلزم بس دامك مغير مغير ماهو خسارة تغير الاسلاك لسلامت موترك.
ومثل ماوضح لك الاخو سعيد / يقل صريفة ، يزبط عزم الموتر ، الحرارة ، التقيط ، دخان مع الشكمان اذا صار البوجي قديم
ترا طقم البواجي للبترول بـ75 ألف ريال

[ابوصالح77]

ياجماعة الخير.

كل شي لة عمر افتراضي. تقول لي ماشي 400 الف وماغيرت البواجي

بواجي الامريكي نوعيتها بلاتين وتمشي معاك الي 120/160 الف بس 400 كثير


المشكلة اذا انتهت روؤس البوجي وطاحت داخل السلندر وخبطت عليك المكينة شو بيكون شعورك

تديل البواجي كل 60 الف للنوع العادي 120 للبلاتين او الروديوم

فوائد تبديل البواجي.

انخفاض حرارة المحرك
انخفاض نسبة صرفية الوقود بصورة ملاحظة لجودة شمعة الاحتراق وقوتها تحسن من الاحتراق وتقلل صرف الوقود
اداء افضل في السرعة وراحة للمكينة

بيض الله وجهك
كلام سليم 100٪
وما أزود عليك
وأنبه انه يوجد بواجي NGK وكيلها الحاج حسين على رضا وكيل ماركيز
يابانية وجودة عالية وكل ما عليك أخذ البوجي القديم للمطابقة
وفيه موضوع جميل لأحد الإخوة عن هالنوعية

بالتوفيق

[Bader-M]

وعليكم السلام
اعتقد ان سيارتك تغير كل 100 الف ميل (160 الف كم)
ولكن لتاكد ارجع الى كتاب الصيانة
ولا تنسى تغير صافي البنزين و فلتر الهواء (مهم جدا )

موفق

[ساري 111]

دام الموتر اموره تمام ولافيه تقطيع نصيحه لاتلمسه

اي قطعه بالموتر تجي معه شد بلد انس انك تبي تلقى نفس جودتها

[m3ax]

ياجماعة الخير.

كل شي لة عمر افتراضي. تقول لي ماشي ٤٠٠ الف وماغيرت البواجي

بواجي الامريكي نوعيتها بلاتين وتمشي معاك الي ١٢٠/١٦٠ الف بس ٤٠٠ كثير


المشكلة اذا انتهت روؤس البوجي وطاحت داخل السلندر وخبطت عليك المكينة شو بيكون شعورك

تديل البواجي كل ٦٠ الف للنوع العادي ١٢٠ للبلاتين او الروديوم

فوائد تبديل البواجي.

انخفاض حرارة المحرك
انخفاض نسبة صرفية الوقود بصورة ملاحظة لجودة شمعة الاحتراق وقوتها تحسن من الاحتراق وتقلل صرف الوقود
اداء افضل في السرعة وراحة للمكينة

انا موتري اكسبلورر امريكي V8 مشيت عليه حدود 90 الف ويوم جيت اغير البواجي طاح راس واحد من البواجي في راس المكينه بسبب الكربون ولا قدرنا نطلعه الا بعد طلعة الروح بعد ثلاث ايام من المحاولة عشان ما نضطر نفك راس المكينة

[s3ed]

دام الموتر اموره تمام ولافيه تقطيع نصيحه لاتلمسه

اي قطعه بالموتر تجي معه شد بلد انس انك تبي تلقى نفس جودتها



السلام عليكم


جزاك الله خير هذا الكلام غير منطقي بالمرة كيف شد البلد غير ومابتبدل ابدا.

بهذا الحالة مابنغير الفرامل ولا زيت المحرك ولا الدفرنس ولا الفلاتر ولا التواير رالاطارات. ولا شي :good2:

[ابونبيل]

اتوقع ان العزم يضعف والصرفيه تزود بشكل غير ملاحظ
بس لو غيرت البواجي بتنصدم بان الصرفيه احسن والعزم زاد

[نيسان فتك]

انا توي مغير بواجي الموتر وسألت الميكانيكي وقال لازم تتغير كل مابين 70.000 -100.000 كم
وراح يفرق معك عزم الموتر وتشغيله وصرف البنزين

[كم كيلو باقي]

لالا لاتغير ماله داعي .. يمشيك مليون بالراحة :D

من جدك اخوي ممشيه 200 الف بدون ماتغير البواجي .. أجل على كذا الزيت كل 50 الف :)

[سكوربيو]

