مشكلة باللاندكروزر..لمبة الـABS والبريك...وش الحل؟؟

[أبو ريما111]

السلام عليكم

معي GXR 2003

علبة الفرامل فيها تهريب بسيط جداً وكان وضعها طبيعي والأمور تمام

لكن من أسبوع شغلت السيارة ولعت لمبة الـ ABS يمكن عشرين ثانية وطفت

وكل شي تمام مافي اي ملاحظه غيرها

وبعد يومين تكررت نفس العملية

أمس كنت طالع مشوار قلت خل أزيد زيت الفرامل أخبره ناقص شوي

وزودته تقريبا للماكس ومشيت طبييعي وقفت يمكن ساعه وشغلته أشتغلت لمبة

الـ ABS مع لمبة البريك وأمشي بالسيارة واللمبتين معلقه

يوم وصلت البيت نقصت من الزيت وطفت اللنبات ورجع الوضع عادي

اليوم تتكرر نفس العملية تولع شوي وانا ماشي وتطفى

أبي الحل لاهنتم هل عمر العلبه قرب ولازم اغيرها ولا وش الحل معها

علما ان قيمتها غاليه وماتوقع يبي لها تغيير لأن حتى الزيت اللي تهربه لايكاد يذكر

وشكرا

[moooj]

في الغالب تولع مع زيادة الزيت او نقصه
وفي اسوأ الأحوال ان الزيت نقص الى حد انه يحتاج تهوية النظام كامل (تنسيم الفرامل)
خل مستوى الزيت بين ال low و ال max وتابعه بدقة اذا ولعت اللمبة او لا
وبالتوفيق

[أبو ريما111]

ماقصرت اخوي مووج

الحين اللمبه تشتغل مع بداية تشغيل السيارة فتره وتطفي

[moooj]

عادي مثل باقي لمبات التشييك

[أبو ريما111]

الحين مافي تهريب ابد

من اول كان يهرب غيرت الزيت للاصلي حق تويوتا وصار ماعاد يهرب ابد

واللمبه تشتغل مع بداية تشغيل السياره يعني بعد ماتطفى لمبات التشغيل تشتغل هي يمكن دقيقه وتطفي


غير ذلك الاحظ لما اضغط فرامل وهي شغاله تطفى

اتوقع انه ضغط abs حسب ماقريت بس ماعرف كيف اسويه