ياشباب انا شريت ديماكس ومحتاج خبرتكم

[ماء من السماء]

اليوم الشركه دقة علي وقالو وصلت السياره طبعا من شهر انتضر بس موديل 2012 بدون اكسسوارات ايش رايكم اركب اكسسوارات الي هيه دعاسات +اكسسوارات على الاسطبات الخلفيه +بوصله +دعامه اماميه ايش الافضل والاسعار ودمتم سالمين

[ماء من السماء]

ماشاء الله 37 مشاهده ولا رد مو معقول

[الزافر]

اولا : الف مبروك مقدماُ والله يعطيك خيرها ويصرف عنك شرها
ثانياً : بما أنك دخلت عالم الديزل فلا بد تعلم الصبر لان الردود عندنا بطيء شوي :D
رابعاً : وهو الزبده بما ان الموتر جاك بدون اكسسوارات وتوفر عندك مبلغ الاكسسوارات
فهذا في صالحك لأن اكسسوارات الشركة لاتروق لي ( حسب الاذواق )

فمثلاً
1-الدعسة احسها عفشه وكبيرها ودايم تحك في الطرق الجبلية وشكلها تقليدي
فيوجد في السوق افضل شكل وخدمه وحجمها مناسب .
2- الدعامة الامامية تعطي مقدمة السياره منضر فقط لايوجد لها فائده وسريعة الكسر (فيبر)
فيه بديل في السوق منضر ودعم وعده ومتعددة الوظائف

3- البوصلة الي تجي على الطبلون لو بيدي خذت الفاس وكسرتها هي وطبلونها
بصراحه غثتني ومالها اي فائده لأنها لاتعطيك اتجاهات تعطك فقط ميول السيارة يمين ويسار وفي المنحدرات
وبجانبها ساعة ضغط البطاريه وحجمها كبير فوق الطبلون

4- الفيبر غطاء الصندوق هذا ضروري لحماية الصندوق وموجود عند حقين الزينه تقريباً ب 350

5- اكسسوار الصطبات الخلفيه طبعاً اذا اصلي خذي حماية للاسطب بعد الله

عسى اني افدتك وأهلاً وسهلاً بك اخوي عزيز بيننا
واتمنا اذا عندك اي استفسار ان تضعة برابط الديماكس

[فنجال ورجال]

كلام أخوي الزافر عدل
لكن وين موقعك علشان نقدر نخدمك أكثر بالأماكن ونوصيك وهل إنت راعي بر ومكاشيت وإلا راعي ديرة كل شيء بحسب
وعلى البركة والله يعطيك خيرها ويكفيك شرها

[ماء من السماء]

الاخ الزافر والاخ فنجال ورجال بيض الله وجيهكم ماقصرتم وعلومكم وافيه انا من الطائف واذا ماتوفرت بنزل جده بالنسبه للبر والمكاشيت مانقدر نصبر عنها

[فنجال ورجال]

ما شاء الله حيا الله أهل الطائف عندكم الشعبان والمكاشيت ما يحتاج معروفة الطائف بشعابها وطبيعتها
لكن أخوك من الرياض وهذه بعض التجهيزات للكشاته والشباب يفيدون أكثر
دعامة أمامية تحتوي على مسحاة وفأس ومطرقة ومعلاق ذبيحة تفصل تفصيل عند ورشة معروفة ومتقنة .
تركية فيبر فرش للصندوق لحمايتها من التلف .
تركيب دعاسات جانبية .
تركيب شد بشراع بحسب الحاجة . تانكي ماء .
بإمكانك الرجوع في نفس الصفحة لموضوع ( كل ديماكسي يسجل حضوره بصورة سيارته) تجد فيها صور سيارات الشباب وتجهيزهم وهذا الرابط وأتمنى لك التوفيق ومرحباً بك بين أخوانك
http://www.mekshat.com/vb/showthread.php?t=465770

[هبوب الصبا]

يامرحبا يالديزل الجديد سوف تعشق سوزوك ان انت فهمته وصنته
اهم شي عندي غطاء الصندوق وتفصيل توانك تحت وبلا دعامه مافيها فايدة والشراع برضه كويس بس بشرط ينفك ويركب
والف مبروووووك