بخصوص المساعدات ؟

[راجي الكريم]

السلام عليكم ورحمة الله وبركاته,,,
عندي استفسار يا اخوان الله يحفظكم عن أفضل مساعدات لليوكون2007 من ناحية الجودة والسعر وتوفرها في السوق ( يعني لا احد يقول اطلب من النت)

[راجي الكريم]

عسى مازعلنا احد ياشباب 79 قارئ ولا رد واحد والموضوع نزل لآخر الصفحة !!
كان فيه غلط أو قصور آسفين وخلا ص سحبنا الاستفسار .

[سعد القاسم]

وعليكم السلام ورحمة الله وبركاته

حياك الله ياخوي

بالنسبه للمساعدات انا ارشح لك مساعدات بلستين الالمانية شغل كد ومد على قولتهم بس عيبها انك تطلبها من النت ولا فيه اي مشكله في هذا الجانب انا مادري ليش متضايق

قبل فتره طلبت لي طقم وعرضت تجربتي

وعقبها وصوني الشباب على اكثر من طقم ووفرناها لهم والحمدلله كل شي تمام ...

وخصوصا ان قيمة حقات الوكاله اغلى منها ..

والله ولي التوفيق

في احدى مواضيعي تجربه سابقه لعلها تفيدك ان شاء الله

[Magellan]

فيه انواع كثيرة
منها kyb اليابانية
ومنها المونرو الاسترالية
ومنها رانشو الامريكية
ومنها جبريال الامريكية
ومنها حقات اخونا سعد القاسم
بس يلزم معرفة الوكيل لكل قطعه واكثر واحد تتواجد عنده القطع هو السبتي

[ابشر بسعدك]

الله يصبح الجميع / ويمسيكم بالخير والمسرات
سؤال لاخونا العزيز القاسم ولا هان (الاخ ماجلان والباقين )هل جربت مساعدات السوق المحلي كالسبتي من ناحية الجودة والاسعار اترك الوكالة نصابين ابي برى الوكالة هل ارخص من النت ولالا وش تنصح فية ((انا عندي سوبر بان z71 دفع رباعي موديل 2006 )) سلمت ولك ودي وتقديري

[راجي الكريم]

بيض الله وجيهكم ياشباب وجزاكم الله الفردوس الأعلى

[سعد القاسم]

اخوي ابشر بسعدك <<< وابشر بسعدك مريتهم كل المحلات المتخصصه في المساعدات بالرياض وجده والدمام وللاسف ماحصلت عندهم الي ابيه والي يطبق لموتري

وبالصدفه وقعت عيني عند احدى زيارتي لهم على مساعد بلستين اسود الي يرهمونه في الهايلكسات رقمه 511 بس اشك فيه بصراحه كثير سمعت منهم انها تفقعت على طول وانا شفت هالمساعد على الطبيعه اشك في ان تصنيعه صراحه خامته قوته جلست ادقق فيه ماهوب ابد مثل الي طلبت صحيح النوعيه تختلف ولكن الشركه واحده بصراحه فرق واجد في الصناعه و الخامه

____
تصدق اني اصبحت اطلب الي ابغاه من برى وارتاح من هم جودة الصناعه والبضايع المضروبه عندنا ..

صرت اثق في النت اكثر .. في الفتره الاخيره .. وذالك لكثرة تعاملاتي مع المواقع الاجنبيه

ان شاء الله اني قدمت مايفيد

[سعد القاسم]

بالنسبه للموتر السوبر بان 2006 لابد تتأكد اول اذا المساعد الخلفي هيدرويلك او لا
واذا هيدروليك فانه لا يتوفر له شي لابد تتنازل عن المساعد الهيدروليك وتركب واحد عادي ولكن السؤال اذا ركب العادي هل بينفع محله وهل هو متانسق معه شد بلد واهم شي الكمبيوتر لا يتعارض مع هذا النوع والله الموفق

ممكن تلقى عند السبتي بس حاول تدور على المساعد ذو الرقم 5100 اذا لقيته كان بها واذا مالقيته خلف الله مالك الا النت وتتوكل على الله << هذا اذا كان السبتي وهالمحلات يفهمون بشغلة انك اذا قمت بتحويل المساعد الهيدروليك الى العادي ...

والله يعين