×××(( المسلم مهوب ضعيف الا لله ))×××

[(هزاع)]

السلام عليكم ورحمة الله وبركاته
تحيه لاكل رواد هذا الصرح اداره ومشرفين واعضاء وزوار
(المسلم مهو ضعيف الا لله)
يجب علينا كمسلمين ان نتحلى بروح المسلم السمح بالبيع والمشترى وكل امور الحياه
ولا يجب ان نكون ضعفاء للناس تنطلي علينا خداعهم ونعطي الثقه لمن لايستحقوها ونفرط بما رزقنا الله من مال ووقت
هذا وقد من الله علينا بالعقل لتدبر امرنا فلا يجوز لنا التفريط وترك رفيق الشيطان ان يغشنا
وقد تهيء لنا اسباب اخذ الحيطه بالفحص ومشاهدة الطير في المدعى
واغلب الغشاشين عند عرض طيره للبيع بالسوق او اماكن البيع يقول الطير سليم ومحتد ابيع طيري
تقوله نفحص الطير قال انا مستعجل اومسافر المهم يختلق لك عذر لئلا يذهب للفحص والمدعى
بعد هذا لاعذر ونصيح لله
1: يجب ان نركز على الفحص والمدعى
2:يجب ان لانستعجل الشراء
3:ان لا نضع الثقه في غير اهلها
4: اجعل لك في كل مدينه صديق صدوق يخدمك
5: ان لاننخدع بالمضاهر والكلام المنمق
الفحص والمدعى (الماء يكذب الغطاص)
(ليه يوم نشري السياره من المعارض من يدين الشريطيه نفحصها عند المكنيكي ومن ثم الخط)
ايظن كذالك الطير فحص ومدعى
عن أبى هريرة رضي الله عنه أن رسول الله -صلى الله عليه وسلم- مرّ على صُبْرَة طعام، فأدخل يده فيها فنالت أصابعه بللاً، فقال: ( ما هذا يا صاحب الطعام؟ ) ، قال: أصابته السماء يا رسول الله، قال: ( أفلا جعلته فوق الطعام كي يراه الناس؟ من غشّ فليس مني) رواه مسلم
من ضمن فهم الحديث الشريف عن ان المصطفى صلى الله عليه وسلم قد فحص الطعام عند البائع بان ادخل يده بالطعام
اخوكم ابومشعل

[بو هاشم]

جزاك الله الجنة وجعلة في موازين حسناتك وكثر الله من امثالك الحريصين على خدمت اخوانه المسلمين ونصحهم
وانا اقول الحمدالله لسى الدنيا بخير اذا
فيها رجال شرواك

[انور العنزي]

جزاك الله كل خير والله يكثر من امثالك في نصح اخوانهم وتبيين الخطا والخوف عليهم تقبل مروري

[البرنس الليبي]

الله يجزاك خير ياهزاع انت من الرجال اللي ذمتهم طيبه ومشكور على التنويه

[ســـبــار ربــعـــه]

جزاك الله خير ورحم الله والديك .

[ابوظافر90]

الله يجزاك خير يا ابو مشعل ، ويجزا والديك ووالدي كل مسلم بالجنة ، كلامك في محله نسأل الله العفو والعافية .

[السومر]

بارك الله فيك يابو مشعل

ماقصرت وجزاك الله خير

[عادل العيباني]

جزاك الله خير عنا وعن المسلمين اجمعين واسأل الله ان يجعلها في ميزان حسانتك ( الدين النصيحه ) تقبل مروري اخوك : عادل العيباني

[الوريكه]

جزاك الله خير يابومشعل والله يكثرمن امثالك
وعسى الله يوفقك اخوك/نايف المطيري

[أنا داري]

جزاك الله خير وفي ميزان حسناتك وكلام ميه الميه

[ط مباركي]

جزاك الله خير ورحم الله والديك .





والله يوفقك

[ابوماجد6641]

جزاك الله ألف خير كلام سليم

[البروالطير]

السلام عليكم
بارك الله فيك كلام في محلة وخصوصا في هالوقت
كثرت بياع الطيور
والبعض يشكر طير وهو يعلم انة مفلس ما يصطاد شي
بعد انتهاء الموسم يتخلص منة

[ذراع الذيب]

السلام عليكم ورحمة الله وبركاته,,
صبحت بالخير ياهزاع,,

لاهنت على هالموضوع والله يجزاك خير وكثر الله من امثالك,,
تحياتي لك,,

[جفنان ينبع]

الله يجزاك خير يا ابو مشعل ، ويجزا والديك ووالدي كل مسلم بالجنة ، كلامك في محله نسأل الله العفو والعافية .

[الصقار شرهان]

الله يجزاك خير ويرحم الله والديك ويكثرمن أمثالك يابامشعل

[صقرالحروب]

الله يوفقك على الطرح

[ســـبــار ربــعـــه]

للرفع لتعم الفائده لاخواننا .

