مشكلة : الكفرات بالنفود ذبحتني بالبطناج

[أبُوريمآ]

السلام عليكم ورحمة الله وبركاته

عندي موتري دودج رام ( ونيت ) باب واحد

الجنط 20 والكفرات قودير 275/60/20 الهواء 20

مشكلتي بالنفود لما اخذ عزم تحت النفود الموتر كله يسوي رجة قويه ، ولما ارجع لجرة السيارة اشوفه مسوي مطبات واذا تواسيت بنص النفود وحفر شوي ترجع الرجة لدرجة اني ارفع رجلي عن البنزين .

( مشكلتي بالكفرات والجنوط )

المعروف ان الجنط عشرين غير عملي .. لكن هل فيه حل غير استبدال الجنوط بمقاس 17 أو 18 لان الجنوط حسافه هي اللي مخليه الموتر مملوح :( :D

ارجوكم لاتتركوني اصارع البطانيج لحالي :D

[.راعي الطير]

تبي ترتاح من المطانيج ركب بوالين وراح ترتاح مرره

[الساهر2003]

اخوي بالنسبه لي لكن على كفرات وجنوط تختلف
20 كثير جداً
عندي التطعيس واتمشى على خفيف ومرتاح انسم الكفر على 15 او 10
اتوقع الحل التنسيم زياده ولا تسايف حتى ما ينفك الكفر من الجنط

[عبدالرحمن السالم]

الـ 20 ثقيل بالنفود بعذره لو يحفر
اذا الـ 17 ثقيل فما بالك بالـ20
النفود مايبي له الا 15 او 16 مثل الجي تي والاخطبوط وغيره
زي ماتفضل الساهر مالك الا تنسم الكفر شوي
موفق خير

[ابورايف]

كفرات قودير قوية ومتماسكة
الأفضل تغيير الكفرات
والله أعلم

[ابو شريفة]

تقريباً انآ مثلك معي بآترول ربع كفرآت بلد برجستون:D
المشكلة نزل الهـوآ اذا دخلت النفود إلى 15 بالكثـير اولأً اريح للموتر
واقل صريفة للبنزين ويمشي زي اللوز مع الاماكن الوعرة والهيار والصيادات، منت ملزوم تعفل الموتر عفل
للتوضيح : الكثير من الناس بالذات اهل البواترل يحسبون هالرجه نظام هزاز :D مآيدرون سبته الهوا بالموتر وثقلة والرمل هيأر لان نظام تعليقة يايات واذا دست بالنفود يقص قص ويسبب رجة مو من صالح الموتر.
بختصأر : نزل هوا الكفرات :D:good2:
دمتم سآلمين

[مافيه]

يا الغالي اذا كنت راعي نفود ووعر لزوم تغير الجنوط لانها بتتعبك اول شي كفراتك بتنعدم بسرعه ومع المطبات بتتفخ او تصعرر وقيمة الكفر مهيب بسيطه

وافضل مقاس من ناحية الشكل خذ 17

واذا تبي الاريح للموتر 16 بس اذا كان موترك جديد ماتركب لان الهوبات كبيره

و مقاس 18 مهوب فايدك بالحيل وفي نفس الوقت قيمة الكفرات غاليه مره تفرق تقريبا 300 ريال للكفر الواحد عن مقاس 17