لأهل الخبرة في التماتيك الرجاء المرور

[htc]

سلام ياشباب :
استفسار بخصوص الجير التماتيك :confused: :confused:
بعض انواع الجير تكون النمر فيها ( D , D , 2 , 1 ) هل تكون القيادة داخل البلد وفي البر أفضل على D العادي أو على D أوفر درايف ؟؟؟؟ .
لأنه لو كان الجير على D أوفر درايف تعشق السياره على الراحه بسرعة فيكون الضغط اكثر على الفرامل عند الرغبة في الوقوف وكذالك لو بغيت تدعس إذا قابلك طعس والا شي تحس السيارة ميت حيلها تعشق اكثر من مره علشان تشد معك :mad: ، ولكن إذا كانت على D العادي تضل السيارة شاده وتحس انها ممسوكة بحيث لو دعست مباشرة تجاوب معك وإذا بغيت توقف تحس ان الوقوف اسرع .
فما رأي الشباب أصحاب الخبرة في هذا الموضوع لكي يستطيع المكاشيت المحافظة على مواترهم جيدة :confused: :confused: :confused:

[حمد الماجدي]

بصراحه يااخوي لازم تعطيني نوع السياره اذا كان امريكي مثل الشيروكي يكون علي D العادي احسن لمفااجأأأة درووب البر مثل يكون صيد جداامك ومااشاابه بس اذا نيسان ماعليك رح والله ويااك طبعااا النيسان الجديد يعني 4800 واذا القديم الله يعينك تحياتي لك

[htc]

يعطيك العافيه
نوع السيارة بليزر موديل 91

[شبح الصحراء]

في البر وعلى سرعات دون 60 كلم/ساعة استخدم D الثقيل المخصص للأوفردرايف لأن التعشيق بين النمر متباعد ويسمح بتجاوز الرمال دول تكرار تغيير النمر بعكس D الخفيف المخصص للطرق .

[تــــوني]

سلام عليكم ورحمة الله وبركاته

كلامكم سليم بس D يعن صرفية اقل للبنزين
يضطر الواحد اذا كان في مكان بعيد ما يعرفه انه يقلل صرفية البنزين قد ما يقدر
وفي هذا الوضع اذا كنت ما تعرف المكان لا تسرع وخل السيارة هادية الا إذا اضطريت
وبعدين تماتيك يعني هو لوحدة يرجع النمرة الي يحتاجها الموقف

D Drive تستخدم في حالات القطر , النزول في المنعطفات الخطرة مثل (الهدى طريق كرى مرتفعات الجنوب) هذي الي تحتاجها سواءً في النزول للتخفيف من استخدام المكابح (الفرامل) لان كثرة استخدامها يؤدي الى استهلاك عالي جداً للفحمات والديسكات (الهوبات) ...
اما بالنسبة لصعود المرتفعات العالية (الطلعات) الي تستغرق وقت طويل لابد من استخدام D Driveأو D3 أو D2 على حسب نوع السيارة والسبب في ذلك لان السيارة تحمل ضعف وزنها وتحتاج الى تبريد مضاعف وبسرعة دوارن المحرك تزيد سرعة تدوير المياة داخل المحرك وجهاز التبريد .. وخاصتاً السيارات من نوع فووووورد نلاحظ وجودها مرتفعة الحرارة متعطلة على طريق الصعود في الهدا وذلك لعدم معرفتهم التعامل مع القير التماتيك

بس خلك حنين على السيارة يكفيها طلوع ولا تجور عليها حيل
والله اعلم وبالتوفيق

[غالي]

انا معي لاندكروزر توماتيك
على كلام الوكاله لي اني استخدم في القير رقم 2 الي يجي بعد D في الرمال
وعلى كلامهم علشان مايخرب منظم القير تخبر يجيك مرتفع تدعس يرجع القير للنمره الي تحت وهذا يضر القير
والله اعلم عاد شفت موضوعك رغم ان سيارتي مو نفس سيارتك ولكن حبيت اشاركم واقول معلومة الوكاله <البازعي>
السلام عليكم