[اقدم صقار]

السلام عليكم
اخوي ابو مشعل
والله ان الطيور الي شريتها كلها وقبلها طيور ابوي الله يعافيه ما منها اللي وديته للمستشفى
اشتري واعطيه دراهمه واروح اجرد الطير واشوف طياره والتوفيق بيد الله
لاكن عسى الله يعطينا على نياتنا
وكلامك صدق الناس صار فيهم بلا وغش ووهم وسلال وضعف انفس وعسى الله يحمانا

تقبل مروري

[(هزاع)]

نعم كلام اخواني الاعضاء صحيح
الناس صار بهم بلا الغش والتدليس واهم شي( المال)
ولاسئلته قال صايد على( كلام اهله الاولين)
عطني رقم راعيه اللي صاد معه
ماتلقي شي
كلام وبس

[السومر]

بالنسبه لشخص اللي يقولك صايد مع اهله الاولين (( هذي ماتنفعه ولا تنفع الطير من ناحية القيمه )) وممكن يكون صادق

ولكن يعتبر مجرد خبر و لا تاخذ كلامه بعين الاعتبار أن بغيت تصدق ولا ما ضرك شي ..

واكثر ما يقولونها لا سألت عن الحبارى وفي هذي ممكن يكونوا صادقين لأن انتم

عارفين الحبارى قليله في هالوقت ولا تقدر تشرط عليه

[(هزاع)]

بالنسبه لشخص اللي يقولك صايد مع اهله الاولين (( هذي ماتنفعه ولا تنفع الطير من ناحية القيمه )) وممكن يكون صادق

ولكن يعتبر مجرد خبر و لا تاخذ كلامه بعين الاعتبار أن بغيت تصدق ولا ما ضرك شي ..

واكثر ما يقولونها لا سألت عن الحبارى وفي هذي ممكن يكونوا صادقين لأن انتم

عارفين الحبارى قليله في هالوقت ولا تقدر تشرط عليه



انا ضد الشرط وش تشرط عليه تشرط على مخلوق
ابي اقولك ماقالو اهله ولا اشرطلك حتى لوصاد معي


ابشرط لك المستشفى والمدعى
طير سليم وطياره اللي انت تشوف بعينك
فقط فقط

[عواد الشمري2]

بيض الله وجهك يابو مشعل

[قرناس شمالي 1]

بعض العرب مايفهم بالاشاره
يعني لازم تشهر به يمكن بعد يفهم
الله جعل الحرام ياكل لحمه

[(هزاع)]

السلام عليكم



اخوي ابو مشعل
والله ان الطيور الي شريتها كلها وقبلها طيور ابوي الله يعافيه ما منها اللي وديته للمستشفى
اشتري واعطيه دراهمه واروح اجرد الطير واشوف طياره والتوفيق بيد الله
لاكن عسى الله يعطينا على نياتنا
وكلامك صدق الناس صار فيهم بلا وغش ووهم وسلال وضعف انفس وعسى الله يحمانا



تقبل مروري



((الناس صار فيهم بلا وغش ووهم وسلال وضعف نفس))
نعم ضعف نفس
لاكن اخلي ضعيف النفس يلعبي
انا منحد عليه وعلى طيره
لا والف لا
الفحص والمدعى يارجال
لا تسلم ريال الا بعد ذلك ان بغى ولا طيره عنده وريالى بجيبي

[ســـبــار ربــعـــه]

الله يجزاك خير يا ابو مشعل.

[@السيف@]

بيض الله وجهك وجزاك الله خير

[راكان1000]

السلام عليكم جميع انا ضد شرط الحبارى بداية الموسم رفيق لي اشترى حر فارط سبق وصايد الحبارى قدام عينه السنه اللي فاتت اشتراه ب20 الف وقنصت انا وياه السنه هذي رويناه الحبارى قال ما فيها لحم وريناه حبارى ثانيه وبعد ما طلبها المهم قبل كراوين الرجوع راعيه الاول كلم رفيقي يبي يشترى الطير رفيقي عطاه الطير بدون مبلغ حلف عليه بالطير قنص الكراوين ويلحق بعد الشواهين كروانه ما يروح المهم حصل حبارى في الرجوع هده وصاد قدام عيني سبحان الله لو ما نعرف الرجال يوم اشتراه رفيقي كان قلنا ان الرجال غشنا

[تميم2222]

جزاك الله خير ....

[(هزاع)]

احترامي لكل الاراء والمداخلات وكله مفيد
وصدقو الاخوان بتغير طبوع الطير بتغير صقاريه
والناس خير وبركه لاكن كلن وطريقته وحسن او سوء تدبيره
لاكن انا شخصيا ضد الشرط ولاحط بذمتي شي
اقول ماقالوه الناس كخبر لااضمن مدى مصداقيتهم وقد يكونو اصدق مني
((ولازلت مصر على فحص الطير ومشاهد طياره قبل الشراء))