مشورتكم وفزعتكم يارجال

[امجد2012]

ابي مشورتكم ياشباب قررت اشتري ومحتار بين الكابريس 2011 LTZ فل كــامــل

والكامري 2011 GLX فل كــامــل

طبعا الكابريس من التوكيلات

والكامري من وكالة عبداللط الخ....

[HAS5SAN]

الكابريس = أريح وأقوى وأسرع / القطع غاليه والصيانة غاليه / يبي له مداراه
الكامري = أجود وأوفر وأطول عمر / القطع لا بأس بسعرها ومتوفره / تتحمل الكرف
انا مع الكامري 2011 GLX لا جتك لؤلؤي

[محنك]

تويوتا ......

[SAS2]

متاكد التوكيلات تبيع كابريس ؟؟

المهم فكر بشي ثاني غير الكابريس مجرب مهوب سمعت

وبالتوفيق

[راكب الشفر]

والله الكابريس موتر وفخامة ورحابة واللي يقول قطعه غالية يشوف بكم قطع التويوتا ارتفع وصارت غالية
حتى الفحمات للكامري ماتحصلها بالوكالة
ورح وشف
وانصحك بكابريس 6 سلندر اقل صرفيه

والمكينة ممتازة ونشيطة وصيانتها سهلة واهم شي تسوي تصفية مكينة كل 40 ألف وانا كان معي لومينا 2005 6 سلندر نفس مكينة الكابريس ال6
كنت اعبية فل بالشرقية وامشي 180 و ضغط المكينة على (3) وتوصلني للمجمعة 600 كيلو
ومشت معي فوق الــ400 ألف
والحمدلله لاخبط المكينة ولا ضرب القير والدفرنس بحالة ممتازة
والحين الموتر عند اخوي ومشاها زود ولا يشتكي

اهم شي الصيانة كل 40 ألف تغير الفلاتر وزيت القير والبواجي كل 80 ألف والله يوفقك وييسر امرك
واستخر وشف اللي ترتاح له

[امجد2012]

اخوي انت SAS2 انا متاكد لو مو متاكد ماكان سالت يا كبتن اكيد في كابريس هذا وكيل مو معرض في الحراج

[SAS2]

الله يصلحك التوكيلات فورد فهمت يابو حراج

[قناص 28 عفيف]

الكابريس = أريح وأقوى وأسرع / القطع غاليه والصيانة غاليه / يبي له مداراه
الكامري = أجود وأوفر وأطول عمر / القطع لا بأس بسعرها ومتوفره / تتحمل الكرف
انا مع الكامري 2011 GLX لا جتك لؤلؤي
هذااك اول الحين الكامري فوق الميه وقططع الغيار 2012 نااار الله يجيرنا من نار جهنم وفيه خلل خطير تعليق السرعه
والكابرس قطع غياره رخيص بس الامريكي معقد

[قناص 28 عفيف]

انصحك بالهوندا اكورد

[كاشت وحداني]

لحل الخلاف
يا اخوان التوكيلات العالميه uma وكيل لشفرولية
اما توكيلات الجزيره هي وكالة فورد
بالنسبة لك صاحب الموضوع اخري امجد
اذا منت طالع من هالخيارين انصحك بالكابريس
الكامري من ٢٠٠٣ وطالع ضاربه الوادي ومن ٢٠٠٧ تعتبر لعبه وليست سياره
اولا لعدم وجود اي وسيله من وسائل الامان الا الحزام
قطع غيار غاليه
المكينه تنقص زيت لانها من ارداء انواع الالمنيوم
وزود على كذا لاتتوضب
وسعر المكينه بعد الخصم ٢٤ الف
واذا محد مصدقني يروح قطع غيار ابوجميل ويسأل عن سعر المكينه
اذا مالك خيار عن الثنتين انصحك بالكابريس لكن يبي متابعة صيانه ولا تختلف عليه الايدي
موفق

[امجد2012]

التوكيلات العالمية لسيارات مو الجزيرة اذا تبي ترد اتاكد من هرجك تقبل مروري

[أطلال نجد]

أخوي لا أنصحك بالسيارتين
عندك خيارات أفضل مثال : هوندا أكورد ، تويوتا أوريون v6 ، فورد تورس ، نيسان مكسيما ، ألتيما

[عاشق السيل]

هججججججججججججججججججج عن الكابرس !!!!!!