ما شاء الله 220000

هذي يبي لك تغير السيارة مو بس البواجي :D

أمزح معك بس كل شي له حدود يالغالي وحتى لو ما لقيت نفس شد البلد
ترى فيه بواجي جودتها عالية جدا وكل الناس تركبها

وبعدين لو فرضنا إنك ما انت مغيرها إلا على 300 ألف
وش البواجي اللي بتركبها ذاك الوقت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ركبها الحين وريح مخك

[عشق البر]

ياناس البواجي انواع وكل نوع له عمر افتراضي لحد يجي يرمي كلام من عنده ويقول كل 40 الف ولا 60 هذي البواجي القديمه او العاديه
اما البلاتين والاريديوم يمشي 100الف بالراحه

اما اللي يقولي 400الف ولاغيرت البواجي والموتر من احسن شي سلامات؟؟؟؟ بزران تلعب علينا!!!!

[اسبيدر مان]

هههه
والله ياابوعقل انا غيرتهن على 100 الف على كلام الوكاله ومعي مثل موترك
واتوقع لوتبي تفكهن الحين ماراح ينفكن معك بسهوله
الاستهلاكي استهلاكي سواء نيسان او مازدا او بالدوزر كله واحد

[ابو شريفة]

يخوان لسلامت مواتركم اهتمو بهن : يخوان البوجي اذا مشيت عليه اكثر من ستين الف
يكربن الموتر واذا فكيت راس المكينة راح تشوف الكربون مثل الرماد ولا راح يتغير عزم الموتر اذا
استمريت بهذا الاهمال مثل تغيير الزيت اذا كنت تغير بتوقيت واحد وكيلوا واحد محددها انت راح تصبر المكينة ولا راح تتأكل البستام ، ثانياً البواجي تعتبر من الاشياء الاستهلاكية الي تطيل عمر المكينة وتحافظ على وزنية البلوف ، لان مع الوقت والاهمال لموضوع البواجي راح تسمع صوت البلوف وتظطر اني تفك الراس وأوزن ولاتوزن وشيل وحط وانت بغنى ترا كله 75 ريال
ولكم تحياتي

[ساري 111]

جزاك الله خير هذا الكلام غير منطقي بالمرة كيف شد البلد غير ومابتبدل ابدا.

بهذا الحالة مابنغير الفرامل ولا زيت المحرك ولا الدفرنس ولا الفلاتر ولا التواير رالاطارات. ولا شي


حياك اخوي انا طبعاً اتكلم من تجارب مريت فيها
البواجي واسلاك البواجي لايمكن تلقى بالسوق بنفس جودة اللي جاي مع السياره
اذا اللي جاي مع السياره يمشيك 200 الف بدون تقطيع ولاقروشه اللي تبي تركبه بعده حتى ولوكان نفسه ماراح يمشيك ولا50 الف الا وهو موذيك بالتقطيع وضعف العزم
اعرف واحد معه يوكن مشى اكثر من 500 الف مااغير لابوااجي ولااسلاك وباعه وهو ماغيرهن


كلامي ماينطبق على الفحمات والفلاتر طبعاً
وحتى لو دققت في اللي تفكه من سيارك شد بلد من الفلاتر ماتلقاه مطابق 100% مع الموجود بمحلات قطع الغيار

[- النشمي -]

ياناس البواجي انواع وكل نوع له عمر افتراضي لحد يجي يرمي كلام من عنده ويقول كل 40 الف ولا 60 هذي البواجي القديمه او العاديه
اما البلاتين والاريديوم يمشي 100الف بالراحه

اما اللي يقولي 400الف ولاغيرت البواجي والموتر من احسن شي سلامات؟؟؟؟ بزران تلعب علينا!!!!


طيب صدق كلام الميكانيكيه وخلهم يزرفون دراهمك

واذا منت مصدق تعال اقابلك واخليك تشوف موتري مهوب 400 الف الا فوق 400

بس قول ماشاء الله

[رحال السراة]

طيب صدق كلام الميكانيكيه وخلهم يزرفون دراهمك

واذا منت مصدق تعال اقابلك واخليك تشوف موتري مهوب 400 الف الا فوق 400

بس قول ماشاء الله


الا صادق ونص يا أخي فيه عقليات أعوذ بالله مدري كيف !!

