يا النشاما ما هو أفضل طريق للتنهاة من القصيم

[أبو رائد الحربي]

السلام عليكم ورحمة الله وبركاته


أخواني رواد واعضاء مكشات من يصف لي افضل طريق لروضة التنهاة من القصيم
ذكر لي شخص أن فيه طريق من مفرق محطة فيحاء العتش لتمير يختصر لروضة التنهاة
فمن يعرفه جيدا يعطينا وصفه بارك الله فيكم ؟
وهل فيه فرق عن الطريق الثاني الذي يمر بالثمامة ؟
شاكر ومقدر لمن يفزع

[شامخ الناب]

السلام عليكم قبل نقطة الرياض بشوي فية مفرق مكتوب علية الصمان ركب الكبرى وطلع يسار وسسسسسسسسسسسسيدة لين يجيك لوحة مكتوب عليهاالصمان والحفنة والتنهات اطلع يسار وسيدة تجيك الحفنة وبعدها تجيك محطة التنهات وبعدها يجيك دوار اطلع معة يسار طبعن مكتوب عليه التنهات

[سرالحياة]

اخوي الثلج الحار صحيح من مخرج محطة حفر فيحاء العتش تطلع معه يسار حتا روضة نورة الطريق مردوم بعضه مسفلت والاخر مردوم ومدكوك وجاهز للاسفلت حتا روضة نورة وبعد الروضة طريق ترابي حتا طريق الرياض التنهات وتاخذ يسار حتا الدوار ومن ثم تتجة لروضة التنهات
الطريق الثاني
تطلع مع مخرج تمير11 وتدخل تمير ثم مبايض وتاخذ يمين للشعب وتطلع مع طلعت الشغب متجة لام رجوم قبل ام رجوم ياتي لك شبكة الضغط العالي ابراج الكهرباء تطلع معة يمين وانتبه الطريق وعر بطانيج وتحويلات
الطريق الثالت تطلع حتا ام رجوم واذا دخلت الديرة من عند قبل اخر محطة تطلع يمين وتتجة حتا روضة التنهات واذا كان معك قارمن فهو افضل مع هذا الطريق وجههة على الروضة
الطريق الثالث تمشي مع السريع القصيم الرياض وانت متجة للرياض ياتيك مخرج دقلة الي بعد بوفية ساسكو الي على اليمين اذا جيت المخرج اطلع معة يسار ويجيك تقاطع الطريق القديم اطله سيدة متجة شرق حنا ياتيك مفرق الطوقي والتنهات
ورحلة ان شاء الله موفقة ترافقكم السلامة

[هدب]

إذا تبي شوري

أفرق يسار من عند كبري جلاجل اللي عقب المجمعة

تلقى محطة كهرباء وويطلع منها أعمدة كهرب رايحه غرب

خلك مع التمهيدة اللي بجانب الأعمدة ومتجه معها غرب تطيح بوسط التنهاة

[أبو رائد الحربي]

والله ما قصرتم يا النشماء الله يعافيكم قبل كم سنة طلعت مع شباب من فيضة التنهاة على ما أضن باتجاه الغرب مع طريق صحراوي لكن طعوس خفيفة نمشي
معه في السيارة 100 ولا أحلى منه طبينا على قرية نسيت أسمها مين يعرف هذا الطريق وهل بأستطعتنا أن نأخذ هذا الطريق من الطريق الذي يمر بالشوكي ؟؟

[ناصر العلي]

والله ما قصرتم يا النشماء الله يعافيكم قبل كم سنة طلعت مع شباب من فيضة التنهاة على ما أضن باتجاه الغرب مع طريق صحراوي لكن طعوس خفيفة نمشي
معه في السيارة 100 ولا أحلى منه طبينا على قرية نسيت أسمها مين يعرف هذا الطريق وهل بأستطعتنا أن نأخذ هذا الطريق من الطريق الذي يمر بالشوكي ؟؟
أحسنت ياأخوي هذا أنسب طريق يوديك لأم رجوم تقريباً ثمانية وعشرين كيلومتر ومن أم رجوم تتجه لكبري جلاجل .....والعكس...أن من شهر جاي مع هالطريق من أم رجوم للتنهات خلك دايم مع الخطوط اللي تياسر لكن لاتروح للنفود
رحلة سعيدة

[lilili]

افادوووك الرجال ×