[abo naser 1]

السلام عليكم

الكابرس جربته جديد 2009 6V مركبه حلو وشكله حلو لأكن رديئ تصنيع وخصوصاً الديكور وبطنه من مساعدات وخلافة وحساس بزيادة يعلم الله بعته بعد أقل من شهر كل يوم أسمع صوت او قرقعة طبعاً خفيفة لاكن الموتر توه جديد وشلون بعد 100000 كيلو وش بيصير وشف 2007 و 2008 يقامز من وراء حشا كنه رايح على عمرة 10 سنين
و 2011 كله 8V وازين مافيه قوة سواء الستة او الثمانية سرندل اقتصادي بنزين خصوصاً 6V وشكل حلو ومحركات قير مكينة أعتبرها عملية مع الصيانة الدورية

اما الكامري من 2007 اشوفها كذلك رديئة صناعتها ماهي مثل الأوله في الصبر واذا كنت راعي خطوط مع سرعة المكينة ماتطول وبعضها تنقص وكالة الا كانك راعي ديرة أحتمال تعيش معك المكينة أطول مدة من راعي الخطوط
واشوف التشاليح 2008 2009 2010 يغيرون مكاين وحوادثها غريبة تصدم مع الرفرف الأمامي يتكسر الطبلون ويطيح ديكور الباب الخلفي ويتمزع البودي مامن حديد ولو تشوف الأرضية الي تحت المراتب معدنها خفيف جداً حشا ما بقي الا يحطون قصدير

انا اشوف أجود سيارات السيدان الأخيرة هي الهوندا الأكورد هذا رايي يحتمل الصواب والخطاء

[You Like Me]

وانا مع اخواني اللي شاروا عليك بالهوندا
مدام انت ناوي سيارة سيدان
الامريكي عموماً المديلات الاخيرة حق ابو سنه سنتين بالكثير والمعارض
والكامري مع اخوي 2010 على يده جديده ماخذها
قطع غيار مافيه فحمات ولي العلبه السفليه للدركسون الان كملت 6 شهور ما وصلت
الفحمات وصلت بعد خمسه شهور واللي إلى الان ما وصل ومعاد يقبل الكبس
تخيل موتر جديد وزيوته تخرخر

[طارق الحريري]

الامريكي اريح من الياباني ولو اني اشوف ان الكامري افضل خدمه بالنسبه للاستعمال والبيع انا لوخيرت بين هالسيارتين اخذت الكامري لكن الافضل منهن بالنسبه للسعر والراحه الفورد الفيكتوريا رسمي وسعره زين ومريح بالسفر يعني اذا انت راعي سفر الفورد افضل واذا انت راعي ديره كامري افضل واستخير والله يوفقك

[ذيب زلفاوي]

والله الكابريس موتر وفخامة ورحابة واللي يقول قطعه غالية يشوف بكم قطع التويوتا ارتفع وصارت غالية
حتى الفحمات للكامري ماتحصلها بالوكالة
ورح وشف
وانصحك بكابريس 6 سلندر اقل صرفيه

والمكينة ممتازة ونشيطة وصيانتها سهلة واهم شي تسوي تصفية مكينة كل 40 ألف وانا كان معي لومينا 2005 6 سلندر نفس مكينة الكابريس ال6
كنت اعبية فل بالشرقية وامشي 180 و ضغط المكينة على (3) وتوصلني للمجمعة 600 كيلو
ومشت معي فوق الــ400 ألف
والحمدلله لاخبط المكينة ولا ضرب القير والدفرنس بحالة ممتازة
والحين الموتر عند اخوي ومشاها زود ولا يشتكي

اهم شي الصيانة كل 40 ألف تغير الفلاتر وزيت القير والبواجي كل 80 ألف والله يوفقك وييسر امرك
واستخر وشف اللي ترتاح له
صراحه اول مرره اشوف واحد يمدح الكابرس وخصوصا موديل 2005 وتحت


على العموم السيارتين كلهن مانصحك فيهن انصحك بالفور فكتوريا والله انه موتر معي له اربع سنين زي الحلاوه اقتصادي حتى بالفحمات والبواجي وغيره يمشيك 80 الف مايطلب الا زيت وبانزين بسسس

خرب لي مرره ماكينة الدريشه وغيرته اصلي 220 ريال
وغيرت فحمات اماميه كان فيها نص عمر بس ماذكر بكم والفحمات الخلفيه شد بلاده
وخرب علي مرره قسام المكيف
وشمعه نور امامي يمين الا الان ماصلحتها
ولمبت اللوحه خربانه بعد :D

هذي الخرابات الي مررت باربع سنوات وانا اتردد بين الرياض للزلفي كل اسبوع واوقات يوميا ومابقا محل بالمملكه مارحت له الا الجنوب موتر مريح جدا

الموتر معي وكاله 2008