أنا يوم كان معي الهوندا ماغيرت بواجيها الا بعد الـ 250 ألف والله !!
ويوم فكيتها نفس الجديدة مغير اختلاف بسسيط جدا للمدقق بس

[Bader-M]

واذا منت مصدق تعال اقابلك واخليك تشوف موتري مهوب 400 الف الا فوق 400

اذا كنت الهواء الداخل للمحرك نظيف (فلتر الهواء تقوم بتنظيفة كل فترة او تغيرة) و كذالك فلتر البنزين
والمحطات التي تعبي منها بنزين تستخدم فلاتر سوف تصل لهذا الرقم وانا اصدقك
انا اعرف شخص لم يغير البواجي ألا عند 350 الف كم ولم يغيرها بسبب خرابها انما عمل صيانة دوية فقط
على فكرة في الدول الفقيرة يقوم المكانيكي بفك البوجي و فحصة و تنظيفة بريشه خاصة به
اغلب السيارات الحديثة تستطيع ان تقطع مسافة 150 الف كم دون مشاكل على كلام الكتلوج و جدول الصيانة
موفق بالسيارة
مثلا
سيارتي الموهافي كيا مكتوب بالتلوج تغير البواجي كل 100 الف كم ميل (160 الف كم)
هذا ينظبق على اغلب السيارات الكورية

موفق

[مواسي الطعوس]

اشكر جميع من مر على الموضوع وابدى رأيه .....

- من يقول ماتغير الزيت اقول: الزيت اغيره مابين 4000 الى 5000الاف كم .

- زيت القير فحصته عند 80000 الف وغيرته عند 120 الف . تماتيك الموتر .

- فلتر البنزين داخل التانكي مثل ((الكامري - الالتيما))لذلك ماغيرته الى الان .

- البواجي سبق غيرتها في باترول فتك عند 150000 الف وكان فيه صوت اذا دعست له كثير في النفود بالصيف وتوقعت انه من البواجي وغيرتهن وماتغير شي لازم كل طلعه وتطعيس ((يرمي)) ((انفجار)) وصارت البواجي سليمه ......لذلك قلت ما اغير البواجي الا كل 300000 الف كم .

- احد الزملاء معه فتك ماشي 350000 الف ولم يغير البواجي ولكنه في الاسبوع مره مايشتغل الا بعد دق السلف مرتين .

[الرهااااااوي]

مساكم الله بالخير 00 ياخوي اذا حسيت بتغير في موترك فغير الي تبي اذا صار موترك زي الاشطه:D:Dفمالك ومال العبث في شي زين نصيحه شد البلد ماكو زيه 0000 علمكــ في راسكـــ

[التعـ King ـديل]

100 الف كيلو انا اشوفها معقوله للسيارات الجديده واللي استخدامها طبيعي ولا يجيها جلد ومسك خطوط

ممكن البواجي تمشي معك اكثر من كذا بس صدقوني مع الاستمرار بهذي العمليه راح يضعف عزم الموتر ولا راح يرجع مثل ماكان فالاهتمام بالسياره اهم من اي شي

[عشق البر]

طيب صدق كلام الميكانيكيه وخلهم يزرفون دراهمك

واذا منت مصدق تعال اقابلك واخليك تشوف موتري مهوب 400 الف الا فوق 400

بس قول ماشاء الله

انا اخر همي كلام الميكانيكيه

انا مصدق ان بواجيك ماشيه فوق 400 الف

بس منب مصدق ان البواجي سليمه وصرفية وعزم الموتر ماتغير عليك صدقني هو متغير بس انت ماتلاحظ
وماراح يضرني لو غيرت البواجي كل 150 الف قيماتها ماتجي 170 ريال اريح للموتر

البوجي يعتبر شي استهلاكي يجيك يوم تغيره ومكانه حساس داخل حجرة الاحتراق عشان كذا الاحتياط ازين خصوص اذا حالتك الماديه جيده

[سيف وقلم]

في الكاتلوج عندي إلى 165 ألف

بس البوجي الواحد ب100 ريال يعني الطقم ب600 ريال

ما أدري هل تنظف البواجي أو أركب نوع ثاني بس المشكلة في الكاتلوج ما حطوا إلا خيار واحد من شركة دينسو

[عشق البر]

في الكاتلوج عندي إلى 165 ألف

بس البوجي الواحد ب100 ريال يعني الطقم ب600 ريال

ما أدري هل تنظف البواجي أو أركب نوع ثاني بس المشكلة في الكاتلوج ما حطوا إلا خيار واحد من شركة دينسو

ادخل موقع NGK http://www.ngk.com/
وحط نوع موترك والمكينه ويعطيك اللي يركب عليه

[السامي2011]

اهم شي فكهن ونضفهن لانه يبي يجي وقت ما يطلعن ونكسرن روسهن بوسط المكينه